ଇସାଲାମବାଦ- ଭାରତ ପୁଲଓ୍ଵମା ଘଟଣାକୁ ନେଇ ଦୋଷ ଦେବା ଅନୁଚିତ । ପାକିସ୍ତାନ ପୁଲଓ୍ଵମା ଘଟଣାର କିଛି ହାତ ନାହିଁ । ବିନା ପ୍ରମାଣରେ ପାକିସ୍ତାନ ଉପରେ ଦୋଷ ଲଦିବା ଆଦୌ ଠିକ ନୁହେଁ ବୋଲି ପାକିସ୍ତାନର ମେଜର ଜେନେରାଲ କହିଛନ୍ତି ।
ସେ ଏକ ପ୍ରେସ୍ ବିଜ୍ଞପ୍ତିରେ ପୁଲଓ୍ଵମା ଘଟଣାର ପ୍ରତ୍ୟୁତ୍ତର ରଖିଛନ୍ତି । ସେ କହିଛନ୍ତି ଭାରତ ପାଖରେ କିଛି ପ୍ରମାଣ ନ ଥାଇ ଏଭଳି ଦୋଷ ଦେବା ଆଦୌ ଠିକ୍ ନୁହେଁ । ଭାରତ ଯଦି ଏହି ଘଟଣା ଆଳରେ ଯୁଦ୍ଧ କରିବାକୁ ଚେତାବନୀ ଦିଏ, ଆମେ ବି ଜବାବ ଦେବାକୁ ପ୍ରସ୍ତୁତ ଅଛୁ । କାରଣ ପାକିସ୍ତାନ ଭାରତର ନାଲି ଆଖିକୁ ଡ଼ରେ ନାହିଁ, ଯଦି ସାହସ ଅଛି ଆତଙ୍କୀ ସହ ପାକିସ୍ତାନର ହାତ ଅଛି ବୋଲି ପ୍ରମାଣ କରିବା ଦରକାର ।
ପାକିସ୍ତାନର ମେଜର ଜେନେରାଲ ଗଫୁର ସାମ୍ବାଦିକ ସମ୍ମିଳନୀରେ ଯୋଗଦେଇ ନିଜ ଦେଶ ଉପରୁ ଦୋଷ ଛଡ଼ାଇବାକୁ ଚାହିଁଛନ୍ତି । କିନ୍ତୁ ପାକିସ୍ତାନର ଆଭିମୁଖ୍ୟ ସାରାବିଶ୍ଵ ଜାଣିଥିବାବେଳେ ମେଜର ଜେନେରାଲଙ୍କର ଏହିକଥା ମଧ୍ୟ ସମସ୍ତଙ୍କୁ ଚକିତ କରୁଛି ।
ସଂଯୁକ୍ତ ରାଷ୍ଟ୍ରସୁରକ୍ଷା ପରିଷଦର ଚେତାବନୀ ଦ୍ଵାରା ପାକିସ୍ତାନ ନିଜର ସ୍ଵର ନରମ ରଖିବା ବେଳେ ମେଜର ଜେନେରାଲଙ୍କ ବକ୍ତବ୍ୟ ପାକିସ୍ତାନର ସଂପୃକ୍ତି ପ୍ରତି ଅଙ୍ଗୁଳି ନିର୍ଦ୍ଦେଶ କରୁନାହିଁ ତ ?