Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୪କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୫୧ କରୋନା ସଂକ୍ରମିତ, ୧୦୫୦୫୦୫ରେ ପହଞ୍ଚିଲା ସଂଖ୍ୟା
  • ||
  • ରାସ୍ତା କଡକୁ ଖସି ପଡିଲା ଆମ୍ବୁଲାନ୍ସ, ଅଳ୍ପକେ ବର୍ତ୍ତିଲେ କର୍ମଚାରୀ
  • ||
  • ଏଜାଜ ପଟେଲଙ୍କୁ ସ୍ୱତନ୍ତ୍ର ଉପହାର ଦେଲା ଟିମ୍ ଇଣ୍ଡିଆ, ଗୋଟିଏ ଇନିଂସରେ ସବୁ ବ୍ୟାଟରଙ୍କୁ କରିଥିଲେ ଆଉଟ୍
  • ||
  • ସୁଙ୍କି ଘାଟିରେ ଦୁର୍ଘଟଣା, ମୁହାଁମୁହିଁ ଧକ୍କା ହେଲେ ୨ ଟ୍ରକ୍
  • ||
  • ଗଜପତି : ଭିଜିଲାନ୍ସ ଜାଲରେ ନୂଆଗଡ଼ ଫରେଷ୍ଟର, ଏକକାଳୀନ ୪ଟି ସ୍ଥାନରେ ରେଡ୍
  • ||
  • ତେଲକୋଇ ରେଞ୍ଜରେ ହାତୀ ଆତଙ୍କ, ସନ୍ଧ୍ୟା ହେଲେ ଗାଁରେ ପଶି ନଷ୍ଟ କରୁଛନ୍ତି ଫସଲ
  • ||
  • ରାଜ୍ୟରେ ଏବେ ବର୍ଷା ନାହିଁ, ଶୁଖିଲା ଓ ଖରାଟିଆ ରହିବ ପାଗ
  • ||

ଆଶ୍ଚର୍ଯ୍ୟ : ସାରା ବିଶ୍ବରେ କରୋନାକୁ ନେଇ ଆତଙ୍କିତ ଥିବାବେଳେ ଏହି ଦେଶର ଲୋକେ ପାର୍ଟି କରି ହେଉଛନ୍ତି କରୋନାରେ ସଂକ୍ରମିତ

9/05/2020 at 12:07 PM

ଓ୍ବାଶିଂଟନ ୯/୫: କରୋନା ଭାଇରସର ମାମଲା ଦିନକୁ ଦିନ ବିଶ୍ବରେ ବଢ଼ି ଚାଲିଛି। କିନ୍ତୁ ଆମେରିକା ଏକ ଏପରି ଦେଶ ଯେଉଁଠାରେ କରୋନାରେ ସବୁଠୁ ଅଧିକ ଲୋକଙ୍କ ମୃତ୍ୟୁ ହୋଇ ସାରିଛି। ଶନିବାର ସକାଳ ସୁଦ୍ଧା ଆମେରିକାରେ ମୃତ୍ୟୁ ସଂଖ୍ୟା ୭୭ହଜାର ପହଞ୍ଚି ସାରିଛି। ଏହି ସମୟରେ ଅନେକ ଆମେରିକୀୟ ସହରରୁ ଲକଡାଉନ୍ ନିୟମ ଭାଙ୍ଗିବାର ଏବଂ ସୋସିଆଲ ଡିସଟ୍ୟାନସିଂ ନ ମାନିବାର ଖବର ମଧ୍ୟ ଆସିଛି। ଆମେରିକାର ଅନେକ ପୋଲିସ୍ କର୍ମଚାରୀ କରୋନା ପାର୍ଟିକୁ ନେଇ ଚିନ୍ତାରେ ପଡ଼ି ଯାଇଛନ୍ତି।

ଓ୍ବାଶିଂଟନର ବାଲ୍ଲା ବାଲ୍ଲା କାଉଣ୍ଟିର ଅଧିକାରୀମାନେ ସୂଚନା ଦେଇଛନ୍ତି ଯେ ଏହି ଅଞ୍ଚଳରେ କରୋନାର ୧୦୦ଟି ମାମଲା ଏପରି ଆସିଛି ଯାହା କରୋନା ଭାଇରସ୍ ପାର୍ଟି ଯୋଗୁଁ ବ୍ୟାପିଛି। ପାର୍ଟିରେ ଲୋକେ ଜାଣିଶୁଣି କରୋନା ଭାଇରସକୁ ବ୍ୟାପିବାକୁ ଦେଇଛନ୍ତି।

ଓ୍ବାଶିଂଟନର ସ୍ବାସ୍ଥ୍ୟ ସଚିବ ଜନ୍ ବିସମ୍ୟାନ୍ କହିଛନ୍ତି ଯେ- ମହାମାରୀ ମଧ୍ୟରେ ଲୋକଙ୍କ ରୁଣ୍ଡ ହେବା ବିପଦଜନକ ହୋଇପାରେ। ଏହା ଦ୍ବାରା ଲୋକଙ୍କ ହସ୍ପିଟାଲରେ ଭର୍ତ୍ତି ହେବାର ଆଶଙ୍କା ବଢ଼ି ଯାଇଥାଏ ଏବଂ ମୃତ୍ୟୁ ମଧ୍ୟ ହୋଇପାରେ।

ଆମେରିକୀୟ ଅଧିକାରୀ ଏହା ମଧ୍ୟ କହିଛନ୍ତି ଯେ କରୋନାରୁ ସୁସ୍ଥ ହୋଇସାରିଥିବା ଲୋକ ଦୀର୍ଘ ଦିନ ଯାଏଁ ରୋଗଗ୍ରସ୍ତ ହେବେ ନାହିଁ କିନ୍ତୁ ଏହା ବିଷୟରେ ବର୍ତ୍ତମାନ ସୂଚନା ମିଳିନାହିଁ। ବିସମ୍ୟାନ୍ ଏହା ମଧ୍ୟ କହିଛନ୍ତି ଯେ ଦୀର୍ଘ ଦିନ ପରେ ଆମ ଶରୀରରେ ଭାଇରସର କ’ଣ ପ୍ରଭାବ ପଡ଼ିବ,ବର୍ତ୍ତମାନ ଏହା ବିଷୟରେ ମଧ୍ୟ କିଛି ଜଣା ପଡ଼ିପାରି ନାହିଁ।

ଗତ ମାସରେ ଆମେରିକାର ଚିକାଗୋଠାରେ ମଧ୍ୟ ସୋସିଆଲ ଡିସଟ୍ୟାନସିଂ ଉଲ୍ଲଙ୍ଘନ କରୁଥିବା ଏକ ପାର୍ଟିର ଭିଡିଓ ସୋସିଆଲ ମିଡିଆରେ ଭାଇରାଲ୍ ହୋଇଥିଲା। ପାର୍ଟି ପାଇଁ ଗୋଟିଏ ଘରେ ହଜାର ହଜାର ଲୋକ ଜମା ହୋଇଥିଲେ। ପାର୍ଟିରେ ଭାଗ ନେଇଥିବା ଯୁବକ ମଧ୍ୟ ନିଜେ ଭିଡିଓ ଅପଲୋଡ କରିଥିଲେ।

କରୋନା ଭାଇରସ ନାଁରେ ହେଉଥିବା ପାର୍ଟିରେ ଯେଉଁମାନେ ସଂକ୍ରମିତ ନାହାନ୍ତି ସେମାନେ ପଜିଟିଭ ଲୋକଙ୍କ ସହ ବସନ୍ତି ଯାହା ଦ୍ବାରା ତାଙ୍କୁ ବି ସଂକ୍ରମଣ ହୋଇଯିବ।

ଅନେକ ଲୋକ ପାର୍ଟିରେ କରୋନାରେ ସଂକ୍ରମିତ ହେବା ଉଦ୍ଦେଶ୍ୟରେ ସାମିଲ ହୋଇଥିଲେ।

   Related Posts