Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ଫସର ଫାଟିଲା ପାକିସ୍ତାନର ଆଉ ଏକ ଷଡଯନ୍ତ୍ର, ଭାରତ ବିରୋଧରେ ପାକ୍‌ର ହାତ ଛାଡିଲେ ମାଳଦ୍ୱୀପ ଓ ୟୁଏଇ

28/05/2020 at 6:03 PM

ନୂଆଦିଲ୍ଲୀ, ୨୮|୦୫: ଭାରତ ବିରୋଧରେ ପାକିସ୍ତାନର ଶତଚେଷ୍ଟା ବିଫଳ ହେବାରେ ଲାଗିଛି । ସଂଯୁକ୍ତ ରାଷ୍ଟ୍ରରେ ଇସଲାମୋଫୋବିଆ ଉପରେ ଇସଲାମିକ ସହଯୋଗ ସଙ୍ଗଠନର ରାଜଦୂତଙ୍କୁ ନେଇ ଏକ ଅନଔପଚାରିକ ସଙ୍ଗଠନ ପ୍ରସ୍ତୁତ କରିବାକୁ ପାକିସ୍ତାନର ପ୍ରସ୍ତାବକୁ ମୁସଲିମ ଦେଶମାନେ ଖାରଜ କରିଦେଇଛନ୍ତି ।

ପାକିସ୍ତାନ ଖବରକାଗଜ ଦି ଡନର ଏକ ରାଜନୈତିକ ସୂତ୍ରାନୁସାରେ, ସଂଯୁକ୍ତ ରାଷ୍ଟ୍ରରେ ପାକିସ୍ତାନର ସ୍ଥାୟୀ ପ୍ରତିନିଧି ମୁନୀର ଆକ୍ରମ ଇସଲାମିକ ସହଯୋଗ ସଙ୍ଗଠନର ପ୍ରତିନିଧିଙ୍କ ବୈଠକରେ ଇସଲାମୋଫୋବିଆ ପ୍ରସଙ୍ଗ ଉଠାଇବା ସହ ଆଉ ଏକ ସଙ୍ଗଠନ କରିବାକୁ ଦାବି କରିଥିଲା । କିନ୍ତୁ ୟୁଏଇ ଓ ମାଳଦ୍ୱୀପ ପାକିସ୍ତାନର ପ୍ରସ୍ତାବକୁ ଖାରଜ କରିଦେଇଛନ୍ତି ।

ଏହା ଇସଲାମିକ ସଦସ୍ୟ ଦେଶଙ୍କର ଏକ ନିୟମିତକ ବୈଠକ ଥିଲା । ପାକିସ୍ତାନୀ ରାଷ୍ଟ୍ରଦୂତ ଭାରତୀୟ ମୁସଲମାନ ଓ କାଶ୍ମୀରକୁ ନେଇ ଚିନ୍ତା ବ୍ୟକ୍ତ କରିବା ସହ ବିଜେପି ସରକାର ବିରୋଧରେ ବର୍ଷିଥିଲେ । ଏପରିକି ସେ ଭାରତ ବିରୋଧରେ ଅନ୍ୟ ଇସଲାମିକ ଦେଶକୁ ଉସକାଇଥିଲେ । ଏପରିକି ଇସଲାମୋଫୋବିଆକୁ କାଉଣ୍ଟର୍ କରିବା ପାଇଁ ଆଉ ଏକ ସଙ୍ଗଠନ କରିବାକୁ ପ୍ରସ୍ତାବ ଦେଇଥିଲେ ।

ମାଳଦ୍ୱୀପ ପାକିସ୍ତାନକୁ ଖୋଲଖୋଲି ଭାବେ ବିରୋଧ କରିଥିଲା । ମାଳଦ୍ୱୀପ ଗଣମାଧ୍ୟମ ଅନୁସାରେ, ଦେଶର ରାଷ୍ଟ୍ରଦୂତ ଥିଲମିଜା ହୁସେନ ପାକିସ୍ତାନର ଭାରତ ବିରୋଧି ମନୋଭାବକୁ ବିରୋଧ କରିବା ସହ ଦିଲ୍ଲୀ ବିରୋଧରେ ଅଭିଯୋଗ କରିବା ଅନୁଚିତ ବୋଲି କହିଥିଲେ । ଏହାଦ୍ୱାରା ଦକ୍ଷିଣ ଏସିଆର ଧାର୍ମିକ ସୌହାର୍ଦ୍ଦତା କ୍ଷୁର୍ଣ୍ଣ ହେବ ବୋଲି ସେ କହିଥିଲେ ।

ସେହିପରି ୟୁଏଇ ରାଷ୍ଟ୍ରଦୂତ ମଧ୍ୟ ପାକିସ୍ତାନର ପ୍ରସ୍ତାବକୁ ଖାରଜ କରିଦେଇଥିଲେ । ଏହା ପାକିସ୍ତାନକୁ ଏକ ବଡ ଝଟକା ଦେଇଛି । ଫଳରେ ପାକିସ୍ତାନର ଭାରତ ବିରୋଧି ଆଉ ଏକ ଚାଲ ଫସର ଫାଟିଛି ।

   Related Posts