ନୂଆଦିଲ୍ଲୀ ୩|୮: ଜାମ୍ମୁ କାଶ୍ମୀରରେ ଭୟର ବାତାବରଣ । ସମ୍ଭାବ୍ୟ ଆତଙ୍କୀ ହମ୍ଲାକୁ ଆଖିରେ ରଖି ଜାମ୍ମୁ କାଶ୍ମୀର ଗୃହ ସଚିବ ଆଡଭାଇଜରି ଜାରିକରିବା ପରେ ଏଭଳି ସ୍ଥିତି । ଅମରନାଥ ଯାତ୍ରା ସ୍ଥଗିତ ସହ ପର୍ଯ୍ୟଟକ ଓ ଶ୍ରଦ୍ଧାଳୁ ମାନେ ଯଥାଶୀଘ୍ର କାଶ୍ମୀର ଘାଟି ଛାଡିବାକୁ ଆଡଭାଇଜରୀର କୁହାଯାଇଛି । ଫଳରେ ଅମରନାଥ ଯାତ୍ରୀ ଓ ପର୍ଯ୍ୟଟକ ଅଧାରୁ ଫେରିବା ଆରମ୍ଭ କରିଛନ୍ତି । କାଶ୍ମୀରର ବଡଧରଣର ଅପରେସନ୍ ପାଇଁ ଚାଲିଛି ପ୍ରସ୍ତୁତି ।ତେଣୁ ପେଟ୍ରୋଲ୍ ପମ୍ପ, ଏଟିଏମ୍ଗୁଡିକରେ ଲମ୍ବା ଧାଡି ଦେଖିବାକୁ ମିଳିଛି ।
{"id":140448}
ଜାମ୍ମୁ କାଶ୍ମୀରରେ ଅଜଣା ଭୟ । ବାତିଲ୍ ହୋଇଛି ଅମରନାଥ ଯାତ୍ରା । ଅମରନାଥ ଯାତ୍ରା ସ୍ଥଗିତ କରିବାକୁ ଜାମ୍ମୁ-କାଶ୍ମୀର ଗୃହସଚିବ ଆଡଭାଇଜରି ଜାରି କରିବା ପରେ, ଅମରନାଥ ଯାତ୍ରୀ ଏବଂ ପର୍ଯ୍ୟଟକ ଯାତ୍ରା ଅଧାରୁ ଫେରିବା ଆରମ୍ଭ କରିଛନ୍ତି । ଆଡଭାଇଜରୀରେ କୁହାଯାଇଛି ସମ୍ଭାବ୍ୟ ଆତଙ୍କବାଦୀ ଆକ୍ରମଣ ଦୃଷ୍ଟିରୁ ଅମରନାଥ ଯାତ୍ରା ସ୍ଥଗିତ ରଖାଯାଇଛି। ଅମରନାଥ ଯାତ୍ରୀଙ୍କୁ ଶୀଘ୍ର କାଶ୍ମୀର ଘାଟି ଛାଡିବାକୁ କୁହାଯାଇଛି ।
{"id":140449}
ଏହା ପରେ ଯାତ୍ରୀଙ୍କ ବ୍ୟସ୍ତତା ବଢିବା ଯୋଗୁଁ ବିମାନ ଭଡା ମଧ୍ୟ ଆକାଶ ଛୁଆଁ ହୋଇଛି । ଯେପରି ଯାତ୍ରୀଙ୍କ ଅସୁବିଧା ନହୁଏ ଜମ୍ମୁ କାଶ୍ମୀର ଏୟାରପୋର୍ଟ ଅଥରିଟି ବୈଠକ କରି ଏୟାରଲାଇନ୍ସକୁ ସଜାଗ ରହିବାକୁ କହିଛନ୍ତି । ଅଧିକ ବିମାନ ସେବା ଯୋଗାଇବାକୁ ସ୍ଥିର ହୋଇଛି । ଯାତ୍ରୀମାନେ କିଭଳି ସୁରକ୍ଷିତ ଏବଂ ସୁବିଧାରେ ଫେରିପାରିବେ ସେଥିଲାଗି ସ୍ଥିତି ଉପରେ ନଜର ରଖାଯାଇଥିବା DGCA କହିଛନ୍ତି।
{"id":140450}
ଜାମ୍ମୁ କାଶ୍ମୀରରେ ଭୟର ଗୁଜବ ଖେଳି ଯାଇଛି । କିଛି ଅଘଟଣ ଆଶଙ୍କାରେ ସ୍ଥାନୀୟ ଲୋକେ ଅତି ଆବଶ୍ୟକ ସାମଗ୍ରୀ ଘରେ ମହଜୁଦ କରିବାରେ ଲାଗିଛନ୍ତି । ଜାମ୍ମୁ କାଶ୍ମୀରର କେତେକ ସ୍ଥାନର ଲୋକେ ପେଟ୍ରୋଲ ପମ୍ପ ଏବଂ ଏଟିଏମ୍ ରେ ଭିଡ ଲଗାଇଛନ୍ତି । ସେହିଭଲି ଗୁଲମାର୍ଗର ବିଭିନ୍ନ ହୋଟେଲରେ ରହୁଥିବା ଯାତ୍ରୀଙ୍କୁ ହୋଟେଲ ଖାଲି କରିବା ପାଇଁ କୁହାଯାଇଛି। ଜାମ୍ମୁ କାଶ୍ମୀରରେ ବଡ ଧରଣର ଅପରେସନ ପାଇଁ କ୍ଷେତ୍ର ପ୍ରସ୍ତୁତି ଚାଲିଛି । ତେବେ ଏହି ଅପରେସନ କେଉଁଥି ପାଇଁ ତାହା ସ୍ପଷ୍ଟ ହୋଇନାହିଁ । ତେବେ ଧାରା ୩୫-ଏ ଉଚ୍ଚେଦ ନେଇ ସରକାର ଯୋଜନା କରୁଥିବା ବେଳେ ଆତଙ୍କବାଦୀଙ୍କ ପକ୍ଷରୁ ଅଶାନ୍ତି ସୃଷ୍ଟି ପାଇଁ ଉଦ୍ୟମ କରାଯାଉଥିବା ନେଇ ବି ଆଶଙ୍କା କରାଯାଉଛି ।
{"id":140451}
ସେପଟେ ଗୃହମନ୍ତ୍ରୀ ଅମିତ ଶାହା କହିଛନ୍ତି, କାଶ୍ମୀର ଛାଡିବା ପାଇଁ ଜାରି କରାଯାଇଥିବା ନିର୍ଦେଶନାମାକୁ ଗମ୍ଭୀରତାର ସହ ନିଆଯିବା ଆବଶ୍ୟକ । କେନ୍ଦ୍ରଗୃହ ମନ୍ତ୍ରଣାଳୟ ଓ ସେନା କାଶ୍ମୀର ପ୍ରସଙ୍ଗକୁ ନେଇ ତତ୍ପରତା ପ୍ରକାଶ କରିବା ଘାଟିରେ ବାତାବରଣକୁ ଉଷ୍ମ କରିଛି ।
