Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଞ୍ଚମ ପର୍ଯ୍ୟାୟ କୃଷକ-ସରକାରଙ୍କ ଆଲୋଚନା ବିଫଳ, ଡିସେମ୍ବର ୯’ରେ ପୁଣି ବୈଠକ
  • ||
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||
  • ନିଆଳି : ଭାରସାମ୍ୟ ହରାଇ ନାଳକୁ ଖସିପଡିଲା ଟ୍ରକ୍ : ଜଣେ ମୃତ, ଦୁଇ ଗୁରୁତର
  • ||
  • ମୁନିଗୁଡା : ଅପରେସନ୍ ଗ୍ରୀନ୍ କ୍ଲିନ୍, ୫ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଢେଙ୍କାନାଳ : ଚାଷୀଙ୍କୁ କଚାଡି ମାରିଲା ଦନ୍ତା, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ଅବରୋଧ
  • ||
  • ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ କୋରୋନା ପଜିଟିଭ୍‌ ଚିହ୍ନଟ, ‘କୋଭାକ୍ସିନ୍‌’ର ପରୀକ୍ଷାମୂଳକ ଟିକା ନେଇଥିଲେ ଅନିଲ ଭିଜ୍‌
  • ||

ବଜ୍ରାଘାତରେ ଆଜି ୬ଜଣଙ୍କ ମୃତ୍ୟୁ: ତାଳ ଗଛ ରୋକି ପାରିବ ବଜ୍ରାଘାତ ଜନିତ ମୃତ୍ୟୁ ବୋଲି କହିଲେ ବିଶେଷଜ୍ଞ

21/08/2019 at 5:58 PM

ଭୁବନେଶ୍ବର(ଅମର ପଟ୍ଟନାୟକ)୨୧|୮: ଆଜି ବିଲରେ ଚାଷ କାମ କରୁଥିବା ବେଳେ ବଜ୍ରପାତ ହେବାରୁ ଟଳି ପଡ଼ିଛନ୍ତି ୬ ଜଣ ଚାଷୀ। ଆଉ ୪ ଜଣ ଚାଷୀ ଗୁରୁତର ଆହତ ହୋଇଛନ୍ତି। ଆଜି ମଧ୍ୟାହ୍ନରେ ଏପରି ଅଭାବନୀୟ ଘଟଣା ଦେଖିବାକୁ ମିଳିଛି କେନ୍ଦ୍ରପଡ଼ା ଓ ପୁରୀ ଜିଲ୍ଲାର ବିଭିନ୍ନ ଗାଁରେ । ପୂର୍ବ ଅପେକ୍ଷା ବିଲରେ କାମ କରୁଥିବା ଲୋକେ ଅଧିକ ସଂଖ୍ୟାରେ ବଜ୍ରାଘାତରେ ଆହତ ହେଉଛନ୍ତି ।

 ପୂର୍ବରୁ ରାଜ୍ୟର ପ୍ରତ୍ୟେକ ଅଞ୍ଚଳରେ  ବହୁଳଭାବେ ତାଳ ଗଛ ଦେଖିବାକୁ ମିଳୁଥିଲା । ଲୋକେ ଗାଁରେ ଆମ୍ବ ତୋଟା ଭଳି ବ୍ୟାପକ ତାଳ ଗଛ ଲଗାଉଥିଲେ । ବିଶେଷ କରି  ବିଲ ହିଡ ମାନଙ୍କରେ ତାଳ ଗଛ ଲଗାଇବା ଚାଷୀଙ୍କର ପାରମ୍ପରିକ ଅଭ୍ୟାସ ଥିଲା । ଲୋକେ ତାଳ ପତ୍ର, ତାଳ ବାହୁଙ୍ଗାର କେରଟ ବା ପଟି ଚାଳ ଛପର ଓ ବାଡ ବୁଜା କାମରେ ବହୁଳ ବ୍ୟବହାର କରୁଥିଲେ ।

ଲୋକେ ତାଳ ସଜ ଖାଇବା ସହିତ ପାଚିଲା ତାଳକୁ ମଧ୍ୟ ସୁସ୍ୱାଦୁ ପିଠା କରି ଖାଉଥିଲେ । ତେବେ ତାଳ ଗଛର ସବୁଠାରୁ ଗୁରୁତ୍ୱପୂର୍ଣ୍ଣ ଭୂମିକା ଥିଲା ଚାଷୀଙ୍କୁ ବଜ୍ରାଘାତରୁ ସୁରକ୍ଷା ଦେବା । ବଜ୍ରପାତ ଯୋଗୁଁ ପ୍ରତିବର୍ଷ କିଛି ତାଳଗଛ ଜଳିଯାଉଥିବା ବେଳେ ରକ୍ଷା ପାଇଯାଇଥାନ୍ତି ବିଲରେ କାମ କରୁଥିବା ଚାଷୀ ।

ଅନ୍ୟ ଗଛ ଭଳି ତାଳ ଗଛ ଛାଇ ଦେଉନଥିବାରୁ ତାହା ଫସଲକୁ କ୍ଷତିଗ୍ରସ୍ତ କରେନାହିଁ । ଅନ୍ୟ ଗଛ ତୁଳନାରେ ଏହା ଅଧିକ ଡେଙ୍ଗା ହେଉଥିବାରୁ ବଜ୍ରପାତକୁ ପ୍ରଥମେ ସାମ୍ନା କରିଥାଏ ତାଳ ଗଛ । ତେଣୁ ପୁରୁଖା ଲୋକେ ସେମାନଙ୍କ ଜାଣତରେ ହେଉ କିମ୍ବା ଅଜାଣତରେ ତାଳ ଗଛ ଲଗାଇ ବଜ୍ରପାତ ଦାଉରୁ ଚାଷୀ ଓ କୃଷି ଶ୍ରମିକଙ୍କୁ ସୁରକ୍ଷା ଦେଉଥିଲେ ।

ବର୍ତ୍ତମାନ ଅଧିକାଂଶ ଅଞ୍ଚଳରେ ଲୋକେ ତାଳଗଛ ହାଣି ନେବା ସହ ଆଉ ଅଧିକ ତାଳ ନଲଗାଇବା ଯୋଗୁଁ ଅଧିକରୁ ଅଧିକ କୃଷକ ବଜ୍ରପାତର ଶିକାର ହେଉଛନ୍ତି । ଏ ସଂପର୍କରେ  ବିଶିଷ୍ଟ ପାଣିପାଗ ବିଜ୍ଞାନୀ ତଥା ନିର୍ଦ୍ଦେଶକ ସି.ଇ.ସି. ସୋଆ ଡକ୍ଟର ଶରତ ଚନ୍ଦ୍ର ସାହୁଙ୍କ ମତ ସ୍ପଷ୍ଟ । ପାରମ୍ପରିକ ଭାବେ ଚାଷ ଜମି ନିକଟରେ ପୂର୍ବରୁ ଲଗାଯାଉଥିବା ତାଳ ଗଛ ଚାଷୀ ଓ ସ୍ଥାନୀୟ ଲୋକଙ୍କ ପାଇଁ ବଜ୍ରପାତ ବେଳେ ସୁରକ୍ଷା କବଚ ଭାବେ କାମ କରିଥାଏ । ଏଭଳି ପାରମ୍ପରିକ ବ୍ୟବସ୍ଥାକୁ ଶ୍ରୀ ସାହୁ ସମର୍ଥନ କରିବା ସହିତ ଚାଷ ଜମି ଅଞ୍ଚଳରେ ଅଧିକରୁ ଅଧିକ ତାଳ ଗଛ ଲଗାଇବା ସପକ୍ଷରେ ମତ ଦେଇଛନ୍ତି ।

   Related Posts