Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୪ କ୍ବିଣ୍ଟାଲ ୬୦ କେଜି ଚନ୍ଦନ କାଠ ଜବତ: ଆନୁମାନିକ ମୂଲ୍ୟ ୭୦ ଲକ୍ଷ ଟଙ୍କାରୁ ଅଧିକ
  • ||
  • ଜଳେଶ୍ବର: ବିଶାଖା ଏଗ୍ରୋ ସୋରୁମ୍ ଆଗରେ ଚାଷୀମାନଙ୍କ ପକ୍ଷରୁ ଆମରଣ ଅନଶନ
  • ||
  • ଅପରାହ୍ନରେ ସ୍ଥଳଭାଗ ଛୁଇଁବ ‘ବୁରେଭି’ : କେରଳ-ତାମିଲନାଡୁର କିଛି ଜିଲ୍ଲାରେ ଛୁଟି ଘୋଷଣା, ବିମାନବନ୍ଦର ବନ୍ଦ
  • ||
  • ଜଗତପୁର : ଧାନ କଟାଳୀଙ୍କୁ ଶୁଣ୍ଢରେ କଚାଡି ମାରିଲା ହାତୀ
  • ||
  • ବାଲେଶ୍ବର ଓ ମୟୁରଭଞ୍ଜରେ ମୃଦୁ ଭୂକମ୍ପ ଝଟ୍‌କା ଅନୁଭୂତ
  • ||
  • ଆଜି ପ୍ରଥମ ଟି୨୦ : ଅଷ୍ଟ୍ରେଲିଆକୁ କଡା ଟକ୍କର ଦେବ ଭାରତ, ଓ୍ୱାର୍ଣ୍ଣରଙ୍କ ଅନୁପସ୍ଥିତିର ଫାଇଦା ନେବ ବିରାଟ ବାହିନୀ
  • ||
  • ଜି.ଉଦୟଗିରି : ନାବାଳିକା ଝିଅକୁ ଦୁଷ୍କର୍ମ ଅଭିଯୋଗ, ଅଭିଯୁକ୍ତକୁ ଗିରଫ କଲା ପୋଲିସ
  • ||
  • ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର: ପ୍ରାଥମିକ ତଦନ୍ତରୁ ହତ୍ୟା ସନ୍ଦେହ
  • ||
  • ପୋଲିସ୍‌ ଏବଂ ଜୁଆ ଆଡ୍ଡା ମାଲିକଙ୍କ କଥାବାର୍ତ୍ତାର ଅଡିଓ କଲ ଭାଇରାଲ
  • ||
  • ହାଇଦ୍ରାବାଦ ମ୍ୟୁନିସିପାଲ କର୍ପୋରେସନ ନିର୍ବାଚନ : ଏବେସୁଦ୍ଧା ଆଗରେ ବିଜେପି, ପଛରେ ଟିଆରଏସ ଓ ଏଆଇଏମଆଇଏମ
  • ||

ଜିଲ୍ଲାପାଳଙ୍କ କ୍ଷମତା ପ୍ରୟୋଗ କଲେ ସରପଞ୍ଚ, କରୋନା ସଂକ୍ରମଣ ଆଶଙ୍କାରେ ପଞ୍ଚାୟତକୁ କଲେ ସଟଡାଉନ୍

28/08/2020 at 5:53 PM

ବାଲିପାଟଣା, ୨୮।୦୮: ଖୋର୍ଦ୍ଧା ଜିଲ୍ଲା ବାଲିପାଟଣା ବ୍ଲକ ତୁରିନ୍ତିରା ଗ୍ରାମ ପଞ୍ଚାୟତକୁ ସାତ ଦିନ ପାଇଁ ସଟ୍‌ଡାଉନ୍ ଘୋଷଣା କରାଯାଇଛି । ସ୍ଥାନୀୟ ସରପଞ୍ଚ ସୁଲୋଚନା ଦେଇ କରୋନା ସଂକ୍ରମଣ ଆଶଙ୍କାରେ ପଞ୍ଚାୟତକୁ ସଟଡାଉନ୍ ଘୋଷଣା କରିଛନ୍ତି ।

ଅଗଷ୍ଟ ୨୮ ତାରିଖ ସଂଧ୍ୟା ୭ ଟା ଠାରୁ ସେପ୍ଟେମ୍ବର ୩ ତାରିଖ ସକାଳ ୭ଟା ପର୍ଯ୍ୟନ୍ତ ପଂଚାୟତର ସମସ୍ତ ଗ୍ରାମକୁ ସଟ୍‌ଡାଉନ୍ କରାଯାଇଛି । ଏହି ସମୟରେ ଅତ୍ୟାବଶ୍ୟକୀୟ ସେବା ବ୍ୟତୀତ ଅନ୍ୟ କୌଣସି ଦୋକାନ, ବଜାର, ସେବା ଚାଲିପାରିବ ନାହିଁ । ପଞ୍ଚାୟତର କୌଣସି ବ୍ୟକ୍ତି ବାହାରକୁ ବାହାରିବେ ନାହିଁ କିମ୍ବା ଅଯଥାରେ ଯାନବାହାନ ଚଳାଚଳ କରିପାରିବ ନାହିଁ ।

ଦିନକୁ ଦିନ କରୋନା କାୟା ବିସ୍ତାର କରିଚାଲିଛି । ବିଶେଷକରି ରାଜଧାନୀ ଏବଂ ଏହାର ଉପକଣ୍ଠ ଅଂଚଳରେ କରୋନା ଅଣାୟତ ହେଉଛି । ବାଲିପାଟଣା ବ୍ଲକ ତୁରିନ୍ତିରା ଗ୍ରାମ ପଞ୍ଚାୟତରେ ଦିନକୁ ଦିନ କରୋନା ସଂକ୍ରମିତଙ୍କ ସଂଖ୍ୟା ବଢିବଢି ଚାଲିଛି । ପଞ୍ଚାୟତରେ ୨୭ ଜଣ କରୋନାରେ ଆକ୍ରାନ୍ତ ହେଲେଣି । ଏହି ଗ୍ରାମପଞ୍ଚାୟତ ଅଧିନ ଆଇତଳଙ୍ଗ ଗ୍ରାମରେ ମୋଟ ୧୯ ଜଣ ସଂକ୍ରମିତ ହେବା ସହ ଜଣଙ୍କର କରୋନାରେ ମୃତ୍ୟୁ ଘଟିଛି । ଭୁବନେଶ୍ୱରରେ କାର୍ଯ୍ୟ କରୁଥିବା ଦୁଇଜଣ ଯୁବକ ସଂକ୍ରମିତ ହେବା ପରେ ଗ୍ରାମରେ ସଂକ୍ରମିତଙ୍କ ସଂଖ୍ୟା ବଢି ବଢି ଚାଲିଛି । ସଂକ୍ରମିତଙ୍କୁ ନିଜ ଘରେ ଆଇସୋଲେସନ୍ ରେ ରହିବାକୁ ପରାମାର୍ଶ ଦିଆଯାଇଛି । ମାତ୍ର କିଛି ସଂକ୍ରମିତ ବାହାରେ ବୁଲୁଥିବା ମଧ୍ୟ ଦେଖାଯାଉଛି । ଯାହା ସମସ୍ତଙ୍କ ପାଇଁ ବିପଦ ସୃଷ୍ଟି କରିପାରେ ।

ଏହାକୁ ଦୃଷ୍ଟିରେ ରଖି ସରପଞ୍ଚ ଜିଲ୍ଲାପାଳ କ୍ଷମତା ପ୍ରୟୋଗ କରି ଏଭଳି ନିଷ୍ପତି ନେଇଛନ୍ତି । ଅମାନିଆ ହେଲେ ଆଇନ୍‌ ଅନୁଯାୟୀ ଦୃଢ କାଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସରପଞ୍ଚ ସୂଚାଇ ଦେଇଛନ୍ତି । ସଟଡାଉନ୍ ବାବଦରେ ମାଇକ୍‌ ଯୋଗେ ପ୍ରଚାର କରାଯାଇଛି । ପଂଚାୟତର ସମସ୍ତ ଅଧିବାସୀ ଏହି ସଟ୍‌ଡାଉନ୍ କଟକଣା ମାନିବାକୁ ନିବେଦନ କରାଯାଇଛି ।

   Related Posts