Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିସିସିଆଇର ଘୋଷଣା-ଫେବୃଆରୀ ୧୮ରେ ଚେନ୍ନାଇରେ ହେବ ଆଇପିଏଲ ୨୦୨୧ ପାଇଁ ଖେଳାଳିଙ୍କ ନିଲାମୀ
  • ||
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ପାକିସ୍ତାନୀ ନେତାଙ୍କ ମୁର୍ଖାମୀ: ଫ୍ରାନ୍ସରେ ୩ ମାସ ହେଲା ନାହାନ୍ତି ପାକ୍‌ ରାଷ୍ଟ୍ରଦୂତ କିନ୍ତୁ ପ୍ରତ୍ୟାହାର କରିନେବାକୁ ଜାତୀୟ ଆସେମ୍ବ୍ଲିରେ ପ୍ରସ୍ତାବ ପାସ୍‌

30/10/2020 at 8:39 PM

ଇସ୍‌ଲାମାବାଦ ୩୦/୧୦: ନିଜର ବୋକାଳିଆମି ବା ମୁର୍ଖାମୀ ପାଇଁ ପାକିସ୍ତାନ ବିଶ୍ବରେ ପରିଚୟ ସୃଷ୍ଟି କରିଛି ଓ ଲଜ୍ଜାଜନକ ସ୍ଥିତିରେ ପଡ଼ୁଛି। ସବୁବେଳେ କିଛି ନା କିଛି କାର୍ଯ୍ୟ ପାଇଁ ପାକିସ୍ତାନର ଚର୍ଚ୍ଚା ଚାଲେ। ନିକଟରେ ଫ୍ରାନ୍ସର ରାଷ୍ଟ୍ରପତି ଏମାନୁଏଲ୍‌ ମାକ୍ରୋନଙ୍କୁ ବିରୋଧ କରିବାକୁ ଯାଇ ପାକିସ୍ତାନ ସରକାର କରିଥିବା ନିଷ୍ପତ୍ତି ଚର୍ଚ୍ଚାର କେନ୍ଦ୍ରକୁ ଟାଣି ହୋଇଆସିଛି।  ଏମାନୁଏଲ୍‌ ମାକ୍ରୋନଙ୍କ ଦ୍ବାରା ଦିଆଯାଇଥିବା ଇସ୍‌ଲାମ୍‌ ବିରୋଧୀ ମନ୍ତବ୍ୟ ବିରୋଧରେ ପାକିସ୍ତାନ ଜାତୀୟ ପରିଷଦରେ ଏକ ପ୍ରସ୍ତାବ ପାରିତ ହୋଇଛି।

ଏହାସହ ଏହି ସମୟରେ ଅନ୍ୟ ଏକ ପ୍ରସ୍ତାବ ପାରିତ ହୋଇଛି ଯେଉଁଥିରେ ଫ୍ରାନ୍ସରେ ଥିବା ପାକିସ୍ତାନ ରାଷ୍ଟ୍ରଦୂତଙ୍କୁ ଫେରାଇଆଣିବା ପାଇଁ ପ୍ରସ୍ତାବ ରହିଛି। କିନ୍ତୁ ମଜାଦାର କଥା ହେଉଛି, ୩ ମାସ ହେଲା ଫ୍ରାନ୍ସରେ ପାକିସ୍ତାନର କୌଣସି ରାଷ୍ଟ୍ରଦୂତ ନାହାନ୍ତି। ଶେଷ ରାଷ୍ଟ୍ରଦୂତ ମୋଇନ ଉଲ ହକ୍‌ଙ୍କୁ ଚୀନ୍‌ ରାଷ୍ଟ୍ରଦୂତ ଭାବେ ବଦଳି କରିଦିଆଯାଇଛି।

ତେବେ ପାକିସ୍ତାନ ଜାତୀୟ ପରିଷଦରେ ଦିଆଯାଇଥିବା ପ୍ରସ୍ତାବକୁ ନେଇ ଇମ୍ରାନ ସରକାର ଓ ବୈଦେଶିକ ମନ୍ତ୍ରୀ ଶାହ ମହମ୍ମୁଦ କ୍ୟୁରେଶୀଙ୍କୁ ସୋସିଆଲ୍‌ ମିଡିଆରେ ଟାର୍ଗେଟ କରୁଛନ୍ତି ୟୁଜର୍ସ। କାରଣ ଫ୍ରାନ୍ସ ନିଜର ରାଷ୍ଟ୍ରଦୂତ ଫେରାଇଆଣିବା ପ୍ରସ୍ତାବ ଉପରେ ସହମତି ପ୍ରକାଶ କରିଥିଲେ ଖୋଦ କ୍ୟୁରେଶୀ। ଗୋଟିଏ ଦେଶର ବୈଦେଶିକ ମନ୍ତ୍ରୀ ହୋଇ ମଧ୍ୟ କ୍ୟୁରେଶୀ କେମିତି ଜାଣିପାରିଲେନି ପ୍ୟାରିସ୍‌ରେ କେହି ରାଷ୍ଟ୍ରଦୂତ ନାହାନ୍ତି। ଏଭଳି ପ୍ରଶ୍ନ କ୍ୟୁରେଶୀଙ୍କୁ ଲୋକେ ପଚାରୁଥିବା ବେଳେ ପାକ୍‌ ସରକାର ସଫେଇ ଦେଇ କହିଛନ୍ତି ଏକଥା ଜାଣିଥିଲେ ବି ଜାତୀୟ ପରିଷଦରେ ଉତ୍ତେଜନାକୁ ଦେଖି କ୍ୟୁରେଶୀ ଚୁପ ରହିଥିଲେ।

ପାକିସ୍ତାନ ସମେତ ବହୁ ମୁସ୍‌ଲିମ୍‌ ଦେଶ ଏବେ ଏମାନୁଏଲ୍‌ ମାକ୍ରୋନଙ୍କ ମନ୍ତବ୍ୟକୁ ଜୋରଦାର ବିରୋଧ କରୁଛନ୍ତି। ପାକିସ୍ତାନର ଅଭିଯୋଗ କ୍ରମେ ମହମ୍ମଦ ପ୍ରୋଫେଟ୍‌ଙ୍କ କାର୍ଟୁନକୁ ନେଇ ଏମାନୁଏଲ୍‌ ମାକ୍ରୋନ ଟାର୍ଗେଟ କରିଛନ୍ତି। ଏଥିରେ ଜବାବ ଦେଇ ଏମାନୁଏଲ୍‌ ମାକ୍ରୋନ ଭଭୟ ଉର୍ଦ୍ଦୁ ଓ ଇଂରାଜୀ ଭାଷାରେ ଟ୍ବିଟ୍‌ କରି ପାକିସ୍ତାନକୁ ସମାଲୋଚନା କରିଥିଲେ। ସେ ଟ୍ବିଟ୍‌ କରି କହିଥିଲେ, ଆମେ ଏଭଳି କେବେ ବି କରିନାହୁଁ। ଆମେ ଶାନ୍ତି ଓ ସଦଭାବନାକୁ ସମ୍ମାନ କରୁ। ତେବେ ଏହିସବୁ ଘଟଣା ଅକ୍ଟୋବର ୧୬ରୁ ଆରମ୍ଭ ହୋଇଛି। ଏହି ଦିନ ଜଣେ ଫ୍ରାନ୍ସ ଶିକ୍ଷକ ସାମୁଏଲ ପେଟୀଙ୍କୁ ଗଳା କାଟି ହତ୍ୟା କରାଯାଇଛି। ସାମୁଏଲ କ୍ଲାସ୍‌ରେ ପ୍ରୋଫେଟ୍‌ ମହମ୍ମଦଙ୍କ କାର୍ଟୁନ ଦେଖାଇଥିଲେ। ଏଥିରେ ଉତକ୍ଷିପ୍ତ ହୋଇ ଜଣେ ୧୮ ବର୍ଷୀୟ ଛାତ୍ର ସାମୁଏଲଙ୍କ ଗଳା କାଟି ହତ୍ୟା କରିଥିଲା।

   Related Posts