Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୋଦୀ ସରକାରଙ୍କ ବଡ ନିଷ୍ପତ୍ତି: ଜାମ୍ମୁ-କାଶ୍ମୀରରେ ଯେ କେହି ବି ଜାଗା କିଣି ପାରିବେ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ, ୧୨୭୨ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ୧୨୪୭ କରୋନା ସଂକ୍ରମିତ, ୨୮୩୯୪୨ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : କେନାଲରୁ ମୃତଦେହ ଉଦ୍ଧାର, ଶୌଚ ହେବାକୁ ଯାଇ ବୁଡିଯାଇଥିବା ସନ୍ଦେହ
  • ||
  • ଢେଙ୍କାନାଳ : ସ୍ତ୍ରୀର ଚରିତ୍ରକୁ ସନ୍ଦେହ କରି ଠେଙ୍ଗାରେ ପିଟି ପିଟି ମାରିଦେଲା, ଅଭିଯୁକ୍ତ ସ୍ବାମୀ ଫେରାର
  • ||
  • ଅନୁଗୋଳ : ଶ୍ରମିକଙ୍କ ସନ୍ଦେହଜନକ ମୃତ୍ୟୁ, ବିଷାକ୍ତ ମଦ ପିଇ ମୃତ୍ୟୁ ଅଭିଯୋଗ
  • ||
  • କଳାହାଣ୍ଡି : ଯୁବକଙ୍କ କ୍ଷତ ବିକ୍ଷତ ମୃତଦେହ ଉଦ୍ଧାର, ହତ୍ୟା ଅଭିଯୋଗ ଆଣିଲେ ପରିବାର ଲୋକ
  • ||
  • ଜଲାପୁଟ ଜଳ ଭଣ୍ଡାରରେ ମାଛଧରା ଡଙ୍ଗା ବୁଡି ୩ ନିଖୋଜ, ଉଦ୍ଧାର କାର୍ଯ୍ୟ ଜାରି
  • ||
  • ପାକିସ୍ତାନ : ପେଶାଓ୍ୱାରରେ ବୋମା ବିସ୍ଫୋରଣରେ ୭ ମୃତ, ୫୫ ଆହତ
  • ||
  • ପଞ୍ଜାବର ବିଜୟ ଅଭିଯାନ ଜାରି, ୮ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ପାର୍ସଲରେ ବିସ୍ଫୋରଣ : ଡେଲିଭରୀ ବଏଙ୍କ ହାତରେ ଫାଟିଗଲା ପାର୍ସଲ ବକ୍ସ

1/07/2020 at 3:20 PM

ମୋଗା ୦୧/୦୭ : ପଞ୍ଜାବ ମୋଗା ଜିଲ୍ଲାରେ ବିସ୍ଫୋରଣ ଘଟିଛି | ବିସ୍ଫୋରଣ ପରେ ସ୍ଥାନୀୟ ଅଞ୍ଚଳରେ ହଇଚଇ ସୃଷ୍ଟି ହୋଇଛି | ଘଟଣା ମଙ୍ଗଳବାର ସନ୍ଧ୍ୟାରେ ଘଟିଥିଲା | ଜଣେ ଡେଲିଭରି ବଏଙ୍କ ହାତରେ କୁରିୟର ପାକେଟରେ ବିସ୍ଫୋରଣ ହୋଇଥିଲା | ବିସ୍ଫୋରଣ ଏତେ ଭୟଙ୍କର ଥିଲା ଆଖପାଖ ଅଞ୍ଚଳରେ ଜୋର ଶବ୍ଦ ହୋଇଥିଲା ଏବଂ ଲୋକେ ଡରି ଯାଇଥିଲେ | ବିସ୍ଫୋରଣରେ ଡେଲିଭରୀ ବଏ ଗୁରୁତର ଆହତ ହୋଇଛନ୍ତି | ସୂଚନା ପାଇ ପୋଲିସ ଘଟଣାସ୍ଥଳରେ ପହଂଚି ମାମଲାର ତଦନ୍ତ ଆରମ୍ଭ କରିଥିଲା |

ବିସ୍ଫୋରଣ ସମ୍ପର୍କରେ ପୋଲିସ ଡେଲିଭରୀ ବଏକୁ ପଚରାଉଚୁରା କରିଥିଲା | ସେ କହିଛନ୍ତି ଯେ ସେ ସବୁଦିନ ଭଳି କୁରିୟର ପାକେଟ ଦେବାକୁ ଆସିଥିଲେ | ଡେଲିଭରି ପୂର୍ବରୁ ସେ ଏବଂ ତାଙ୍କର ଜଣେ ସାଙ୍ଗ ବାଘାରେ ଏକ ଦସ୍ତାବେଜର ଫଟୋ ଟେଷ୍ଟ କରିବା ପାଇଁ ଅଟକିଥିଲେ | ସେ କହିଛନ୍ତି ଯେ ତାଙ୍କ ସାଙ୍ଗ ଫଟୋ ଟେଷ୍ଟ କରିବାକୁ ଦୋକାନକୁ ଯାଇଥିଲେ ଏବଂ ସେ ଦୋକାନ ବାହାରେ ବାଇକ ପାଖରେ କୁରିୟର ବକ୍ସ ଧରି ଛିଡା ହୋଇଥିଲେ | ସେତେବେଳେ ଅଚାନକ ବିସ୍ଫୋରଣ ହୋଇଥିଲା | 

ବାଘା ଅଞ୍ଚଳରେ ବିସ୍ଫୋରଣ ସୂଚନା ପାଇ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲା | ପୋଲିସ ଅଧିକାରୀ ଆଖପାଖର ସିସିଟିଭି ଫୁଟେଜ ଚେକ କରୁଛନ୍ତି ଏବଂ ଘଟଣା ନିରୀକ୍ଷଣ କରୁଛନ୍ତି | ପୋଲିସକୁ ଘଟଣାସ୍ଥଳରୁ କିଛି ଲୁହା ଖଣ୍ଡ ଜବତ କରିଛି | ପାର୍ସଲରେ ପାୱାରବ୍ୟାଙ୍କ ଥିବା ସନ୍ଦେହ କରାଯାଉଛି | ସେଥିପାଇଁ ଏହି ବିସ୍ଫୋରଣ ହୋଇଥିବା ମଧ୍ୟ ଆଶଙ୍କା କରାଯାଉଛି | ତେବେ ପାର୍ସଲରେ କିଛି ବିସ୍ଫୋରକ ପଦାର୍ଥ ଥିବା ମଧ୍ୟ ସନ୍ଦେହ କରାଯାଉଛି | ମାମଲାର ତଦନ୍ତ କରୁଥିବା ପୋଲିସ ଅଧିକ୍ଷକ ହର୍ମନବୀର ସିଂହ ଗିଲ କହିଛନ୍ତି ଯେ ଖୁବ ଶୀଘ୍ର ମାମଲାର ଖୁଲାସା ହେବ | ଯେଉଁ ସ୍ଥାନରୁ ପାର୍ସଲ ଅଣାଯାଇଥିଲା ସେଠାକାର ଲୋକଙ୍କୁ ମଧ୍ୟ ପୋଲିସ ପଚରାଉଚୁରା କରିବ ବୋଲି କହିଛି |

   Related Posts