Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘଟଗାଁରେ ହାତୀ ଆତଙ୍କ, ଘଉଡାଇବାକୁ ବନ ବିଭାଗର କସରତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୬ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୩ ହଜାରରୁ ଅଧିକ କରୋନା ପଜିଟିଭ୍, ୧୬୪ ମୃତ
  • ||
  • ରାସ୍ତା ଅତିକ୍ରମ ବେଳେ ଧକ୍କା ଦେଲା ଟ୍ରକ, ଚାଲିଗଲା ଜୀବନ
  • ||
  • ଲଘୁଚାପ ପ୍ରଭାବ : ମଙ୍ଗଳବାର ଯାଏଁ ପ୍ରବଳ ବର୍ଷା, ୫୦ କିମି ବେଗରେ ବହିବ ପବନ
  • ||
  • ନୀଳଗିରିରେ ଭାଲୁ ଆତଙ୍କ, ସାଇକେଲରୁ ଟାଣିନେଇ ଯୁବକଙ୍କୁ ଘାଇଲା କଲେ
  • ||
  • ଅଢେଇ କୋଟି ଟଙ୍କାର ବ୍ରାଉନସୁଗାର ଜବତ, ଡାଇମଣ୍ଡ ହୋଟେଲ ମାଲିକ ଅଟକ
  • ||

ଶତାୟୁ ନେଉଥିଲେ ଜୀବନ୍ତ ସମାଧି, ଶ୍ରଦ୍ଧାଳୁ ମାଟି ଦେଇ ପୋତିବା ପୂର୍ବରୁ ହଠାତ୍ ହେଲା ଏମିତି…

8/10/2021 at 2:34 PM

ମଧ୍ୟପ୍ରଦେଶ ୦୮/୧୦ : ମଧ୍ୟପ୍ରଦେଶର ମୋରେନା ଜିଲ୍ଲାରେ ଏକ ଅଦ୍ଭୁତ ମାମଲା ଦେଖାଯାଇଛି। ଏଠାରେ ଜଣେ ୧୦୦ ବର୍ଷ ବୟସ୍କ ବାବା ସାତ ଫୁଟ ଗଭୀର ଗର୍ତ୍ତରେ ସମାଧି ନେବାକୁ ନିଷ୍ପତ୍ତି ନେଇଥିଲେ। ଗାଁର ଲୋକମାନେ ମଧ୍ୟ ବାବାଙ୍କୁ ପାଣି ଓ କ୍ଷୀରରେ ସ୍ନାନ କରାଇ ବାବାଙ୍କୁ ଗାତରେ ଶୁଆଇଦେଇଥିଲେ। କିନ୍ତୁ ହଠାତ୍ ଘଟଣାସ୍ଥଳରେ ପୋଲିସ ପହଞ୍ଚି ବାବାଙ୍କୁ ସମାଧି ନେବାକୁ ଅଟକାଇଥିଲା ଏବଂ ତାଙ୍କୁ ଗାତରୁ ବାହାର କରିଥିଲା।

ସୂଚନା ଅନୁଯାୟୀ, ଘଟଣାଟି ମୋରେନାର କାଇଥୋଡା ଗାଁର। ଯେଉଁଠାରେ ରାମ ସିଂ ଛଦ୍ମନାମ ପପ୍ପଡ ବାବାଙ୍କୁ ୧୦୦ ବର୍ଷ ବୟସ ହୋଇସାରିଲାଣି। ୧୦୦ ବର୍ଷ ପୁରିଯିବା ପରେ ବାବା ସମାଧି ନେବାକୁ ଶପଥ ନେଇଥିଲେ ଏବଂ ଗ୍ରାମବାସୀଙ୍କୁ କହିଥିଲେ। କିନ୍ତୁ ଲୋକମାନେ ବାବାଙ୍କୁ ଏପରି କରିବାକୁ ବାରଣ କରିଥିଲେ। କିନ୍ତୁ ବାବା ତାଙ୍କ ଜିଦିରେ ଅଟଳ ଥିଲେ। ଶେଷରେ ଲୋକମାନେ ବାଧ୍ୟ ହୋଇ ସମାଧି ଦେବାକୁ ରାଜି ହୋଇଥିଲେ। ବାବାଙ୍କୁ ସମାଧି ଦେବା ପାଇଁ ଗାଁରେ ଅବସ୍ଥିତ ଦୁର୍ଗା ଦାଶ ଆଶ୍ରମରେ ୭ ଫୁଟ ଗଭୀର ଗାତ ଖୋଳା ଯାଇଥିଲା। ଲୋକମାନେ ପପ୍ପଡ ବାବାଙ୍କୁ ପାଣି ଏବଂ କ୍ଷୀରରେ ସ୍ନାନ କରାଇଥିଲେ। ଏହା ପରେ ବାବା ଗାତରେ ଶୋଇପଡିଥିଲେ। ବାବାଙ୍କ ଜୟ ଜୟ କାରରେ ପୁରା ଗାଁ ଫାଟି ପଡୁଥିଲା।

ଗ୍ରାମବାସୀ ବାବାଙ୍କ ଉପରେ ମାଟି ଢାଳିବା ପୂର୍ବରୁ କେହି ସିଭିଲ ଲାଇନ ପୋଲିସ ଷ୍ଟେସନକୁ ସୂଚନା ଦେଇଥିଲେ। ସୂଚନା ପାଇବା ମାତ୍ରେ ପୋଲିସ ଘଟଣାସ୍ଥଳରେ ପହଞ୍ଚି ବାବାଙ୍କୁ ସମାଧି ନେବାକୁ ଅଟକାଇଥିଲା। ଏହା ପରେ ପପ୍ପଡ ବାବାଙ୍କୁ ଗାତରୁ ବାହାର କରି ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପୋଲିସ ବାବାଙ୍କୁ ପଚରିବାରୁ ସେ ଏପରି କାହିଁକି କରୁଥିଲେ, ବାବା କହିଥିଲେ ଯେ ଭଗବାନ ତାଙ୍କୁ ସ୍ୱପ୍ନରେ ଦେଖା ଦେଇଥିଲେ । ସେ ୧୦୦ ବର୍ଷରୁ ଅଧିକ ସମୟ ବଞ୍ଚିଲେଣି, ବର୍ତ୍ତମାନ ତାଙ୍କୁ ଏହି ଜୀବନରେ ଆଉ କଣ କରିବାକୁ ପଡିବ, ତେଣୁ ସେ ସମାଧି ନେଉଥିଲେ।

   Related Posts