Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||
  • ସରକାରଙ୍କ ବଡ ନିଷ୍ପତ୍ତି, ନବମରୁ ଦ୍ଵାଦଶ ଶ୍ରେଣୀ ପର୍ଯ୍ୟନ୍ତ ସ୍କୁଲ ଫି ୪୦ ପ୍ରତିଶତ କମିଲା, ଅଭିଭାବକଙ୍କୁ ମିଳିଲା ବଡ ଆଶ୍ଵସ୍ତି
  • ||
  • ଅଲମ୍ପିକ ପ୍ରସ୍ତୁତି ପାଇଁ ଗଠିତ ସଂସଦୀୟ କମିଟିର ପ୍ରଥମ ବୈଠକ ଅନୁଷ୍ଠିତ, କମିଟିର ସଦସ୍ୟ ରହିଛନ୍ତି ସାଂସଦ ଅନୁଭବ ମହାନ୍ତି ଓ ସସ୍ମିତ ପାତ୍ର
  • ||
  • ମଦ ଦୋକାନ ନ ଖୋଲିବା ପାଇଁ ଜିଲ୍ଲାପାଳଙ୍କୁ ଦାବିପତ୍ର
  • ||
  • ବାଲେଶ୍ବର ଉପ ନିର୍ବାଚନରେ ମୁଖ୍ୟମନ୍ତ୍ରୀଙ୍କ ଡିଜିଟାଲ ପ୍ରଚାର: କହିଲେ, ‘ମୁଁ ସବୁବେଳେ ଆପଣଙ୍କ ସାଥିରେ ଅଛି’
  • ||
  • ମଙ୍ଗ ସମ୍ଭାଳିଲେ ନୀତିଶ ରାଣା, ଚେନ୍ନାଇକୁ ୧୭୩ ରନର ବିଜୟ ଲକ୍ଷ୍ୟ ଦେଲା କୋଲକାତା ନାଇଟ୍ ରାଇଡର୍ସ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||

ରାଜଧାନୀରେ ପାର୍କିଂ ଫି ବ୍ୟବସ୍ଥା ବନ୍ଦ ହେବନି, ବନ୍ଦ ହେବ ତ କେବଳ ବେଆଇନ୍ ପାର୍କିଂ ଫି ଆଦାୟ

17/10/2019 at 10:19 PM

ଭୁବନେଶ୍ବରରେ ପାର୍କିଂ ଫି ବ୍ୟବସ୍ଥା ବନ୍ଦ ହେବ ବୋଲି ଗତକାଲିଠୁ ଯେଉଁ ହୋ-ହଲ୍ଲା ଚାଲିଛି ତା’ର ବାସ୍ତବ ଚିତ୍ର ଲୋକେ ବୁଝିବା ଦରକାର । ଯେଉଁମାନେ ରାଜଧାନୀରେ ପାର୍କିଂ ଫିକୁ ନେଇ ନୟାନ୍ତ ହେଉଛନ୍ତି ସେମାନେ ଏଥିରେ ଖୁସି ହେବାର କୌଣସି କାରଣ ନାହିଁ । କାହିଁକି ନା ପାର୍କିଂ ଫି ବ୍ୟବସ୍ଥା ବନ୍ଦ ହେବନି, ବନ୍ଦ ହେବ ତ କେବଳ ବେଆଇନ୍ ପାର୍କିଂ ଫି ଆଦାୟ । ତେବେ ଏଭଳି ଘୋଷଣା ପରେ ବି ଲୋକଙ୍କ ମନରେ ରହିଛି ଅନେକ ଦ୍ବନ୍ଦ୍ବ ।
ଭୁବନେଶ୍ବରରେ ବନ୍ଦ ହେବନି ପାର୍କିଂ ଫି ବ୍ୟବସ୍ଥା । କେବଳ ବେଆଇନ୍ ପାର୍କିଂ ଫି ଆଦାୟ ଉପରେ ଲାଗିଛି ରୋକ୍ । ସପିଂ ମଲ, ମଲ୍ଟିପ୍ଲେକ୍ସ, ବ୍ୟବସାୟିକ ପ୍ରତିଷ୍ଠାନ, ଆପାର୍ଟମେଣ୍ଟ ପାର୍କିଂ ଏରିଆରେ କେହି ପାର୍କିଂ ଫି ନେଲେ ତାଙ୍କ ଉପରେ କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଛି । ହେଲେ ଏହା ବାଦ୍ ବିଏମସି ପାର୍କିଂ ଏରିଆରୁ ଯେମିତି ପାର୍କିଂ ଫି ଆଦାୟ ହେଉଥିଲା ତାହା ଜାରି ରହିବ । ଅନଧିକୃତ ପାର୍କିଂ ଫି ନେଲେ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ନଗର ଉନ୍ନୟନ ମନ୍ତ୍ରୀ ପ୍ରତାପ ଜେନା ।
ଆପାର୍ଟମେଣ୍ଟ ଏବଂ ହାଉସିଂ ପ୍ରୋଜେକ୍ଟ ଭଳି ବିଭିନ୍ନ ବ୍ୟବସାୟିକ ପ୍ରତିଷ୍ଠାନ ନିର୍ମାଣ ବେଳେ ଏଥିରେ ପାର୍କିଂ ବ୍ୟବସ୍ଥା ରଖିବାକୁ ବିଡିଏ ଗାଇଡ୍ଲାଇନ୍‌ରେ ସ୍ପଷ୍ଟ ହୋଇଥିବାରୁ ନିୟମ ଉଲଂଘନକାରୀଙ୍କ ଉପରେ ରୋକ୍ ଲଗାଇଛି ବିଡିଏ । ହେଲେ ମଲ ବାହାରେ ଥିବା ବିଏମସି ପାର୍କିଂ ଏରିଆରେ ଗାଡ଼ି ରଖିଲେ ଲୋକଙ୍କୁ ପାର୍କିଂ ଫି ଦେବାକୁ ପଡ଼ିବ ବୋଲି ମଧ୍ୟ ସ୍ପଷ୍ଟ କରାଯାଇଛି । ସେପଟେ ମଲଗୁଡ଼ିକର ପାର୍କିଂ ଏରିଆ ବାଦ୍ ଚାରିପାଖରେ ନିଆଯାଇଥିବା ଯାଗାରେ ଗାଡ଼ି ପାର୍କିଂ କରାଇ ଫି ନେବା ଉପରେ କେମିତି କଟକଣା କରାଯାଇପାରିବ ସେ ନେଇ କିଛି ବି ସ୍ପଷ୍ଟ କରାଯାଇନି । ଯାହାକୁ ନେଇ ଉଠିଛି ଦ୍ବନ୍ଦ୍ବ । ସେପଟେ ବିଏମସି ପାର୍କିଂ ଏରିଆ ଆଳରେ ରାଜଧାନୀର ଅଧିକାଂଶ ଯାଗାରେ ବେଧଡ଼କ ରିସିପ୍ଟ କାଟୁଛନ୍ତି ବେଆଇନ୍ ପାର୍କିଂ ଫି ଆଦାୟକାରୀ । ଏମିତିରେ କେଉଁ ଠା ଅଧିକୃତ ଆଉ କେଉଁ ଠା ଅନଧିକୃତ ତାହା ଜାଣିବା ମୁସକିଲ୍ ।
ରାଜଧାନୀରେ ଯୁଆଡ଼େ ଗଲେ ଗାଡ଼ି ରଖିବାକୁ ନା ନା ଅସୁବିଧାର ସମ୍ମୁଖୀନ ହେଉଛନ୍ତି ଲୋକେ । ଯୋଉଠି ଗାଡ଼ି ଠିଆ କଲେ ସେଠି କିଛି ଯୁବକ ରିସିପ୍ଟ ବୁକ୍ ଧରି ମାଡ଼ି ଆସୁଛନ୍ତି । ଆଉ ପାର୍କିଂ ଫି ଦାବି କରୁଛନ୍ତି । ଏମିତି କି ବିଭିନ୍ନ ଡାକ୍ତରଖାନା ସାମ୍ନାରେ ମଧ୍ୟ ପାର୍କିଂ ଫି ଆଦାୟକାରୀଙ୍କ ଦୌରାତ୍ମ୍ୟ ସୀମା ଟପୁଛି । ତେଣୁ ଏହା ଉପରେ ଗୋଟେ ସ୍ପଷ୍ଟ ଚିତ୍ର ଲୋକଙ୍କ ସାମ୍ନାକୁ ଅଣାଯିବା ଦରକାର । ଆଉ କେଉଁଠି କେତେ ପାର୍କିଂ ଦେବାକୁ ପଡ଼ିବ ଆଉ କାହାକୁ ଦେବାକୁ ପଡ଼ିବ ତା’ର ପୂରା ବିବରଣୀ ଲେଖା ବୋର୍ଡ଼ ମରାଯିବା ଦରକାର ।

   Related Posts