ନୂଆଦିଲ୍ଲୀ ୩୦/୧୧: ଭାରତୀୟ ବଂଶୋଦ୍ଭବ ପରାଗ ଅଗ୍ରୱାଲ ଟ୍ୱିଟରର ପରବର୍ତ୍ତୀ ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ହେବେ । ସିଇଓ ପଦରୁ ଇସ୍ତଫା ଦେବା ପରେ ଜ୍ୟାକ୍‌ ଡର୍ସି ଏହି ଘୋଷଣା କରିସାରିଛନ୍ତି । ଗତ ୧୦ ବର୍ଷ ମଧ୍ୟରେ ପରାଗଙ୍କ କାର୍ଯ୍ୟ ପରିବର୍ତ୍ତନଶୀଳ ହୋଇଛି । ଟ୍ୱିଟରରେ ପୋଷ୍ଟ କରାଯାଇଥିବା ଏକ ବାର୍ତ୍ତାରେ ଡୋର୍ସି କହିଛନ୍ତି ଯେ କମ୍ପାନୀରେ ପ୍ରାୟ ୧୬ ବର୍ଷ ସେବା କରିବା ପରେ ସେ ଇସ୍ତଫା ଦେବାକୁ ନିଷ୍ପତ୍ତି ନେଇଥିଲେ ।

୨୦୦୭ ରେ ଡୋର୍ସି ଟ୍ୱିଟରର ସିଇଓ ହୋଇଥିଲେ, କିନ୍ତୁ ପରବର୍ତ୍ତୀ ବର୍ଷ ତାଙ୍କୁ ବହିଷ୍କାର କରାଯାଇଥିଲା । ସେ ୨୦୧୫ ରେ ସିଇଓ ଭୂମିକାକୁ ପୁଣି ଫେରିଥିଲେ । ପରାଗ ଅଗ୍ରୱାଲ ଏପର୍ଯ୍ୟନ୍ତ ସିଟିଓ ପଦରେ କାମ କରୁଥିଲେ। ସୂଚନାଯୋଗ୍ୟ, ପରାଗ ଅଗ୍ରୱାଲ ଆଇଆଇଟି ବମ୍ବେରେ ପାଠ ପଢ଼ିଥିଲେ । ରିପୋର୍ଟ ଅନୁସାରେ ବୋର୍ଡ ଏହାର ସିଇଓ ହେବାକୁ ମଂଜୁରୀ ଦେଇଛନ୍ତି । ଏଟି ଆଣ୍ଡ ଟି, ୟାହୋ ଏବଂ ମାଇକ୍ରୋସଫ୍ଟରେ କାମ କରିବା ପରେ ପରାଗ ୨୦୨୧ରେ ଟୁଇଟରରେ ଯୋଗଦେଇଥିଲେ ।

wp:html

Deep gratitude for @jack and our entire team, and so much excitement for the future. Here’s the note I sent to the company. Thank you all for your trust and support ? https://t.co/eNatG1dqH6 pic.twitter.com/liJmTbpYs1

— Parag Agrawal (@paraga) November 29, 2021

/wp:html

ଆଇଆଇଟି ବମ୍ବେରେ ପାଠ ପଢ଼ା ଶେଷ ହେବା ପରେ ପରାଗ ଷ୍ଟାଣ୍ଡଫୋର୍ଡ ୟୁନିଭରସିଟିରେ ଡକ୍ଟରେଟ ଅଧ୍ୟୟନ କରିଥିଲେ। ତାଙ୍କର ସ୍କୁଲ ପାଠ୍ୟକ୍ରମ ଅଟୋମିକ ଏନାର୍ଜୀ ସେଣ୍ଟ୍ରାଲ ସ୍କୁଲରେ ହୋଇଥିଲା । ଡର୍ସି ୨୦୧୧ରେ ପରାଗଙ୍କୁ ନିଯୁକ୍ତି ଦେଇଥିଲେ । ସେ ତାଙ୍କୁ କେତେ ପସନ୍ଦ କରୁଥିଲେ ଏବାବଦରେ କର୍ମଚାରୀଙ୍କୁ ଇ-ମେଲ କରିଥିବା ପତ୍ରରେ ଉଲ୍ଲେଖ ରହିଛି। ସିଟିଓ ଭାବେ ପରାଗ ମେସିନ ଲର୍ଣ୍ଣିଙ୍ଗ ଉପରେ ବହୁତ କାମ କରିଛନ୍ତି। ଏବେ ସେ ମାତ୍ର ୧୦ ବର୍ଷ ମଧ୍ୟରେ ସିଇଓ ହୋଇପାରିଛନ୍ତି।