ନୂଆଦିଲ୍ଲୀ ୮/୧: ଏକ ଉଚ୍ଚସ୍ତରୀୟ କମିଟି ଘରୋଇ ଅପରେଟରଙ୍କୁ ୧୦୦ଟି ରେଳ ମାର୍ଗରେ ଘରୋଇ କମ୍ପାନୀଙ୍କୁ ୧୫୦ଯାତ୍ରୀଗାଡ଼ି ପରିଚାଳନା କରିବାକୁ ଅନୁମତି ଦେଇଛି। ଏଥିରେ ମୁମ୍ବାଇ-ଦିଲ୍ଲୀ ଏବଂ ହାଓଡ଼ା-ଦିଲ୍ଲୀ ରାସ୍ତା ସାମିଲ ରହିଛି। ଲକ୍ଷ୍ନୌ-ଦିଲ୍ଲୀ ରାସ୍ତାରେ ଚାଲୁଥିବା ତେଜସ୍ ଏକ୍ସପ୍ରେସ୍ ପ୍ରାଇଭେଟ୍ ପ୍ଲେୟାରଙ୍କ ଦ୍ବାରା ପରିଚାଳିତ ହେଉଥିବା ପ୍ରଥମ ଭାରତୀୟ ଟ୍ରେନ୍। ଏହାର ପରିଚାଳନା ଆଇଆରସିଟିସି ଗତ ବର୍ଷ ଅକ୍ଟୋବର ୪ତାରିଖଠୁ ଆରମ୍ଭ କରିଥିଲା।
ଏହା ଦ୍ବାରା ୨୨,୫୦୦କୋଟି ଟଙ୍କାର ନିବେଶ ଆସିପାରେ। ମୁମ୍ବାଇ ସେଣ୍ଟ୍ରାଲ-ନୂଆଦିଲ୍ଲୀ,ନୂଆଦିଲ୍ଲୀ-ପାଟଣା,ଅହମଦାବାଦ-ପୁଣେ ଏବଂ ଦାଦର-ବଡ଼ୋଦରା,ହାଓଡ଼ା-ଚେନ୍ନାଇ,ହାଓଡ଼ା-ପାଟନା,ଇନ୍ଦୋର-ଓଖଲା,ଲକ୍ଷ୍ନୌ-ଜାମ୍ମୁ ତଓ୍ବି,ଚେନ୍ନାଇ-ଓଖଲା,ଆନନ୍ଦ ବିହାର,ଭାଗଲପୁର,ସିକନ୍ଦରାବାଦ-ଗୁଆହାଟୀ ଏବଂ ହାଓଡ଼ା-ଆନନ୍ଦ ବିହାର ଭଳି ରାସ୍ତାରେ ଘରୋଇ ଟ୍ରେନ୍ ପରିଚାଳନା କରି ପାରିବ।
ଏହି ୧୦୦ଟି ରାସ୍ତାକୁ ୧୦-୧୨ ସମୂହରେ ବାଣ୍ଟି ଦିଆଯାଇଛି। ଘରୋଇ କମ୍ପାନୀର ଟ୍ରେନଗୁଡ଼ିକୁ ପ୍ରତି ଘଣ୍ଟାକୁ ୧୬୦କିମି ବେଗରେ ଟ୍ରେନ୍ ଚଲାଇବାର ଅନୁମତି ଦିଆଯିବ।
