ଢେଙ୍କାନାଳ, ୨୫।୦୭: ଢେଙ୍କାନାଳ ବନଖଣ୍ଡ ଅନ୍ତର୍ଗତ କପିଳାଶ ଅଭୟାରଣ୍ୟ ବନ୍ୟଜନ୍ତୁ ଶିକାରୀଙ୍କ ପାଇଁ ଚରାଭୂଇଁ ପାଲଟିଯାଇଛି । ଏପରିକି ବଜ୍ରକାପ୍ତା ଶିକାର କରି ବାହାରକୁ ଚାଲାଣ କରାଯାଉଥିବା ସୂଚନା ପାଇ ୱଇଲଡ଼ ଲାଇଫ କ୍ରାଇମ କଣ୍ଟ୍ରୋଲ ବ୍ୟୁରୋ ଜବଲପୁରର ଏକ ଟିମ ଢେଙ୍କାନାଳ ବନବିଭାଗ ସହାୟତାରେ ଚଢ଼ାଉ କରାଯାଇଛି ।
ଏହି ଚଢ଼ାଉରେ ଦୁଇଜଣ ଶିକାରୀଙ୍କୁ ଗିରଫ କରିବାରେ ସଫଳ ହୋଇଛି କ୍ରାଇମ୍ ବ୍ୟୁରୋ । ସେମାନଙ୍କ ଠାରୁ ୧୪କିଲୋ ୨ଶହ ଗ୍ରାମ ବଜ୍ରକାପ୍ତା କାତି, ଗୋଟିଏ ହିରୋହୁଣ୍ଡା ବାଇକ ଜବତ କରାଯାଇଛି । ଗିରଫ ଦୁଇଜଣ ଢେଙ୍କାନାଳ ସହରର ହାଉସିଂ ବୋର୍ଡ ଅଂଚଳର ଫିରୋଜ ଖାଁ ଓ ବନମାଳୀ ପ୍ରସାଦ ଅଂଚଳର ରତ୍ନାକର ରାଉତ ବୋଲି ଜଣାପଡିଛି । ଅଭିଯୁକ୍ତ ଦୁଇଜଣ ବଜ୍ର କାପ୍ତା କାତିକୁ ବାହାରକୁ ଚାଲାଣ କରୁଥିବା ଜଣାପଡିଛି ।
