ଜମ୍ମୁକାଶ୍ମୀର ୨୭|୨: ଭାରତୀୟ ସୀମାରେ ପଶିଲା ପାକିସ୍ତାନୀ ବିମାନ । ଜାମ୍ମୁକାଶ୍ମୀର ନୌସେରା ସେକ୍ଟରରେ ଭାରତୀୟ ସୀମା ଉଲଂଘନ କରି ପଶିଲା ପାକ୍ ବିମାନ । ଭାରତୀୟ ବାୟୁସେନା ସୀମାରୁ ପାକିସ୍ତାନୀ ବିମାନକୁ ତଡି ବାହାର କରିଦେଇଛି । ଫଳରେ ଭାରତୀୟ ବାୟୁସେନାର ଜବାବୀ ହମଲା ପରେ ଫେରିଗଲା ପାକିସ୍ତାନର ବାୟୁସେନା ବିମାନ । ସେନାର ଆକ୍ସନ ପରେ ପିଓକେ ଫେରିଯାଇଥିବା ସୂଚନା ମିଳିଛି ।
ଏକ ନ୍ୟୁଜ୍ ଏଜେନ୍ସୀର ସୂଚନା ଅନୁସାରେ ପାକିସ୍ତାନୀ ବିମାନ ଭାରତୀୟ ସୀମାରେ ବମ୍ ମଧ୍ୟ ପକାଇଛି ।
ଭାରତୀୟ ବାୟୁସେନା ଦ୍ବାରା ଏୟାର ଷ୍ଟ୍ରାଇକ୍ କରାଯିବା ପରେ ପାକିସ୍ତାନ ବିଚଳିତ ହୋଇଯାଇଛି । ଭାରତର ପ୍ରତି ଜବାବ ପରେ ବିଳବିଳେଇ ଯାଇଛି ପାକିସ୍ତାନ । ଫଳରେ ଏଲଓସିରେ ଅସ୍ତ୍ର ବିରତି ଉଲଂଘନ କରିଛି ପାକିସ୍ତାନ । ଭାରତୀୟ ସେନା ଏବଂ ପାକ୍ ସେନାଙ୍କ ମଧ୍ୟରେ ଗୁଳିବିନିମୟ ହୋଇଥିଲା । ଏଥିରେ ୭ଜଣ ଭାରତୀୟ ଯବାନ ଆହତ ହୋଇଥିଲେ ।
