Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବାତ୍ୟା ଅପ୍‌ଡେଟ୍‌: ସାମ୍ଭାବ୍ୟ ବାତ୍ୟାକୁ ଦୃଷ୍ଟିରେ ରଖି ବାତିଲ୍‌ ହେଲା ଟ୍ରେନ୍‌
  • ||
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||

ବଦଳିଲା ଇତିହାସ, ଧରାଶାୟୀ ହେଲା ବିରାଟ ବାହିନୀ: ପାକିସ୍ତାନ ହାତରୁ ଭାରତର ଲଜ୍ଜାଜନକ ପରାଜୟ

24/10/2021 at 11:03 PM

ଦୁବାଇ ୨୪।୧୦: ବଦଳିଲା ଇତିହାସ ଆଉ ଭାଙ୍ଗିଲା ବିଶ୍ଵ କପର ପରମ୍ପରା। ଶେଷରେ ପାରମ୍ପରିକ ପ୍ରତିଦ୍ଵନ୍ଦ୍ଵୀ ପାକିସ୍ତାନ ହାତରୁ ଶୋଚନୀୟ ପରାଜୟ ଭୋଗିଲା ଭାରତ। ବହୁ ଆଡମ୍ବରେ ଲଘୁକ୍ରିୟା ଆଉ ୧୩୦ କୋଟି ଜନତାଙ୍କୁ ନିରାଶ କଲା ବିରାଟ ବାହିନୀ। ବିପରୀତଠୁ ସଂପୂର୍ଣ୍ଣ ଓଲଟା ପରିଣାମ ଭୋଗିଲା  ଭାରତ। ଟି-୨୦  ବିଶ୍ଵ କପ୍‌ରେ ଲଗାତାର ୫ ମୁକାବିଲା ହାରିବା ପରେ ପାକିସ୍ତାନ ଭାରତ ବିରୋଧରେ ପ୍ରଥମ ବିଜୟ ହାସଲ କରିଛି। ଦୁବାଇର ଅନ୍ତର୍ଜାତୀୟ କ୍ରିକେଟ୍ ଷ୍ଟାଡିୟମରେ ଖେଳାଯାଇଥିବା ମହାମୁକାବିାଲରେ ପାକିସ୍ତାନ ଉଭୟ ବୋଲିଂ ଏବଂ ବ୍ୟାଟିଂରେ ଅବିଶ୍ଵସନୀୟ ପ୍ରଦର୍ଶନ କରି ଭାରତକୁ ୧୦ ଓ୍ଵିକେଟ୍‌ରେ ମାତ୍ ଦେଇ ସହୟ ବିଜୟ ହାସଲ କରିଛି। ବିଜୟ ସହ ପାକିସ୍ତାନ ନିଜର ଟି-୨୦ ବିଶ୍ଵ କପ୍ ଅଭିଯାନ ଆରମ୍ଭ କରିଥିବା ବେଳେ  ପରାଜୟ ସହ ନିଜର ଅଭିଯାନ ଆରମ୍ଭ କରିଛି ଭାରତ। ଆଜିର ମ୍ୟାଚ୍ ପୂର୍ବରୁ ଭାରତ କେବେ ବି ୫୦ ଓଭର କିମ୍ବା ଟି-୨୦ ବିଶ୍ଵ କପ୍‌ରେ ପାକିସ୍ତାନଠୁ ହାରିନଥିଲା। ହେଲେ ବିରାଟଙ୍କ ନେତୃତ୍ଵାଧୀନ ଭାରତୀୟ ଦଳ ଏହି ପରମ୍ପରାକୁ ବଜାୟ ରଖିବାରେ ବିଫଳ ହୋଇଛନ୍ତି।  ଏପରିକି ପ୍ରଥମ ଥର ଭାରତ ଟି-୨୦ ବିଶ୍ଵ କପରେ ୧୦ ଓ୍ଵିକେଟ୍‌ରେ ପରାଜୟ ଭୋଗିଛି।

ପ୍ରଥମେ ବ୍ୟାଟିଂ କରି ଭାରତ ନିଜର ଖ୍ୟାତି ଅନୁରୂପ ବ୍ୟାଟିଂ କରିନ ପାରି ନିର୍ଦ୍ଧାରିତ ଓଭରରେ ୭ ଓ୍ଵିକେଟ୍ ହରାଇ ୧୫୧ ରନ କରିଥିଲା। ଦଳ ପକ୍ଷରୁ ଅଧିନାୟକ ବିରାଟ କୋହଲି ୫୭ ରନର ଇନିଂସ କରିଥିବା ବେଳେ ଋଷଭ ପନ୍ତ ୩୯ ରନ କରିଥିଲେ।  ଜବାବରେ ପାକିସ୍ତାନ ଦୁଇ ଓପନର ବାବର ଆଜମ ୬୮ ଏବଂ ରିଜଓ୍ଵାନଙ୍କ ୭୯ ଦମଦାର ଅର୍ଦ୍ଧଶତକୀୟ ଅପରାଜିତ ଇନିଂସ ବଳରେ ୧୭.୫ ଓଭରରେ ୧୦ ଓ୍ଵିକେଟ୍ ହରାଇ ସହଜରେ ବିଜୟ ଲକ୍ଷ୍ୟ ହାସଲ କରି ନେଇଛି। ଦୁଇ ଓପନର ୧୫୨ ରନ ଯୋଡି ଦଳକୁ ବିଜୟୀ କରାଇଛନ୍ତି।

୧୫୨ ରନର ବିଜୟ ଲକ୍ଷ୍ୟ ପିଛା କରିଥିବା ପାକିସ୍ତାନକୁ ଦୁଇ ଓପନର ଅଧିନାୟକ ବାବର ଆଜମ ଏବଂ ମହମ୍ମଦ ରିଜଓ୍ଵାନ ଦମଦାର ବ୍ୟାଟିଂ କରିଥିଲେ। ଉଭୟ ବ୍ୟାଟସମ୍ୟାନ ଭାରତୀୟ ବୋଲରଙ୍କୁ କୌଣସି ସୁଯୋଗ ଦେଇନଥିଲେ। ଭାରତୀୟ ବୋଲରଙ୍କୁ ନିର୍ଧୁମ ପ୍ରହାର କରିଥିଲେ। ପ୍ରଥମ ଓ୍ଵିକେଟ୍‌ରେ ଶତକୀୟ ଭାଗିଦାରୀ ଯୋଡି ବିଜୟ ସୁନିଶ୍ଚିତ କରିଥିଲେ। ଭାରତର କୌଣସି ବୋଲର ପାକିସ୍ତାନ ବ୍ୟାଟସମ୍ୟାନଙ୍କ ଉପରେ ପ୍ରଭାବ ପକାଇ ପାରିନଥିଲେ। ଏହି କ୍ରମରେ ପ୍ରଥମେ ବାବର ଏବଂ ରିଜଓ୍ଵାନ ଅର୍ଦ୍ଧଶତକ ହାସଲ କରିଥିଲେ। ବାବର ୫୨ ବଲ୍‌ରୁ ୬ ଚୌକା ଓ ୨ ଛକା ସହ ୬୮ ରନ କରିଥିବା ବେଳେ ମହମ୍ମଦ ରିଜଓ୍ଵାନ ୫୫ ବଲ୍‌ରୁ ୬ ଚୌକା ଓ ୩ ଛକା ସହ ୭୯ ରନ କରି ଅପରାଜିତ ଥିଲେ। ଅବିଭାଜିତ ପ୍ରଥମ ଓ୍ଵିକେଟ୍‌ରେ ବାବର ଆଜମ ଓ ରିଜଓ୍ଵାନ ୧୫୨ ରନ ଯୋଡିଛନ୍ତି। ଦୁଇ ଓପନରଙ୍କ ଜବରଦସ୍ତ ବ୍ୟାଟିଂରେ ପାକିସ୍ତାନ ମ୍ୟାଚ୍‌କୁ ୧୭.୫ ଓଭରରେ କୌଣସି ଓ୍ଵିକେଟ୍ ନହରାଇ ମୁକାବିଲା ଜିତି ନେଇଛି। ଭାରତ ପକ୍ଷରୁ ସମସ୍ତ ବୋଲର ମହଙ୍ଗା ସାବ୍ୟସ୍ତ ହୋଇଛନ୍ତି।

ଭାରତୀୟ ଇନିଂସ

ଓପନର ରୋହିତ ଶର୍ମା ଖାତା ଖୋଲିବା ପୂର୍ବରୁ ଆଉଟ ହୋଇଥିବା ବେଳେ ଲୋକେଶ ରାହୁଲ ୩ ରନ କରି ଆଉଟ ହୋଇଛନ୍ତି । ପରେ ବିରାଟ କୋହଲି ଅଧିନାୟକତ୍ବ ପାରି ଖେଳିଛନ୍ତି । କୋହଲି ୪୯ ବଲରୁ ୫ ଚୌକା ଏବଂ ୧ ଛକା ସହାୟତାରେ ୫୭ ରନକରି ଆଉଟ ହୋଇଛନ୍ତି । ସୂର୍ଯ୍ୟକୁମାର ଯାଦବ ୧୧ ରନ କରି ଆଉଟ ହୋଇଛନ୍ତି । ଋଷଭ ପନ୍ତ ୩୦ ବଲ ଖେଳି ୨ ଚୌକା ଏବଂ ୨ ଛକା ସହାୟତାରେ ୩୯ ରନକରି ଆଉଟ ହୋଇଛନ୍ତି । ରବୀନ୍ଦ୍ର ଜାଡେଜା ୧୩ ରନ କରି ଆଉଟ ହୋଇଛନ୍ତି । ହାର୍ଦ୍ଧିକ ପାଣ୍ଡ୍ୟା ୧୧ ରନକରି ଆଉଟ ହୋଇଛନ୍ତି । ଭୁବନେଶ୍ବର କୁମାର ୫ ରନ ଏବଂ ମହମ୍ମଦ ସାମି ୦ ରନକରି ଅପରାଜିତ ଅଛନ୍ତି ।

ପାକିସ୍ତାନ ପକ୍ଷରୁ ଦୃତ ବୋଲର ସାହୀନ ଆଫ୍ରିଦି ପ୍ରଥମରୁ ଭାରତର ୨ ଓପନରଙ୍କୁ ପ୍ୟାଭିଲିୟନ ପଠାଇଥିଲେ । ଆଫ୍ରିଦି ୪ ଓଭର ବୋଲିଂ କରି ୩୧ ରନ ଦେଇ ୩ ଓ୍ବିକେଟ ନେଇଛନ୍ତି । ସେହିଭଳି ଇମାଦ ଓ୍ବାସିମ୍‌ ୨ ଓଭରରେ ୧୦ ରନ, ହାସନ ଅଲ୍ଲୀ ୪ ଓଭରରେ ୪୪ ରନ ୨ ଓ୍ବିକେଟ, ସଦାମ ଖାନ ୪ ଓଭରରେ ୨୨ ରନ ଦେଇ ୧ ଓ୍ବିକେଟ ନେଇଛନ୍ତି । ମହମ୍ମଦ ହାଫିଜ୍‌ ୨ ସଭରରେ ୧୨ ରନ ଏବଂ ହାରିସ୍‌ ରୌଫ୍‌ ୪ ଓଭରରେ ୨୫ ରନ ଦେଇ ୧ ଓ୍ବିକେଟ ନେଇଛନ୍ତି ।  

ଟି-୨୦ ବିଶ୍ଵ କପ୍‌ରେ ଭାରତ-ପାକିସ୍ତାନ ମୁକାବିଲା

୨୦୦୭- ଭାରତ ପାକିସ୍ତାନକୁ ହରାଇଲା(ବଲ୍ ଆଉଟ୍)

୨୦୦୭- ଭାରତ ପାକିସ୍ତାନକୁ ୫ ରନରେ ହରାଇଲା(ଫାଇନାଲ୍)

୨୦୧୨- ଭାରତ ପାକିସ୍ତାନକୁ ୮ ଓ୍ଵିକେଟ୍‌ରେ ହରାଇଲା(କଲୋମ୍ବୋ)

୨୦୧୪- ଭାରତ ପାକିସ୍ତାନକୁ ୭ ଓ୍ଵିକେଟ୍‌ରେ ହରାଇଲା(ଢାକା)

୨୦୧୬- ଭାରତ ପାକିସ୍ତାନକୁ ୬ ଓ୍ଵିକେଟ୍‌ରେ ମାତ୍ ଦେଲା(କୋଲକାତା)

୨୦୨୧- ପାକିସ୍ତାନ ଭାରତକୁ ୧୦ ଓ୍ଵିକେଟ୍‌ରେ ହରାଇଲା(ଦୁବାଇ)

   Related Posts