ସମ୍ବଲପୁର ୦୨।୦୨: କେନାଲରେ ବୁଡି ଯୁବକ ମୃତ । ସମ୍ବଲପୁର ଶାସନଥାନା ଅଞ୍ଚଳରେ ଥିବା ଶାସନ କେନାଲରେ ବୁଡି ଯୁବକଙ୍କ ମୃତ୍ୟୁ ହୋଇଛି । ମୃତକ ଶାସନଥାନା ଅନ୍ତର୍ଗତ କରନଟୋଲି ଗାଁର ବସନ୍ତ ମୁଣ୍ଡା ବୋଲି ଜଣାପଡିଛି ।
ସୂଚନାଯୋଗ୍ୟ ଯେ, ଶାସନ କେନାଲରେ ଗାଧୋଉଥିବା ବେଳେ ଯୁବକ ନିଖୋଜ ହୋଇଯାଇଥିଲେ । କେନାଲରେ ପ୍ରବଳ ସୁଅ ଆସିବାରୁ ଭାସି ଯାଇ ନିଖୋଜ ହୋଇଯାଇଥିଲେ ବସନ୍ତ । ସମ୍ବଲପୁର ଅଗ୍ନିଶମ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଖୋଜ ବସନ୍ତଙ୍କୁ ଖୋଜଖୋଜି ଆରମ୍ଭ କରିଥିଲା । ତେବେ ଦୀର୍ଘ ୪ ଘଣ୍ଟାର ଖୋଜାଖୋଜି ପରେ ବସନ୍ତଙ୍କ ମୃତ ଦେହ ଉଦ୍ଧାର କରାଯାଇଛି ।
