Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନିଜ ଗୋଡରେ କୁରାଢୀ ମାରିବ ପାକିସ୍ତାନ, ଭାରତ ପାଇଁ ସମସ୍ତ ଏୟାରସ୍ପେସ୍‌ ବନ୍ଦ କରିବାକୁ ଧମକ, ସହିବ କ୍ଷତି

27/08/2019 at 10:38 PM

ଇସଲାମାବାଦ .- ପାକିସ୍ତାନ ପୁଣି ନିଜ ଗୋଡରେ କୁରାଢୀ ମାରିବା ପାଇଁ ଯାଉଛି । ଏବେ ଆର୍ଥିକ କ୍ଷତି ସହୁଥିବା ବେଳେ ପୁଣି ଭାରତ ପାଇଁ ତାହାର ସମସ୍ତ ଏୟାରସ୍ପେସ୍‌ ବନ୍ଦ କରିବ ବୋଲି ଧମକ ଦେଇଛି ।ଏପରି କରି ପାକିସ୍ତାନ ଶହ ଶହ କୋଟି ଟଙ୍କାର କ୍ଷତି ସହିଥିଲା ।


କାଶ୍ମୀରରୁ ଧାରା ୩୭୦ ଉଚ୍ଛେଦ ହେବାପରେ ପାକିସ୍ତାନ ସବୁଠାରୁ ବେଶୀ ବିଚଳିତ ହୋଇଛି । ପାକିସ୍ତାନର ପ୍ରଧାନମନ୍ତ୍ରୀଙ୍କ ଠାରୁ ଆରମ୍ଭ କରି ସମସ୍ତ କ୍ୟାବିନେଟ୍‌ ମନ୍ତ୍ରୀ ଦାୟିତ୍ୱହୀନ ମନ୍ତବ୍ୟ ଦେବାରେ ଲାଗିଛନ୍ତି । ଏବେ ପାକିସ୍ତାନର ବିଜ୍ଞାନ ଓ ପ୍ରଯୁକ୍ତି ମନ୍ତ୍ରୀ ଚୌଧୁରୀ ଫବାଦ ହୁସେନ୍‌ ଭାରତ ପାଇଁ ସମସ୍ତ ଏୟାରସ୍ପେସ୍‌ ବନ୍ଦ କରିବେ ବୋଲି ଧମକ ଦେଇଛନ୍ତି।

ଏବେ ସେ ଟ୍ୱିଟ୍‌ କରି ଏହାକୁ ମୋଦୀ ଆରମ୍ଭ କରିଛନ୍ତି ଆମେ ଶେଷ କରିବୁ ବୋଲି କହିଛନ୍ତି ।
ଫବାଦ ଖାନ୍‌ ପାକ୍‌ ପ୍ରଧାନମନ୍ତ୍ରୀ ଇମରାନ୍‌ ଖାନ୍‌ ଭାରତ ପାଇଁ ଏୟାରସ୍ପେସ୍‌କୁ ସମ୍ପୂର୍ଣ୍ଣ ଭାବେ ବନ୍ଦ କରିବା ପାଇଁ ବିଚାର କରୁଛନ୍ତି ବୋଲି ଟ୍ୱିଟ୍‌ କରିଛନ୍ତି ।କେବଳ ସେତିକି ନୁହେଁ ଆଫଗାନୀସ୍ତାନ ସହ ବ୍ୟବସାୟ କରିବା ପାଇଁ ଥିବା ରାସ୍ତାକୁ ବ ବନ୍ଦ କରାଯିବ ବୋଲି ସେ ଧମକ ଦେଇଛନ୍ତି ।

   Related Posts