Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ଖେଳ ବଦଳାଇ ଦେବ ତିକ୍ତତା, ଭାରତରେ ଖେଳିବାକୁ ଆସିବେ ପାକିସ୍ତାନୀ କ୍ରିକେଟର

17/04/2021 at 1:17 PM

ନୂଆଦିଲ୍ଲୀ ୧୭/୦୪: କ୍ରିକେଟପ୍ରେମୀଙ୍କ ପାଇଁ ଖୁସି ଖବର । ଏବେ ଭାରତରେ କ୍ରିକେଟ୍ ଖେଳିପାରିବେ ପାକିସ୍ତାନ ଖେଳାଳି। ଚଳିତ ବର୍ଷ ଅକ୍ଟୋବର –ନଭେମ୍ବର ମାସରେ ହେବାକୁ ଥିବା ଆଇସିସି ଟି-୨୦ ବିଶ୍ୱକପ୍ ପାଇଁ ଭାରତ ଆସିବାକୁ ପାକିସ୍ତାନ ଖେଳାଳିଙ୍କୁ ଭାରତ ଭିସା ପ୍ରଦାନ କରିବ। ଏନେଇ ଶୁକ୍ରବାର ହୋଇଥିବା ଭର୍ଚୁଆଲ୍ ମିଟିଂରେ ଏପେକ୍ସ କାଉନ୍‌ସିଲ୍‌କୁ ସୂଚନା ଦେଇଛି ଭାରତୀୟ କ୍ରିକେଟ୍ କଣ୍ଟ୍ରୋଲ୍ ବୋର୍ଡ ବା ବିସିସିଆଇ। ବୋର୍ଡର ସଚିବ ଜୟ ଶାହ ନିଜେଏହି ସୂଚନା ଦେଇଛନ୍ତି ।

ଟି୨୦ ବିଶ୍ୱକପ୍ ପାଇଁ ପାକସ୍ତାନ ଖେଳାଳିଙ୍କୁ ଭିସା ଦେବାକୁ ଭାରତ ସରକାର ରାଜି ହୋଇଛନ୍ତି । ତେବେ ପାକିସ୍ତାନୀ ଫ୍ୟାନଙ୍କୁ ଭିସା ଦିଆଯିବ ନା ନାହିଁ ତାହା ସ୍ପଷ୍ଟ ହୋଇନାହିଁ। ତେବେ ଖୁବ୍‌ଶୀଘ୍ର ଏନେଇ ନିଷ୍ପତ୍ତ ନିଆଯିବ। ବିସିସିଆଇ ବରିଷ୍ଠ ଅଧିକାରୀଙ୍କ କହିବାନୁସାରେ, ଟି-୨୦ ବିଶ୍ୱକପ୍‌ ଆଇସିସିର ଇଭେଣ୍ଟ । ସରକାର ପାକିସ୍ତାନ ଖେଳାଳି ଓ ମିଡିଆ କର୍ମୀଙ୍କୁ ଭିସା ଦେବାକୁ ରାଜି ହୋଇଛନ୍ତି।

ବିସିସିଆଇର ନିଷ୍ପତ୍ତି ପୂର୍ବରୁ ପାକିସ୍ତାନ ଖେଳାଳିଙ୍କୁ ଭିସା ପ୍ରଦାନ ନେଇ ପାକିସ୍ତାନ କ୍ରିକେଟ କଣ୍ଟ୍ରୋଲ ବୋର୍ଡ (ପିସିବି) ବିସିସିଆଇକୁ ଅଲ୍‌ଟିମେଟମ୍ ଦେଇଥିଲା। ମାର୍ଚ୍ଚ ୩୧ ତାରିଖ ସୁଦ୍ଧା ଭିସା ଦେବା ନେଇ ଭାରତ ସ୍ପଷ୍ଟ କରୁ ବୋଲି ପିସିବି କହିଥିଲା। ଏହାପରେ ଏପ୍ରିଲ ୧ ତାରିଖରେ ଆଇସିସି ବୈଠକ କରି ମାସକ ଭିତରେ ବିବାଦର ସମାଧନ ହେବ ବୋଲି କହିଥିଲା। ପରିଣାମ ସ୍ୱରୂପ ପାକିସ୍ତାନ ଖେଳାଳିଙ୍କୁ ଭିସା ଦେବାକୁ ଭାରତ ରାଜି ହୋଇଛି ବୋଲି କୁହାଯାଉଛି।

ଟି୨୦ ବିଶ୍ୱକପ୍‌ ପାଇଁ ବିସିସିଆଇ ୯ଟି ଭେନ୍ୟୁ ସ୍ଥିର କରିଛି। ଫାଇନାଲ ମୁକାବିଲା ଅହମଦାବାଦର ନରେନ୍ଦ୍ର ମୋଦି ଷ୍ଟାଡିୟମ୍‌ରେ ଖେଳାଯିବାକୁ ଥିବା ବେଳେ ଦିଲ୍ଲୀ, ମୁମ୍ବାଇ, ଚେନ୍ନାଇ, ବେଙ୍ଗାଲୁରୁ, ହାଇଦ୍ରାବାଦ, ଧର୍ମଶାଳା, କୋଲକାତା ଓ ଲକ୍ଷ୍ନୌରେ ମ୍ୟାଚ୍ ଖେଳାଯିବାର କାର୍ଯ୍ୟକ୍ରମ ରହିଛି।

ସୂଚନାଯୋଗ୍ୟ, ୨୦୧୬ରେ ଭାରତରେ ଟି-୨୦ ବିଶ୍ୱକପ୍ ଖେଳିବାକୁ ସୁଯୋଗ ପାଇଥିଲେ ପାକିସ୍ତାନୀ ଖେଳାଳି। ଏଥିରେ ପାକିସ୍ତାନ ଭାରତରେ ମାତ୍ର ୪ଟି ମ୍ୟାଚ୍ ଖେଳିଥିଲା।

   Related Posts