Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରାଣୀ ମହୁମାଛିକୁ ଉଠାଇ ନେଲା ପୁଲିସ୍: ନିରୀହ ଯୁବତୀଙ୍କୁ ଶିଖାଇ ବୁଝାଇ ଲଗାଉଥିଲା ଦେହ ବ୍ୟବସାୟରେ

26/08/2020 at 8:25 PM

ଯାଜପୁର୨୬/୮: ଏବେ ପୁଲିସ୍ କବଜାରେ ସେକ୍ସ ରାକେଟରେ ମାଷ୍ଟର ମାଇଣ୍ଡ ତଥା ରାଣୀ ମହୁମାଛି। ବିୟୁଟି ପାର୍ଲର ମାଲିକାଣୀ ତଥା ସେକ୍ସ ରାକେଟର ମୁଖ୍ୟ ପରିଚାଳିକା ଜଣେ ନାବାଳିକାଙ୍କୁ କାମ ଦେବା ଆଳରେ ତାଙ୍କୁ ଦେହ ବ୍ୟବସାୟ କାରବାରରେ ଲଗାଇଥିଲା। ଏହି ଘଟଣାରେ ଯାଜପୁର ରୋଡ୍ ପୁଲିସ୍‌ ସଂପୃକ୍ତ ମହିଳାଙ୍କୁ ଘରୁ ଉଠାଇ ନେଇଛି। ମିଳିଥିବା ସୂଚନା ଅନୁସାରେ ଗଞ୍ଜାମ ଜିଲ୍ଳା ପୋଲସରା ଅଞ୍ଚଳର ଜଣେ ନାବାଳିକା ନିଜର ନବଜାତ ଶିଶୁକନ୍ୟାକୁ ଧରି ଯାଜପୁର ରୋଡରେ ପହଁଞ୍ଚିଥିଲେ।

ଏହାର ମୌକା ଦେଖି ସଂପୃକ୍ତ ମହିଳା ତାଙ୍କୁ ଶିଖାଇ ବୁଝାଇ ଦେହ ବ୍ୟବସାୟରେ ଲଗାଉଥିଲେ। କେବଳ ଏହି ନାବାଳିକାଙ୍କୁ ନୁହେଁ ଅନ୍ୟ ଯୁବତୀମାନେ ମଧ୍ୟ ପାର୍ଲର ମାଲିକିଣୀ କବଜାରେ ରହିଥିବା ଜଣାପଡିଛି। ଯୁବତୀମାନଙ୍କୁ ଚାକିରି କରାଇ ଦେବା ବାହାନାରେ ସେମାନଙ୍କ ସରଳତାର ସୁଯୋଗ ନେଇ ଦେହ ବ୍ୟବସାୟରେ ଲଗାଯାଉଥିବା ସୂଚନା ମିଳିଛି। ଯାଜପୁର ରୋଡ ଭଳି ଶିଳ୍ପାଞ୍ଚଳରେ ଏଭଳି ଘଟଣାକୁ ସ୍ଥାନୀୟ ଅଞ୍ଚଳରେ ନିନ୍ଦା କରାଯାଇଛି। ସ୍ଥାନୀୟ ଅଞ୍ଚଳରେ ଏଭଳି ଘଟଣା ସାମ୍ନାକୁ ଆସିବା ପରେ ଯାଜପୁର ରୋଡ ପୁଲିସ୍ ଏବଂ ଏସ୍‌ଡିପିଓ ଛାନ୍‌ଭିନ୍ ଆରମ୍ଭ କରିଛି। ଯାଜପୁର ରୋଡ ପୁଲିସ୍ ପୀଡିତାଙ୍କ ବୟାନ ରେକର୍ଡ କରି ତଦନ୍ତ ଆରମ୍ଭ କରିଛି।

   Related Posts