ଭୁବନେଶ୍ବର ୧୭।୪: ଏସଟିଏଫ ପଞ୍ଜାରେ ପୁଣି ଏକ ଜୀବନ୍ତ ବଜ୍ରକାପ୍ତା । ବଡମ୍ବା ଅଭିମାନପୁର ଅଞ୍ଚଳରୁ କେଶବ ସାହୁକୁ ଗିରଫ କରିବା ପରେ ତା ନିକଟରୁ ଏହି ବଜ୍ରକାପ୍ତା ଜବତ କରାଯାଇଛି । ବାହାର ଦେଶ କିମ୍ବା ବାହାର ରାଜ୍ୟକୁ ପଠାଇବା ପାଇଂ ଏହି ବଜ୍ରକାପ୍ତାକୁ ଫାଶ ଦ୍ବାରା ବଡମ୍ବା ଜଙ୍ଗଲରୁ ଧରାଯାଇଥିଲା । ବଜ୍ରକାପ୍ତାର ଓଜନ ପ୍ରାୟ ୧୨ କିଲୋ ହେବ ବୋଲି କହିଛନ୍ତି ଏସଟିଏଫ ଏସପି । କେଶବ ଜୀବନ୍ତ ବଜ୍ରକାପ୍ତାଟିକୁ କାହାକୁ କେତେ ଟଙ୍କାରେ ବିକ୍ରି କରିବାକୁ ଯୋଜନା କରିଥିଲା ତାର ଖୋଳତାଡ କରୁଛି ଏସଟିଏଫ ।
ଜୀବନ୍ତ ବଜ୍ରକାପ୍ତାଗୁଡିକୁ ଧରି ପଶ୍ଚିମବଙ୍ଗ ବାଟ ଦେଇ ଚୀନ୍ କିମ୍ବା ଅନ୍ୟାନ୍ୟ ବାହାର ଦେଶକୁ ପଛାଇବା ପାଇଁ ଏମାନେ ଯୋଜନା କରିଥାନ୍ତି । ବାହାର ଦେଶରେ ଏହି ବଜ୍ରକାପ୍ତାଗୁଡିକର କାତି, ଲାଞ୍ଜ, ଶରୀରର ବିଭିନ୍ନ ଅଂଶ ବିଶେଷ ଔଷଧୀୟ କାର୍ଯ୍ୟରେ ଲାଗିଥାଏ । ଏହି ବଜ୍ରକାପ୍ତା ବ୍ୟବସାୟ ପାଇଁ ଏକ ବଡ ଚେନ୍ ରହିଛି ଯାହାକୁ ଠାବ କରିବାକୁ ଯୋଜନା କରିଛି ଏସଟିଏଫ ।
ଗତ ଏକବର୍ଷ ମଧ୍ୟରେ ଏସଟିଏଫ ବିଭିନ୍ନ ସ୍ଥାନରେ ଚଢାଉ କରି ୩ଟି ଜୀବନ୍ତ ବଜ୍ରକାପ୍ତା ୧୦କେଜି ବଜ୍ରକାପ୍ତା ପକ୍ଷୀ ଜବତ କରିଛି । ଧରାପଡିଥିବା ଜୀବନ୍ତ ବଜ୍ରକାପ୍ତାକୁ ବଡମ୍ବା ଜଙ୍ଗଲରେ ଛାଡିବା ପାଇଁ ବନ ବିଭାଗ କର୍ମଚାରୀଙ୍କୁ ହସ୍ତାନ୍ତର କରାଯାଇଛି ।
