କାଶ୍ମୀର ୨୬/୨ : ପୁଲୱାମା ଆତଙ୍କୀ ହମଲା ପରେ ଦେଶବାସୀ ଆକ୍ରୋଶର ଶିକାର ହୋଇ ପାକିସ୍ତାନ ବିରୋଧରେ କଡା କାର୍ଯ୍ୟାନୁଷ୍ଠାନ ଦାବି କରିଥିଲେ | ପାକିସ୍ତାନକୁ ଏହି ଆତଙ୍କୀ ହମଲାର କଡା ଜବାବ ଦେବା ପାଇଁ ଦେଶବାସୀ କେନ୍ଦ୍ର ସରକାରଙ୍କୁ ଦାବି କରିଥିଲେ | ଆଜି ଭୋର ୩ଟା ବେଳେ ଭାରତୀୟ ବାୟୁ ସେନାର ଯୁଦ୍ଧ ବିମାନ ନିୟନ୍ତ୍ରଣ ରେଖା ଉଲଂଘନ କରିଛି | ଭାରତୀୟ ବାୟୁସେନା ମୁଜାଫରବାଦ ସେକ୍ଟରରେ ପଶି ବୋମା ପକାଇଛି | ଏହି ବୋମା ଵାଲାକୋଟି ଉପରେ ପଡିଥିଲା | ଏହାପରେ ପାକିସ୍ତାନ ଭାରତୀୟ ବିମାନ ଉପରକୁ ଗୋଳାବାରୁଦ ଛାଡିଥିଲା | ପାକିସ୍ତାନର ବିମାନ ଆକ୍ରମଣ ପରେ ଭରତୁଆ ଯୁଦ୍ଧ ବିମାନ ଫେରିଯାଇଥିଲା |
{"id":88802}
ପାକିସ୍ତାନୀ ସାମ୍ବାଦିକ ଅର୍ଶନଲ ସିଦ୍ଦିକି ଟ୍ୱିଟ କରି ଏକ ଭିଡିଓ ଜାରି କରିଛନ୍ତି | ଭିଡିଓରେ ପାକିସ୍ତାନ ସେନା ଭାରତୀୟ ଯୁଦ୍ଧ ବିମାନ ଉପରେ ଗୋଳାବାରୁଦ ଛାଡୁଥିବା ଦେଖିବାକୁ ମିଳିଛି | ତେବେ ଟ୍ୱିଟ କରାଯାଇଥିବା ଭିଡିଓ ପାକିସ୍ତାନର ନା କ'ଣ ତାହା ଏବେ ଯାଏଁ ସ୍ପଷ୍ଟ ହୋଇନାହିଁ |
ଭିଡିଓ ସହ ଅର୍ଶନଲ ସିଦ୍ଦିକି ଟ୍ୱିଟ କରି କହିଛନ୍ତି ଯେ, ଭାରତୀୟ ଯୁଦ୍ଧ ବିମାନ ମୁଜାଫରବାଦ ସେକ୍ଟରରେ ବୋମାମାଡ କରିଛି | ପାକିସ୍ତାନ ଭାରତୀୟ ବାୟୁସେନାକୁ ଠିକ ସମୟରେ ଏହାର ଜବାବ ଦେଇ ଗୋଳାବାରୁଦ ଆକ୍ରମଣ କରିଥିଲା ବୋଲି କହିଛନ୍ତି ସିଦ୍ଦିକି |
ସୂଚନାଯୋଗ୍ୟ ଯେ, ଭାରତ ପାକିସ୍ତାନ ସୀମାରେ ଯୁଦ୍ଧ ବିମାନ ଉଡିବା ପରେ ସୋମବାର ବିଳମ୍ବିତ ରାତିରେ ପାକିସ୍ତାନ ରଜୋରି ଏବଂ ପୁଂଛ ଜିଲ୍ଲାରେ ନିୟନ୍ତ୍ରଣ ରେଖା ପାର କରି ରାତି ସାରା ଫାଇରିଙ୍ଗ କରିଥିଲା | ଅନେକ ଜାଗାରେ ଗାଡି ମଟର ଉପରକୁ ମଧ୍ୟ ଗୁଳି ବର୍ଶଣ କରାଯାଇଥିଲା |
ସୂଚନାଯୋଗ୍ୟ ଯେ, ପୁଲୱାମା ଆତଙ୍କୀ ହମଲା ପରେ ଭାରତ ପାକିସ୍ତାନକୁ ସମସ୍ତ ଦେଶ ଠାରୁ ଅଲଗା କରିବା ପାଇଁ କୂଟନୀତି କରିଥିଲା |