Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ବନ ବିଭାଗ ଟାର୍ଗେଟ୍‌ରେ ବଜ୍ରକାପ୍ତା ମାଫିଆ, ୫ ମାସରେ ୩୦ ଗିରଫ

26/06/2020 at 1:04 PM

ଆଠଗଡ ୨୬।୬: ଆଠଗଡ ବନଖଣ୍ଡରେ ପୁଣି ସକ୍ରିୟ ବଜ୍ରକାପ୍ତା ରାକେଟ । ଗତ ୫ମାସ ଭିତରେ ୩ଟି ଜୀବନ୍ତ ବଜ୍ରକାପ୍ତା ଓ ଗୋଟିଏ ମୃତ ବଜ୍ରକାପ୍ତା ମିଳିଥିବା ବେଳେ ଅନେକ ବଜ୍ରକାପ୍ତା କାତି ଉଦ୍ଧାର କରାଯାଇଛି । ଏହି ବଜ୍ରକାପ୍ତା ଚୋର ଚାଲାଣରେ ଏବେ ସୁଦ୍ଧା ମୋଟ୍ ୩୦ରୁ ଉର୍ଦ୍ଧ୍ବ ଲୋକଙ୍କୁ କୋର୍ଟ ଚାଲାଣ କରାଯାଇଛି । ଗତ କିଛି ଦିନ ତଳେ ୩ ଜଣଙ୍କୁ କଟକ ନୂଆପଟଣା ମଧୁସୂଦନ ସେତୁ ନିକଟରୁ ଗିରଫ କରିଛି ଆଠଗଡ ବନବିଭାଗ । ସେମାନଙ୍କ ମଧ୍ୟରୁ ଜଣେ କେନ୍ଦ୍ରାପଡା ଓ କଟକ ଶିଖରପୁରର ହୋଇଥିବା ବେଳେ ତୃତୀୟ ବ୍ୟକ୍ତି ଜଣଙ୍କୁ ଅନୁଗୋଳରୁ ଗିରଫ ହୋଇଥିବା ଜଣାପଡିଛି ।

ଅନ୍ୟପଟେ ଆଠଗଡ ବନଖଣ୍ଡ ଅନ୍ତର୍ଗତ ବଡମ୍ବା ରେଞ୍ଜ ଅଞ୍ଚଳରୁ ଏକ କ୍ଵାରେଣ୍ଟାଇନ୍ ସେଣ୍ଟରରୁ ବଜ୍ରକପ୍ତା ମିଳିବା ଘଟଣା ବନ ବିଭାଗର ଲଗ୍ ଡାଉନ୍ ପାଟ୍ରୋଲିଂ ଜୋରଦାର କରାଯାଇଥିଲା । ଏହା ଚୋରା ଚାଲାଣକାରୀଙ୍କୁ ଏକ ପ୍ରକାର ହରଡଘଣାରେ ପକାଇ ଦେଇଥିଲା । ଡରରେ ବଜ୍ରକାପ୍ତାଟିକୁ ଛାଡି ଦେଇଥିବା କହିଛନ୍ତି ବନଖଣ୍ଡ ଅଧିକାରୀ ।

ମହୁଲିଆ ପଞ୍ଚାୟତର ସରପଞ୍ଚଙ୍କ ସୂଚନା ଅନୁସାରେ ବଜ୍ରକାପ୍ତା ଉଦ୍ଧାର କରାଯାଇଥିଲା । ଆଠଗଡ ଡିଏଫଓଙ୍କ ସୂଚନା ଅନୁଯାୟୀ ବଜ୍ରକାପ୍ତାଟି ୪ କିଲୋ ଓଜନର ହେବ । କିଛି ପରୀକ୍ଷଣ ପରେ ବଜ୍ରକାପ୍ତାଟିକୁ ଜଙ୍ଗଲରେ ଛଡା ଯାଇଥିଲା । ଯେହେତୁ କ୍ଵାରେଣ୍ଟାଇନ୍ ସେଣ୍ଟରରୁ ଉଦ୍ଧାର କରାଯାଇଥିଲା ସେଥିପାଇଁ ଏହାର କରୋନା ପରୀକ୍ଷଣ ମଧ୍ୟ କରାଯାଇଥିଲା ।

ଏହି ଘଟଣାର ୭ ଦିନ ପରେ ଏକ କୂଅ ଭିତରୁ ଏକ ଜୀବନ୍ତ ପୁରୁଷ ବଜ୍ରକାପ୍ତା ଉଦ୍ଧାର କରାଯିବା ଏବଂ ତା ନିକଟରେ କୌଣସି ଜଙ୍ଗଲୀ ପ୍ରବୃତ୍ତି ଦେଖାନଯିବା, ମଣିଷ ସହ ଚଳିଥିବା ପରି କାର୍ଯ୍ୟକଳାପ ଦେଖାଯିବା ପରେ ଚାଲାଣକାରୀ ଏହାକୁ ନିଜ ପାଖରେ ରଖିଥିଲେ ବୋଲି ଜଣାପଡିଛି । ବନ ବିଭାଗର କଡା ପାଟ୍ରୋଲିଂ ଭୟରେ କୂଅରେ ପକାଇ ଦେଇଥିବା ସନ୍ଦେହ କରାଯାଉଛି । ଅଧିକ ତଦନ୍ତ ଜାରି ରହିଥିବା କହିଛନ୍ତି ଆଠଗଡ ବନଖଣ୍ଡ ଅଧିକାରୀ ।

ମାଫିଆଙ୍କ ନୂଆ ଟାର୍ଗେଟ୍ ଏବେ ବଜ୍ରକାପ୍ତା । ସିଡୁଲ ଏ ପ୍ରଜାତିର ଏହି ପ୍ରାଣୀର ସୁରକ୍ଷା ଏବେ ବିଭାଗ ପାଇଁ ବଡ଼ ଚିନ୍ତାର ବିଷୟ ପାଲଟି ଥିବାବେଳେ ବିଲୁପ୍ତ ପ୍ରାୟ ପ୍ରଜାତିର ଏହି ନୀରିହ ବଜ୍ରକାପ୍ତା ଆଠଗଡ଼ ବନଖଣ୍ଡରେ ପ୍ରଚୁର ପରିମାଣରେ ଦେଖା ଯାଉଥିବା ବେଳେ ଯଦି ଏହାର ସଠିକ୍ ଭାବରେ ଗଣନା କରି ଏକ ଅଭୟାରଣ୍ୟ କରାଯାଇ ପାରନ୍ତା ତେବେ ମାଫିଆମାନଙ୍କ ଲୋଲୁପ ଦୃଷ୍ଟିରୁ ଏହି ନିରୀହ ବନ୍ୟପ୍ରାଣୀକୁ ରକ୍ଷା କରାଯାଇପାରନ୍ତା ବୋଲି ମତ ପ୍ରକାଶ ପାଇଛି ।

   Related Posts