ନୂଆଦିଲ୍ଲୀ ୨୬/୦୪: କରୋନା ମହାମାରୀର ଦ୍ୱିତୀୟ ଲହରରୁ ବି-ଟାଉନ୍ ସେଲିବ୍ରିଟିମାନେ ମଧ୍ୟ ବଞ୍ଚିପାରି ନାହାଁନ୍ତି ।  କିଛି ସେଲିବ୍ରିଟି ଏହି ଭାଇରସ୍ ସହ ଲଢେଇ କରି ଜିତିଥିବା ବେଳେ ଆଉ କିଛି ହାରିଯାଇଛନ୍ତି । ଫିଲ୍ମ ଇଣ୍ଡଷ୍ଟ୍ରିରୁ ଏଭଳି ଆଉ ଏକ ଦୁଃଖଦ ଖବର ସାମ୍ନାକୁ ଆସିଛି । ପଦ୍ମଭୂଷଣ ପଣ୍ଡିତ ରାଜନ ମିଶ୍ରଙ୍କ ୭୦ ବର୍ଷ ବୟସରେ କରୋନାରେ ଦେହାନ୍ତ ହୋଇଛି ।

ପଣ୍ଡିତ ରାଜନ ମିଶ୍ର କରୋନା ସଂକ୍ରମିତ ହୋଇଥିଲେ । ତାଙ୍କର ହୃଦୟ ସମ୍ବନ୍ଧୀୟ ସମସ୍ୟା ମଧ୍ୟ ଥିଲା । ସ୍ୱାସ୍ଥ୍ୟ ଅବସ୍ଥା ଖରାପ ହେବାରୁ ତାଙ୍କୁ ସେଣ୍ଟ ଷ୍ଟିଫେନ୍ସ ହସ୍ପିଟାଲରେ ଭର୍ତ୍ତି କରାଯାଇଥିଲା । ଏପରିକି ସୋସିଆଲ ମିଡିଆରେ ଲୋକମାନେ ତାଙ୍କ ପାଇଁ ବେଡ୍ ଏବଂ ଅକ୍ସିଜେନ ମଧ୍ୟ ଦାବି କରିଥିଲେ । କିନ୍ତୁ ସେ ଜୀବନ ଯୁଦ୍ଧରେ ହାରି ଗଲେ ।

ରାଜନ ମିଶ୍ରଙ୍କ ମୃତ୍ୟୁ ପରେ ଇଣ୍ଡଷ୍ଟ୍ରିରେ ଶୋକର ଲହରୀ ଖେଳିଯାଇଛି । ତାଙ୍କ ବିୟୋଗ ହେତୁ ହିନ୍ଦୁସ୍ତାନୀ ଶାସ୍ତ୍ରୀୟ ସଙ୍ଗୀତର ଅଗ୍ରଦୂତ ତଥା ବାରାଣାସୀ ସଂଗୀତ ଘରାନାର ପ୍ରସିଦ୍ଧ ରାଜନ-ସାଜନ ମିଶ୍ର ଯୋଡି ଭାଙ୍ଗିଯାଇଛି ।

wp:html

Mujhe abhi pata chala ki bahut guni shastriya gayak Padma Bhushan Sangeet Natak Akademi puraskar se sammanit Pandit Rajan Mishra ji Ka nidhan hua hai. Ye sunke mujhe bahut dukh hua. Ishwar unki aatma ko shanti pradan kare. Meri samvedanaayein unke pariwar ke saath hai.

— Lata Mangeshkar (@mangeshkarlata) April 25, 2021

/wp:html

ଗାୟକ ଲତା ମଙ୍ଗେଶକର ଟ୍ୱିଟ୍ କରି ରାଜନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଲତା ମଙ୍ଗେଶକର ଟ୍ୱିଟ୍ କରି କହିଛନ୍ତି, 'ମୁଁ ଜାଣିବାକୁ ପାଇଲି ଯେ ଅତି ପ୍ରତିଭାବାନ ଶାସ୍ତ୍ରୀୟ ଗାୟକ ପଦ୍ମଭୂଷଣ ସଂଗୀତ ନାଟକ ଏକାଡେମୀ ପୁରସ୍କାର ପଣ୍ଡିତ ରାଜନ ମିଶ୍ରଙ୍କର ଦେହାନ୍ତ ହୋଇଛି । ଏହା ଶୁଣି ମୁଁ ବହୁତ ଦୁଃଖିତ । ଇଶ୍ୱର ତାଙ୍କ ଆତ୍ମାକୁ ​​ଶାନ୍ତି ଦିଅନ୍ତୁ । ତାଙ୍କ ପରିବାର ପ୍ରତି ମୋର ସମବେଦନା । '