ଆଠମଲ୍ଲିକ୭/୮: ଆଠମଲ୍ଲିକ ବ୍ଲକ ଠାକୁରଗଡ଼ରେ ଜଣେ ରେଢ଼ାଖୋଲ ଫେରାନ୍ତ ଡ୍ରାଇଭଙ୍କୁ କରୋନା ପଜିଟିଭ୍ ହୋଇଥିବା ଜଣାପଡିଲା ପରେ ସରପଞ୍ଚ ୨ ଦିନ ପାଇଁ ଠାକୁରଗଡ଼ ପାଞ୍ଚୟତକୁ ସଟଡାଉନ୍ ଘୋଷଣା କରିଛନ୍ତି ।ଗତ ବୁଧବାର ରାକ୍ଷୀ ପୂର୍ଣ୍ଣିମା ଦିନ ରେଢ଼ାଖୋଲରୁ ଜଣେ ଡ୍ରାଇଭର ଠାକୁରଗଡ଼କୁ ଆସିଥିଲେ । ସେ ଠାକୁରଗଡ଼ରେ କିଛି ବ୍ୟକ୍ତିମାନଙ୍କ ସହିତ ମିଳାମିଶା କରିଥିଲେ ।
ରାତିରେ ଭୋଜିରେ ମଧ୍ୟରେ ସାମିଲ ହୋଇଥିଲେ । ପରେ ସେ ପୁଣି ରେଢ଼ାଖୋଲକୁ ଫେରି ଯାଇଥିଲେ । ରେଢ଼ାଖୋଲରେ ତାଙ୍କ ଦେହ ଖରାପ ହେବାରୁ ସେ ଡାକ୍ତରଖାନାକୁ ଯାଇଥିଲେ । ତାଙ୍କର କରୋନା ଲକ୍ଷଣ ପାଇବାରୁ ତାଙ୍କୁ ସମ୍ବଲପୁର ବୁର୍ଲା କୋଭିଡ୍ ହସ୍ପିଟାଲକୁ ପଠାଯାଇଥିଲା । ସେଠାରେ ତାଙ୍କୁ କରୋନା ହୋଇଥିବାର ଶୁଣିବାପରେ ଠାକୁରଗଡ଼ ସରପଞ୍ଚ ଅନାମ ସାହୁ ସଟଡାଉନ ଘୋଷଣା କରିଛନ୍ତି ।
ଆଜି ସକାଳୁ ସଟଡାଉନ ଲାଗୁ ହେଇଛି। ସଟଡାଉନ ଯୋଗୁ ଶୁକ୍ରବାର ସକାଳ ୬ଟା ରୁ ଶନିବାର ସନ୍ଧ୍ୟା ୬ ଟା ପର୍ଯ୍ୟନ୍ତ ଠାକୁରଗଡ଼ ପାଞ୍ଚୟତ। ସମସ୍ତ ସରକାରୀ କାର୍ଯ୍ୟାଳୟ , ଦେକାନ ବଜାର ବନ୍ଦ ରହିବ। ପଞ୍ଚୟତରୁ କେହି ବାହାରକୁ ଯାଇ ପାଇବେନାହଁ । ଅତ୍ୟାବଶ୍ୟକ କାମ ନ ଥିଲେ ଘରୁ ବାହାର ବହାରିବେ ନାହିଁ ।
