ନୂଆଦିଲ୍ଲୀ ୯।୯- ଭାରତ ବିରୋଧି ଅଭିଯାନରେ ବିଶ୍ବସମୁଦାୟ ପାଖରୁ ନିରାଶ ହେବା ପରେ ପାକିସ୍ତାନ ଏବେ ଆତଙ୍କବାଦୀଙ୍କ ଶରଣରେ ପଶିଛି । ଜୈଶ -ଏ-ମହମ୍ମଦର ମୁଖ୍ୟ ମାସୁଦ ଆଝାରକୁ ପାକିସ୍ତାନ ଜେଲରୁ ଛାଡିଦେଇଛି । କଡା ସୁରକ୍ଷା ମଧ୍ୟରେ ଏହି ଆତଙ୍କବାଦୀଙ୍କୁ ଜେଲରୁ ଛାଡିଛି ପାକିସ୍ତାନ । ସେପଟେ ଦେଶର ଦକ୍ଷିଣ ଉପକୂଳରେ କେତେକ ପରିତ୍ୟକ୍ତ ବୋଟ୍ ମିଳିଥିବାରୁ ସେହିବାଟ ଦେଇ କେତେକ ଆତଙ୍କବାଦୀ ଭାରତରେ ପଶିଥିବା ଆଶଙ୍କା କରାଯାଉଛି । ସେପଟେ ଜେନିଭାରେ ମୁହାଁମୁହିଁ ହୋଇଛନ୍ତି ଦୁଇ ଦେଶ।
{"id":155404}
ଏଣ୍ଡୁଆ ଦଉଡ଼ି ଶିଜୁ ବୁଦାକୁ ପାକ୍ ପ୍ରଧାନମନ୍ତ୍ରୀ ଦୌଡ଼ି ଦୌଡ଼ି ଜୈଶ ପାଖକୁ। ଚାରିଆଡୁ ନିରାଶ ହେଲା ପାକିସ୍ତାନ ଆଉ ଶେଷରେ ଆତଙ୍କବାଦୀଙ୍କ ଶରଣରେ ହିଁ ପଶିଲା। ଯାହା ଅନୁମାନ କରାଯାଉଥିଲା। ଜୈଶ -ଏ-ମହମ୍ମଦର ମୁଖ୍ୟ ମାସୁଦ ଆଝାରକୁ ଜେଲ୍ରୁ ଖଲାସ କଲା ପାକିସ୍ତାନ । ପ୍ରଶ୍ନ ଉଠୁଛି କାହିଁକି ମାସୁଦ୍ ଆଝାରକୁ ଛାଡିଲା ପାକିସ୍ତାନ ? ଭାରତ ଭିତରେ ମାସୁଦ୍ ଦ୍ବାରା କୌଣସି ଆତଙ୍କୀ ଯୋଜନାକୁ କାର୍ଯ୍ୟକାରୀ କରିବାକୁ ଏଭଳି କରିଛି କି ପାକିସ୍ତାନ
{"id":155405}
ସେପଟେ ଦେଶରେ ସମ୍ଭାବ୍ୟ ଆତଙ୍କବାଦୀ ଆକ୍ରମଣ ନେଇ ଆସିଛି ଗୁଇନ୍ଦା ରିପୋର୍ଟ । କାରଣ ଦକ୍ଷିଣ ଉପକୂଳ ଦେଇ କେତେକ ଆତଙ୍କବାଦୀ ପଶିଥିବା ଖବର ଆସିଛି । ସାର କ୍ରିକ୍ ଠାରେ କିଛି ପରିତ୍ୟକ୍ତ ଡଙ୍ଗା ମିଳିଥିବାରୁ ସେହିବାଟ ଦେଇ ଆତଙ୍କବାଦୀ ଦେଶକୁ ପଶିଥିବା ସଂଦେହ କରାଯାଉଛି । ତେଣୁ ଦେଶର ଦକ୍ଷିଣ ଭାଗରେ ଏଥିପାଇଁ ସେନାକୁ ଆଲର୍ଟ ରଖାଯାଇଛି । ସେହିଭଳି କୁପୱାରା ଅଞ୍ଚଳରେ କେତେକ ଆତଙ୍କବାଦୀ ପଶୁଥିବା ବେଳେ ଏହାକୁ ପଣ୍ଡ କରିଛି ଭାରତୀୟ ସେନା । ଯାହା ଭିଡିଓ ଜାରି କରିଛି ଭାରତୀୟ ସେନା । ଦେଖନ୍ତୁ ଏ ହେଉଛି ସେହି ଭିଜୁଆଲ। ଏଠାରେ ପାକିସ୍ତାନ ପତାକା ଉଡୁଛି। ଆଉ ଏଲଓସି ପାଖରେ ହିଁ ପଡ଼ିଛି ଆତଙ୍କବାଦୀ ଯେଉଁମାନଙ୍କୁ ପାକିସ୍ତାନର ବର୍ଡର ଆକ୍ସନ ଟିମ୍ ପଠାଇଥିଲା। ୪ଟି ମୃତ ଶରୀର ପଡ଼ିଛି।
{"id":155406}
ସେପଟେ ଜେନେଭାରେ ଜାତିସଂଘ ସାଧାରଣ ପରିଷଦ ବୈଠକରେ କାଶ୍ମୀର ପ୍ରସଙ୍ଗ ଉଠିଛି। ଜାତିସଂଘର ମାନବାଧିକାର ମୁଖ୍ୟ କାଶ୍ମୀର ପ୍ରସଙ୍ଗରେ ଚିନ୍ତା ପ୍ରକଟ କରିଛନ୍ତି । କାଶ୍ମୀରରେ ଲାଗିଥିବା କର୍ଫ୍ୟୁ କୋହଳ କରିବା ସହ ଲୋକଙ୍କ ଅଧିକାରୀକୁ ସମ୍ମାନ ଦେବାକୁ ଭାରତକୁ ଅପିଲ୍ କରିଛନ୍ତି ।
{"id":155407}
ତେବେ ପାକିସ୍ତାନର ହୀନ ଚକ୍ରାନ୍ତର ଜବାବ ଦେବାକୁ ଯାଉଛି ଭାରତ । ପାକିସ୍ତାନର ପୂର୍ବତନ ଭାରତୀୟ ରାଷ୍ଟ୍ରଦୂତ ଅଜୟ ବିସରିଆ ଏବଂ ବୈଦେଶିକ ମନ୍ତ୍ରାଳୟ ସଚିବ ଙ୍କ ସହ ବିଭିନ୍ନ ଦେଶର ପ୍ରତିନିଧି ଏକାଠି ଆଲୋଚନା କରିଛନ୍ତି ।
{"id":155408}
ବିଶେଷକରି କାଶ୍ମୀରରେ ମାନବାଧିକାର ଉଲଂଘନ ହେଉଥିବା ନେଇ ପାକିସ୍ତାନ ଯେଉଁ ଅପପ୍ରଚାର ଚଳାଉଛି ସେନେଇ ବୈଠକରେ ଆଲୋଚନା ହୋଇଛି । ସେପଟେ ଜାତିସଂଘ ଜେନିଭା ବୈଠକ ସାମ୍ନାରେ ବିକ୍ଷୋଭ କରିଛନ୍ତି ବେଲୁଚ ନାଗରିକ। ବେଲୁଚିସ୍ତାନରେ ପାକିସ୍ତାନ ମାନବାଧିକାର ଉଲ୍ଲଂଘନ କରୁଥିବା ନେଇ ସେମାନେ ବିକ୍ଷୋଭ କରିଛନ୍ତି।
