ନୂଆଦିଲ୍ଲୀ ୧୮।୧୦: ଫାଇନାନସିଆଲ ଆକ୍ସନ ଟାସ୍କ ଫୋର୍ସ (ଏଫଏଟିଏଫ)ଙ୍କ ଗ୍ରେ ଲିଷ୍ଟରେ ରହିବ ପାକିସ୍ତାନ। ଏହି ସୂଚୀରୁ ବାହାରିବା ଲାଗି ଦିଆଯାଇଥିବା ଟାସ୍କ ପୁରଣ କରିବାରେ ପାକିସ୍ତାନ ବିଫଳ ହୋଇଛି। ଏଣୁ କଳା ତାଲିକାଭୁକ୍ତ ନ ହେଲେ ବି ଗ୍ରେ ଲିଷ୍ଟରୁ ବାହାରି ପାରିବନି ବୋଲି ସ୍ପଷ୍ଟ ହୋଇଯାଇଛି। ତେବେ ପାକିସ୍ତାନକୁ ନେଇ କଣ ନିଷ୍ପତ୍ତି ହେବ ତାହା ଏଫଏଟିଏଫଙ୍କ ଅକ୍ଟୋବର ୨୧ରୁ ଆରମ୍ଭ ହେବାକୁ ଯାଉଥିବା ୩ ଦିବସୀୟ ବୈଠକରେ ସ୍ପଷ୍ଟ ହୋଇଯିବ।
{"id":346759,"sizeSlug":"large"}ଏଫଏଟିଏଫ ପାକିସ୍ତାନକୁ ମୋଟ ୬ଟି ଦାୟିତ୍ୱ ଦେଇଥିଲେ। ହେଲେ ଏଥିରୁ ଗୋଟିଏ ବି ପୂରଣ କରିପାରିନି ପାକ୍। ଅନ୍ୟପକ୍ଷରୁ ଦେଶରୁ ଅଚାନକ ୪ ହଜାରରୁ ଅଧିକ ଆତଙ୍କବାଦୀ ଉଭାନ ହୋଇଯାଇଛନ୍ତି। ଫଳରେ ଗ୍ଲୋବାଲ ମନି ଲଣ୍ଡ୍ରିଂ ଓ ଟେରର ଫଣ୍ଡିଂ ଲାଗି ଗ୍ରେ ଲିଷ୍ଟରୁ ହଟି ନ ପାରେ ନିଶ୍ଚିତ। ଅକ୍ଟୋବର ୨୧ରୁ ୨୩ ତାରିଖ ପର୍ଯ୍ୟନ୍ତ ଏଫଏଟିଏଫ ସବ୍ ଗ୍ରୁପ ବୈଠକ ଅନୁଷ୍ଠିତ ହେବ। ଏଥିରେ ପାକିସ୍ତାନକୁ ଦିଆଯାଇଥିବା ମୁଖ୍ୟ ୬ଟି କାର୍ଯ୍ୟର ସମୀକ୍ଷା ହେବ।
{"id":346761,"sizeSlug":"large"}ଏଫଏଟିଏଫ ପାକିସ୍ତାନକୁ ମୋଟ ୨୭ଟି ୱାର୍କ ପ୍ଲାନ ଦେଇଥିଲେ। ଏଥିରୁ ୨୧ଟି ପୂରଣ କରିପାରିଛି। ତେବେ ପ୍ରମୁଖ କାର୍ଯ୍ୟ ଟେରର ଫଣ୍ଡିଂ ଓ ଗ୍ଲୋବାଲ ମନି ଲଣ୍ଡ୍ରିଂରେ ବିଫଳ ରହିଛି। ଏହା ଛଡା ଭାରତର ୨ ବାଞ୍ଛିତ ଅପରାଧି ହାଫିଜ ସଇଦ ଓ ମୌଲାନା ମାସୁଦ ଅଝହର ବିରୋଧରେ କାର୍ଯ୍ୟାନୁଷ୍ଠାନରେ ମଧ୍ୟ ବିଫଳ ରହିଛି। ପାକିସ୍ତାନର କାର୍ଯ୍ୟକଳାପରେ ବିଶ୍ୱର ୪ ପ୍ରମୁଖ ଦେଶ ଆମେରିକା, ବ୍ରିଟେନ, ଫ୍ରାନ୍ସ ଓ ଜର୍ମାନ ଅସନ୍ତୁଷ୍ଟ ଅଛନ୍ତି। ଏଣୁ ହୁଏତ ବ୍ଲାକଲିଷ୍ଟରୁ ବର୍ତ୍ତିଯାଇପାରେ କିନ୍ତୁ ଏବେବି ଗ୍ରେ ଲିଷ୍ଟରେ ରହିବା ନିଶ୍ଚିତ ବୋଲି ଅଧିକାରୀ ଆଶଙ୍କା ବ୍ୟକ୍ତ କରିଛନ୍ତି।