Sunday, September 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅତି ଭୟରେ ରହିଛି ପାକିସ୍ତାନ, ପିଓକରେ ପାକସେନାର ସବୁଠାରୁ ବଡ ପଦାତିକ ବ୍ରିଗେଡକୁ ମୁତୟନ କଲା

ଶ୍ରୀନଗର/ନୂଆଦିଲ୍ଲୀ – ପାକିସ୍ତାନ ଏବେ ଅତି ଭୟାବସ୍ଥାରେ ରହିଛି। ବାରମ୍ବାର ଯୁଦ୍ଧର ଧମକ ଦେଉଥିବା ପାକିସ୍ତାନ ଅବସ୍ଥା ସାଂଘାତିକ । କାଳେ ଭାରତ ପୁଣି ସର୍ଜିକାଲ ଷ୍ଟ୍ରାଇକ୍‌ କିମ୍ବା ଏୟାର ଷ୍ଟ୍ରାଇକ୍‌ କରିଦେବ ସେହି ଭୟରେ ରହିଛି ପାକିସ୍ତାନ । ସୀମା ନିକଟରେ ପାକିସ୍ତାନ ସେନାକୁ ମୁତୟନ କରିବା ସହ ଏହା ଅସ୍ତ୍ରଶସ୍ତ୍ର ଠୁଳ କରିଥିଲା । ଏବେ ପାକିସ୍ତାନ ସେନାର ସବୁଠାରୁ ବଡ ଇନଫିଣ୍ଟ୍ରି ବ୍ରିଗେଡ୍‌ ବା ପଦାତିକ ସେନାକୁ ମୁତୟନ କରିଛି ।

ଏବେ ପାକ ଅଧିକୃତ କାଶ୍ମୀରରେ ବିଭିନ୍ନ ଶିବିରରେ ଆତଙ୍କବାଦୀମାନଙ୍କୁ ରଖାଯାଇଛି।ସେମାନଙ୍କୁ ଅନୁପ୍ରବେଶ କରାଇବା ପାଇଁ ପାକିସ୍ତାନ ଉଦ୍ୟମ କରୁଛି । ଏବେ ପାକିସ୍ତାନ ଅଧିକୃତ କାଶ୍ମୀରରେ ୧୨ ଟି ପଦାତିକ ସେନାର ବ୍ରିଗଡ ବା ୧୨ ଇନଫ୍ଟାଣ୍ଟ୍ରିକୁ ମୁତୟନ କରିଥିବା ସୂଚନା ମିଳିଛି । ଏହା ପାକିସ୍ତାନର ସବୁଠାରୁ ବଡ ଇନଫିଣ୍ଟ୍ରି ବ୍ରିଗେଡ୍‌ ।
ପାକିସ୍ତାନ ସେନାର ୬ ପିଓକେ ବ୍ରିଗେଡ୍‌ ପିଓକେ ଅସ୍ତ୍ରଶସ୍ତ୍ର, ଗୋଳା ବାରୁଦ ଓ ଖାଦ୍ୟ ଏକାଠି କରି ରଖିଛନ୍ତି । ପିଓକେର ହାଜିରା, ନିକିୟାଲ, ସମାନୀ ଅଞ୍ଚଳରେ ପାକିସ୍ତାନ ସେନା ସାଧାରଣ ଲୋକଙ୍କ ଯାତାୟତକୁ ବନ୍ଦ କରି ଦେଇଛି ।

ପାକିସ୍ତାନ ୪୦ ଜଣ ଆତଙ୍କବାଦୀଙ୍କୁ ଅନୁପ୍ରବେଶ କରାଇବାରେ ସକ୍ଷମ ହୋଇଛି । ଏମାନଙ୍କୁ ପାକିସ୍ତାନ ସେନା ବନ୍ଧୁକ ଚାଳନା ପାଇଁ ଭଲ ତାଲିମ ଦେଇଛି । ଭାରତୀୟ ସୁରକ୍ଷା କର୍ମୀମାନେ ଅନୁପ୍ରବେଶକୁ ପଣ୍ଡ କରିବାରେ ସଫଳ ହୋଇଛନ୍ତି ।

ଭାରତୀୟ ସେନା ଓ ଅନ୍ୟ ସୁରକ୍ଷା ଏଜେନ୍ସି ଏବେ ହାଇ ଆଲର୍ଟରେ ରହିଛନ୍ତି ।

516 Views

   ସମ୍ବନ୍ଧିତ ଖବର