Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୀନରେ ଦ୍ରୁତ ବେଗରେ ବ୍ୟାପିଲା କରୋନାର ଡେଲ୍‌ଟା ଭାରିଏଣ୍ଟ, ବେଜିଂ ସହ ୧୫ ସହରରେ ଆତଙ୍କ, ଉଡାଣ ବାତିଲ୍
  • ||
  • ରାଜ୍ୟରେ ସୁସ୍ଥ ହେଲେ ଆଉ ୧୮୪୧ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୪୭୬ ଡିସଚାର୍ଜ
  • ||
  • ଲଦାଖରେ ଭାରତ-ଚୀନ ମଧ୍ୟରେ ଉତ୍ତେଜନା କେବେ ସମାପ୍ତ ହେବ ? ଡ୍ରାଗନ ସହ ୧୨ତମ ବୈଠକ ଆସନ୍ତାକାଲି
  • ||
  • ବାଂଶପାଳ : ଗାଁରେ ପଶି ଘର ଭାଙ୍ଗିଲା ଦନ୍ତା, କାନ୍ଥ ପଡି ସ୍ବାମୀ-ସ୍ତ୍ରୀ ଗୁରୁତର
  • ||
  • ରାଉରକେଲା : ଅଲୋଡା ହେଲା ନବଜାତ ଶିଶୁପୁତ୍ର, ଡଷ୍ଟବିନ୍‌ରୁ ଉଦ୍ଧାର
  • ||
  • ରାଇରଙ୍ଗପୁର : ଦୁଇ ବାଇକ୍ ମୁହାଁମୁହିଁ ଧକ୍କା, ରାସ୍ତା କଡକୁ ଛିଟିକି ପଡିଲେ ୨ ଚାଳକ : ମେଡିକାଲରେ ହେଲା ମୃତ୍ୟୁ
  • ||
  • କଟକ : ଦୁଷ୍କର୍ମକାରୀଙ୍କୁ ୧୦ବର୍ଷ ଜେଲ୍‌ ସହ ୧୦ହଜାର ଜରିମନା : ପୀଡିତାଙ୍କୁ ଦେବେ ୨ଲକ୍ଷ ଟଙ୍କାର କ୍ଷତିପୂରଣ
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ OSSC ସଦସ୍ୟଙ୍କ ପିଏସ୍ : ଜବତ ହେଲାଣି ନଗଦ ଲକ୍ଷାଧିକ ଟଙ୍କା ସହ ଫ୍ଲାଟ୍ ଆଉ ପ୍ଲଟ୍
  • ||
  • ରାୟଗଡା : ଆନ୍ଧ୍ରପ୍ରଦେଶ ଚିଙ୍ଗୁଡି ବନ୍ଧରେ ଅଘଟଣ : ବିଦ୍ୟୁତ ଆଘାତରେ ୬ ଓଡିଆ ଶ୍ରମିକଙ୍କ ମୃତ୍ୟୁ
  • ||
  • ଭୁବନେଶ୍ବର : ବଦଳିଲା ନିୟମ : ୬୩,୩୦୩ ପ୍ରାଥମିକ ଶିକ୍ଷକ ପାଇବେ ପଦୋନ୍ନତି, ରେସିଡେନ୍ସି ପିରିୟଡ୍ କମାଇଲେ ରାଜ୍ୟ ସରକାର
  • ||

ଆମେରିକାକୁ ପାକିସ୍ତାନର ଗୁହାରି: ଭାରତ ସହିତ ତିକ୍ତତା କମ କରାଇ ଦିଅନ୍ତୁ, ଆମ ପ୍ରତି ସୈନ୍ୟ ଘେରାବନ୍ଦୀର ବିପଦ ରହିଛି

12/08/2020 at 3:17 PM

ନୂଆଦିଲ୍ଲୀ ୧୨।୦୮: ପାକିସ୍ତାନ ଭାରତ ସହ ଉତ୍ତେଜନା କମ କରିବା ପାଇଁ ମଙ୍ଗଳବାର ଆମେରିକା ଠାରେ ନେହୁରା ହୋଇଛି। ପାକିସ୍ତାନର ବୈଦେଶିକ ସଚିବ ସୋହେଲ ମେହସୁଦ ଆମେରିକାର ରାଜନୈତିକ ମାମଲାର ଉପ ସଚିବ ଡେଭିଡ୍ ହେଲେଙ୍କ ସହ ଭର୍ଚୁଆଲ ଆଲୋଚନା ସମୟରେ କାଶ୍ମୀର ପ୍ରସଙ୍ଗର ସମାଧାନ ପାଇଁ ଆମେରିକାର ସହାୟତା ଲୋଡିଛନ୍ତି। ଭାରତ ପୂର୍ବରୁ ସ୍ପଷ୍ଟ ଭାବେ କହି ସାରିଛି କୌଣସି ବି ଦ୍ଵିପାକ୍ଷିକ ପ୍ରସଙ୍ଗରେ ତୃତୀୟ ପକ୍ଷର ମଧ୍ୟସ୍ଥତାର କୌଣସି ଆବଶ୍ୟକତ ନାହିଁ। ଏହା ବ୍ୟତୀତ ପାକିସ୍ତାନ ସହିତ ଆଲୋଚନା ସେ ପର୍ଯ୍ୟନ୍ତ ହେବ ନାହିଁ ଯେ ପର୍ଯ୍ୟନ୍ତ ଏହି ପଡୋଶୀ ଦେଶ ଆତଙ୍କବାଦକୁ ନିଜର ସମର୍ଥନ ଏବଂ ସଂରକ୍ଷଣ ଦେବା ବନ୍ଦ କରି ନାହିଁ।

ପାକିସ୍ତାନର ଖବର କାଗଜ ଡନର ଏକ ଖବର ଅନୁଯାୟୀ ସୋହେଲ ମେହମୁଦ ଆମେରିକାକୁ କହିଛନ୍ତି ଉତ୍ତେଜନା ବୃଦ୍ଧିକୁ ରୋକିବା ଏବଂ ଜାମ୍ମୁ-କାଶ୍ମୀର ବିବାଦର ଶାନ୍ତିପୂର୍ଣ୍ଣ ସମାଧାନ ପାଇଁ ପଦକ୍ଷେପ ନେବା ଅପରିହାର୍ଯ୍ୟ। ବିଗତ ଦିନରେ ଆତଙ୍କବାଦୀଙ୍କ ଅନୁପ୍ରବେଶ କରାଉଥିବା ପାକିସ୍ତାନ ଏହା ମଧ୍ୟ କହିଛି କାଶ୍ମୀରରେ ଭାରତର ସୈନ୍ୟ ଘେରାବନ୍ଦୀ ଓ ପାକିସ୍ତାନ ବିରୋଧରେ ଆକ୍ରମଣାତ୍ମକ ଆଭିମୁଖ୍ୟ ଶାନ୍ତି ଓ ସୁରକ୍ଷା ପାଇଁ ବିପଦ।

ଉଲ୍ଲେଖଯୋଗ୍ୟ, ଗତ କିଛି ସମୟରେ ପାକିସ୍ତାନ ଅନେକ ଥର କାଶ୍ମୀର ପ୍ରସଙ୍ଗରେ ଆମେରିକାର ହସ୍ତକ୍ଷେପ ଦାବି କରିଛି। ଇମ୍ରାନ ଖାନ ମଧ୍ୟ ଆମେରିକା ଗସ୍ତ ସମୟରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କୁ କାଶ୍ମୀର ପ୍ରସଙ୍ଗରେ ମଧ୍ୟସ୍ଥତା କରିବାକୁ ଅପିଲ୍ କରିଥିଲେ। ଟ୍ରମ୍ପ କହିଥିଲେ ଯଦି ଉଭୟ ଦେଶ ଚାହିଁବେ ତେବେ ସେ ମଧ୍ୟସ୍ଥତା କରିବାକୁ ପ୍ରସ୍ତୁତ। ହେଲେ ଭାରତ ମଧ୍ୟସ୍ଥତାକୁ ସଂପୂର୍ଣ୍ଣ ଭାବେ ଖାରଜ କରିଥିଲା। କାଶ୍ମୀରରୁ ଅନୁଚ୍ଛେଦ ୩୭୦ ଉଚ୍ଛେଦ ପରଠୁ ବିଚଳିତ ପାକିସ୍ତାନ ଏ ଦୁଆର ସେ ଦୁଆର ହେଉଛି। କାଶ୍ମୀରରେ ବିଶ୍ଵ ସମୁଦାୟରୁ ସମର୍ଥନ ନମିଳିବାରୁ ସାଉଦି ଆରବ ସହିତ ତାର ସଂପର୍କ ମଧ୍ୟ ପ୍ରଭାବିତ ହୋଇଛି।

   Related Posts