Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଇରଫାନଙ୍କ ପାଇଁ ପାଗଳ ଏହି ପାକିସ୍ତାନୀ ଯୁବତୀ : ଟ୍ୱିଟ କରି କହିଲେ, ୨୦୦୬ ରେ ପଠାନଙ୍କୁ ସାମ୍ନାରେ ଦେଖି…

24/05/2020 at 7:28 PM

ନୂଆଦିଲ୍ଲୀ ୨୪/୦୫ : ଭାରତୀୟ କ୍ରିକେଟ ଖେଳାଳି ଇରଫାନ ପଠାନ ସୁଇଙ୍ଗ ବୋଲିଙ୍ଗ ପାଇଁ ଦର୍ଶକଙ୍କ ବହୁତ ପ୍ରିୟ | କେବଳ ଖେଳ ପାଇଁ ନୁହେଁ, ନିଜ ଲୁକ ପାଇଁ ମଧ୍ୟ ସେ ଲୋକଙ୍କ ବହୁତ ପ୍ରିୟ, ଖାସ କରି ଯୁବତୀମାନଙ୍କର | ଇରଫାନ ଯେତେବେଳେ ଅନ୍ତରାଷ୍ଟ୍ରୀୟ କ୍ରିକେଟ ଖେଳୁଥିଲେ ସେତେବେଳେ ତାଙ୍କର ମହିଳା ଫ୍ୟାନ ଫଲୋୟର୍ସ ବହୁତ ଥିଲେ | ବର୍ତ୍ତମାନ ଇରଫାନ ଆଉ ଅନ୍ତରାଷ୍ଟ୍ରୀୟ କ୍ରିକେଟ ଖେଳୁ ନାହାନ୍ତି | କିନ୍ତୁ ପ୍ରଶଂସକ ଆଜି ମଧ୍ୟ ତାଙ୍କୁ ବହୁତ ପସନ୍ଦ କରନ୍ତି | ସୋସିଆଲ ମିଡ଼ିଆରେ ଇରଫାନଙ୍କ ମହିଳା ପ୍ରଶଂସକଙ୍କ ଦିୱାନାପନ ଦେଖିବାକୁ ମିଳେ | ଜଣେ ପାକିସ୍ତାନୀ ପ୍ରଶଂସକ ଟ୍ୱିଟରରେ ଇରଫାନଙ୍କ ସହ ହୋଇଥିବା ଏକ ସାକ୍ଷାତକାର ସମ୍ପର୍କରେ କହିଛନ୍ତି | ଇରଫାନ କିଭଳି ତାଙ୍କ ମନ ଜିତିଥିଲେ ସେ ନେଇ ପାକିସ୍ତାନୀ ଯୁବତୀ ସୋସିଆଲ ମିଡ଼ିଆରେ ବଖାଣିଛନ୍ତି |

ଯୁବତୀ ଜଣକ ଟ୍ୱିଟରରେ ଲେଖିଛନ୍ତି ଯେ, ୨୦୦୬ ମସିହାରେ ସେ ଇରଫାନଙ୍କ ପ୍ରେମରେ ପଡି ଯାଇଥିଲେ | ସେତେବେଳେ ଆବୁଧାବିରେ ଭାରତ ପାକିସ୍ତାନ ମଧ୍ୟରେ ମ୍ୟାଚ ଖେଳାଯାଉଥିଲା | ସେହି ମ୍ୟାଚ ସମୟରେ ଯୁବତୀ ଜଣକ ମଧ୍ୟ ଷ୍ଟାଡିୟମରେ ଉପସ୍ଥିତ ଥିଲେ | ମ୍ୟାଚ ଶେଷ ହେବାପରେ ଖେଳାଳି ଯେତେବେଳେ ଫେରୁଥିଲେ, ସେତେବେଳେ ସିକ୍ୟୁରିଟି ଷ୍ଟାଡିୟମ ଗେଟ ଖୋଲିଦେଇଥିଲେ | ସେତେବେଳେ ସିକ୍ୟୁରିଟିକୁ ନେଇ କୌଣସି ପ୍ରତିବନ୍ଧକ ନଥିଲା |

ଏହାର ମଉକା ଟାହି ଯୁବତୀ ଷ୍ଟାଡିୟମ ଭିତରକୁ ଚାଲିଯାଇଥିଲେ ଏବଂ ଇରଫାନ-ଇରଫାନ କହି ପାଟି କରିଥିଲେ | କେହି ତାଙ୍କ ପ୍ରତି ଧ୍ୟାନ ଦେଇନଥିଲେ | ଏଥିରେ ସେ ମନ ଦୁଃଖ କରି ଭାରତୀୟ ଡ୍ରେସିଂ ରୁମ ଆଡକୁ ଯାଇଥିଲେ ଏବଂ ପୁଣିଥରେ ପଠାନ-ପଠାନ କରି ପାଟି କରିଥଲେ | ଯୁବତୀଙ୍କ ପାଟି ଶୁଣି ସମସ୍ତ ଖେଳାଳି ହସିଥିଲେ | କିନ୍ତୁ ସେ ହାର ନ ମାନି ଏମିତି ହିଁ ପାଟି କରୁଥିଲେ | କିଛି ସମୟ ପରେ ଇରଫାନ ଡ୍ରେସିଂ ରୁମ ବାହାରକୁ ଆସି ତାଙ୍କୁ ସାକ୍ଷାତ କରିଥିଲେ | ଇରଫାନ ନିଜ ସାମ୍ନାରେ ଦେଖି ସେ ଏକଦମ ଷ୍ଟାଚ୍ୟୁ ହୋଇଯାଇଥିଲେ | ଇରଫାନ ତାଙ୍କୁ ପାଖକୁ ଡାକି ତାଙ୍କୁ ଅଟୋଗ୍ରାଫ ଦେଇଥିଲେ ଏବଂ ତାଙ୍କ ସହ ଫଟୋ ମଧ୍ୟ ଉଠାଇଥିଲେ | 

ଏହି ଘଟଣାକୁ ସେ ଜୀବନ ସାରା କେବେ ମଧ୍ୟ ଭୁଲିବେନି ବୋଲି କହିଛନ୍ତି | ଏହା ତାଙ୍କ ଜୀବନର ସବୁଠାରୁ ସୁନ୍ଦର ଓ ସ୍ମରଣୀୟ ମୁହୂର୍ତ୍ତ ଥିଲା | ନିଜ ଟ୍ୱିଟର ପେଜରେ ଯୁବତୀ ଏନେଇ ସମ୍ପୂର୍ଣ କାହାଣୀ କହିଛନ୍ତି |

   Related Posts