Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସାଲେପୁର : ଷଣ୍ଢକୁ ଧକ୍କା ଦେବା ପରେ ହୁତୁ ହୁତୁ ହୋଇ ଜଳିଲା କାର୍, ଅଳ୍ପକେ ବର୍ତ୍ତିଲେ ୪ ଜଣ
  • ||
  • ଭୁବନେଶ୍ବର : ‘ପରୀ’ ହତ୍ୟାକାରୀକୁ ଧରାଇଦେଲେ ମିଳିବ ଲକ୍ଷେ ଟଙ୍କା
  • ||
  • ନୟାଗଡ : ଘର ବାଡିପଟୁ ମିଳିଲା ବୃଦ୍ଧଙ୍କ ମୃତଦେହ, ମୁଣ୍ଡ ଏବଂ ମୁହଁରେ ରହିଛି କ୍ଷତଚିହ୍ନ, ହତ୍ୟା ସନ୍ଦେହ
  • ||
  • ଯାଜପୁର : ଭୟାବହ ଅଗ୍ନିକାଣ୍ଡ, ୧୨ ବଖରା ଘର ସହ ଜଳିଗଲା ଲକ୍ଷାଧିକ ଟଙ୍କାର ସୁନା ଗହଣା
  • ||
  • ଢେଙ୍କାନାଳ : ବାଇକ୍‌କୁ ଧକ୍କା ଦେଲା କାର୍, ଆରୋହୀ ପିଟିହେଲେ ଟ୍ରକ୍‌ରେ, ଚାଲିଗଲା ଜୀବନ
  • ||
  • ନିଆଳି : ଭାରସାମ୍ୟ ହରାଇ ନାଳକୁ ଖସିପଡିଲା ଟ୍ରକ୍ : ଜଣେ ମୃତ, ଦୁଇ ଗୁରୁତର
  • ||
  • ମୁନିଗୁଡା : ଅପରେସନ୍ ଗ୍ରୀନ୍ କ୍ଲିନ୍, ୫ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଢେଙ୍କାନାଳ : ଚାଷୀଙ୍କୁ କଚାଡି ମାରିଲା ଦନ୍ତା, କ୍ଷତିପୂରଣ ଦାବିରେ ସ୍ଥାନୀୟ ଲୋକଙ୍କ ରାସ୍ତା ଅବରୋଧ
  • ||
  • ହରିୟାଣାର ସ୍ୱାସ୍ଥ୍ୟ ମନ୍ତ୍ରୀ କୋରୋନା ପଜିଟିଭ୍‌ ଚିହ୍ନଟ, ‘କୋଭାକ୍ସିନ୍‌’ର ପରୀକ୍ଷାମୂଳକ ଟିକା ନେଇଥିଲେ ଅନିଲ ଭିଜ୍‌
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||

ଭାରତକୁ ଯୁଦ୍ଧ ଧମକ ଦେଉଥିବା ପାକ୍ ଏବେ ମୁହାଁଇଛି ଗୃହ ଯୁଦ୍ଧକୁ , ଜାଣନ୍ତୁ କାରଣ

1/09/2019 at 3:56 PM

ଇସ୍ଲାମାବାଦ : କାଶ୍ମୀର ପ୍ରସଙ୍ଗରେ ଭାରତକୁ ଯୁଦ୍ଧ ଧମକ ଦେଉଥିବା ପାକିସ୍ତାନ ଏବେ ଗୃହଯୁଦ୍ଧ ଆଡକୁ ମୁହାଁଇଛି। ଅନ୍ତର୍ଜାତୀୟ ମୁଦ୍ରାପାଣ୍ଠିରୁ ଋଣ ଆଣି ଦେଶର ବଜେଟ କରିଥିବା ଇମ୍ରାନ ସରକାର କିଛି ସମୟ ପୂର୍ବରୁ ରାଜକୋଷ ମଜଭୁତ କରିବା ଲାଗି ଜନତାଙ୍କ ସମର୍ଥନ ଲୋଡିଥିଲେ। ଏଥିଲାଗି ଲୋକଙ୍କୁ ନିଜର ସମ୍ପତ୍ତି ଓ ଆୟ ଘୋଷଣା କରିବାକୁ ଚାପ ପକାଇବା ସହ ସରକାର ନିଜେ ବି ଖର୍ଚ୍ଚକାଟ କରିଥିଲେ। ହେଲେ ଭାରତ ସରକାର ଯେମିତି ସମ୍ବିଧାନର ଅନୁଚ୍ଛେଦ ୩୭୦ ପ୍ରତ୍ୟାହାର କରିଛନ୍ତି ପାକ୍ ସରକାର ନିଜ କଥା ଭୁଲି କାଶ୍ମୀର ପଛରେ ପଡିଯାଇଛନ୍ତି।

ମୁଦ୍ରାପାଣ୍ଠିରୁ ପାକ୍ ଆଣିଥିବା କରଜ ଅର୍ଥର ଏକ ବୃହତ୍ତ ଅଂଶ ଏବେ ସେନା ଓ ସରକାର ମିସି ଚଳୁ କରିସାରିଲେଣି। ପରିସ୍ଥିତି ଏପରି ଯେ ଖୋଦ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ବକେୟା ବିଦ୍ୟୁତ ବିଲ ବି ପୈଠ ହୋଇପାରୁନି। ଏଥିରୁ ଦେଶରେ ଉପୁଜିଥିବା ପରିସ୍ଥିତିରୁ ଜନତାଙ୍କ ଧ୍ୟାନ ହଟାଇବାକୁ ଇମ୍ରାନ ସରକାର ଓ ତାଙ୍କ ମନ୍ତ୍ରୀମାନେ କାଶ୍ମୀର ରାଗ ଗାଇଚାଲିଛନ୍ତି। ପାକ୍ ର ଜନତା ବୁଝନ୍ତିନି କାଶ୍ମୀର ଅନୁଚ୍ଛେଦ ୩୭୦ କଣ ? ହେଲେ ସରକାର କହିଛନ୍ତି ଏଣୁ ଶୁକ୍ରବାର ନମାଜ ପରେ ମସଜିଦ ବାହାରେ ଏବେ ଅଧଘଣ୍ଟା ଟହଲୁଛନ୍ତି। ହେଲେ ଏଥିରୁ କ’ଣ ହେବ ତାହା ବି ସେମାନେ ଜାଣନ୍ତି ନାହିଁ।

ଏହା ଛଡା ଭାରତ ସହ ଦ୍ୱିପାକ୍ଷିକ ବ୍ୟବସାୟିକ ସମ୍ପର୍କ ଛିନ୍ନ ହେବା ପରେ ସରକାର ବିପୁଳ ସୀମାଶୁଳ୍କ ହରାଇଛନ୍ତି। ଅନ୍ୟପଟେ ତ୍ରୁଟିପୁର୍ଣ୍ଣ ନିଷ୍ପତ୍ତି ଯୋଗୁ  ଭାରତ ସହ କାରବାର କରୁଥିବା ବ୍ୟବସାୟ ପ୍ରତିଷ୍ଠାନମାନଙ୍କରେ ତାଲା ଝୁଲିଛି। ଫଳରେ ଏହି ସବୁ ପ୍ରତିଷ୍ଠାନ ଦ୍ୱାରା ପ୍ରତ୍ୟକ୍ଷ ଓ ପରୋକ୍ଷରେ ଭରସା କରୁଥିବା ହଜାର ହଜାର ଲୋକେ ଏବେ ବେକାର ହୋଇଯାଇଛନ୍ତି। ଏଥିରେ ସରକାର କାଶ୍ମୀର ପ୍ରସଙ୍ଗ ନାମରେ  ଜନତାଙ୍କ ସମସ୍ୟାକୁ ଏକରକମ ଆଖିବୁଜିଦେଇଛନ୍ତି। ପ୍ରସଙ୍ଗରେ ସରକାରଙ୍କୁ ଏବେ ସେନା ସାଥ ଦେବା ପରିସ୍ଥିତିକୁ ଅଧିକ ଜଟିଳ କରିଛି।

ଗୋଟିଏ ପଟେ ବର୍ଦ୍ଧିତ ଦରବୃଦ୍ଧି ତ ଆଉ ଗୋଟିଏପଟେ ବେକାରୀ ସମସ୍ୟାରେ ଘେରିଯାଇଛନ୍ତି  ପାକିସ୍ତାନ ନାଗରିକ। ଏପର୍ଯ୍ୟନ୍ତ ନାଗରିକଙ୍କୁ ଅବହେଳା କରି ସେନା ଓ ଆତଙ୍କବାଦକୁ ପ୍ରାଥମିକତା ଦେଉଥିଲେ ପାକ୍ ସରକାର । ହେଲେ ସରକାର ଏବେ ନିଜ ଜାଲରେ ନିଜେ ପଡିଯାଇଛନ୍ତି। ଏଣୁ ସବୁଆଡୁ ବିଫଳ ସରକାର  କେତେବେଳେ ଜନ ଆକ୍ରୋଶର ଶିକାର ନ ହେବ ତାହା କହି ହେଉ ନାହିଁ।

   Related Posts