Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ହାତ ଟେକିଦେଲେ ବାଚସ୍ପତି, କହିଲେ- ଯଦି ସବୁ ସଦସ୍ୟ ଗୃହ ଚଲାଇବାକୁ ପ୍ରସ୍ତୁତ ନୁହଁନ୍ତି, ତେବେ ମୁଁ କ’ଣ କରିବି ?
  • ||
  • ଭୁବନେଶ୍ବର : ମମିତା ମେହେର ହତ୍ୟା ପ୍ରସଙ୍ଗ : ଆସନ୍ତା ୧୦ରେ ବିଧାନସଭା ଘେରାଉ କରିବ ଛାତ୍ର କଂଗ୍ରେସ
  • ||
  • ପରଲୋକରେ ପଦ୍ମଶ୍ରୀ ନନ୍ଦ ସାର୍, ୧୦୪ ବର୍ଷରେ ଚିକିତ୍ସାଧୀନ ଅବସ୍ଥାରେ ଦେହାନ୍ତ
  • ||
  • ଭୁବନେଶ୍ବର : ରିପୋର୍ଟ ଆସିବା ପରେ ନିୟମ ଅନୁସାରେ ଚାଷୀଙ୍କୁ କ୍ଷତିପୂରଣ ଦିଆଯିବ : ମନ୍ତ୍ରୀ ସୁଦାମ ମାରାଣ୍ଡି
  • ||
  • ଭୁବନେଶ୍ବର : ବିଡିଏ ଫେରାଇବ ସର୍ବକ୍ଷମା ଯୋଜନାର ଅଧିକ ଫାଇନ୍, ଆବେଦନର ଶେଷ ତାରିଖ ୧୦ ଡିସେମ୍ବର
  • ||
  • ଖୋର୍ଦ୍ଧା : ଭିଜିଲାନ୍ସ ହାତରେ ଧରାପଡିଲେ ନିର୍ବାହୀ ଯନ୍ତ୍ରୀ, ବିଲ୍ କରାଇ ଦେବାକୁ ଠିକାଦାରଙ୍କଠୁ ନେଉଥିଲେ ୧୦ ହଜାର
  • ||
  • ଟିଟିଲାଗଡ : ପୁରୀ-ଅଜମେର ଟ୍ରେନ୍‌ରେ ନିଆଁ, ଟ୍ରାକ୍‌ରେ ବ୍ରେକ୍ ଘସି ହୋଇ ଧୂଆଁ ବାହାରୁଥିଲା
  • ||
  • ରୋହିଙ୍ଗ୍ୟା ବିରୋଧୀ ହିଂସା ପାଇଁ ଫେସବୁକ ଦାୟୀ ! ୧୫୦ ବିଲିୟନ ପାଉଣ୍ଡର କ୍ଷତିପୂରଣ ଦେବାକୁ ମାମଲା
  • ||
  • କଳାହାଣ୍ଡି : ଇଚ୍ଛା ମୃତ୍ୟୁ ଆବେଦନକାରୀଙ୍କୁ ସାହା ହେଲା BSKY, ଯୋଜନାରେ ଆରମ୍ଭ ହେଲା ଚିକିତ୍ସା
  • ||
  • ତୁରେଇକେଲା ବ୍ଲକରେ ମାତିଲେ ୩୦ ଟିକିଆ ହାତୀପଲ, ଭାଙ୍ଗିଦେଲେ ଘର ଛପର
  • ||

ପାକିସ୍ତାନକୁ ଘାରିଲା ‘କରୋନା’ ଭୟ : ପିଓକେ ସହ ସାରା ଦେଶରେ ସେନା ମୁତୟନ

30/03/2020 at 10:54 AM

ଇସଲାମାବାଦ ୩୦।୩: ପାକିସ୍ତାନରେ କରୋନା ଭାଇରସ୍ ର ସଂକ୍ରମଣ ବଢୁଥିବାରୁ ପାକିସ୍ତାନ ଅଧିକୃତ କାଶ୍ମୀର (ପିଓକେ), ଗିଲଗିଟ-ବାଲଟିସ୍ତାନ ଏବଂ ସମଗ୍ର ପାକିସ୍ତାନରେ ସେନା ମୁତୟନ କରାଯାଇଛି । ପାକିସ୍ତାନ ସେନାର ମିଡିଆ ଶାଖା ଇଣ୍ଟର ସର୍ଭିସେସ୍ ପବ୍ଲିକ୍ ରିଲେସନ୍ସ (ଆଇଏସପିଆର) ଏକ ବିବୃତ୍ତି ଜାରି କରି କହିଛି ଯେ, କରୋନା ଭାଇରସର ମୁକାବିଲା ପାଇଁ ସରକାର ଗ୍ରହଣ କରିଥିବା ପଦକ୍ଷେପ କାର୍ଯ୍ୟକାରୀ କରିବାରେ ସେନା, ପ୍ରଶାସନକୁ ସାହାଯ୍ୟ କରୁଛି ।

ବିବୃତ୍ତିରେ ଏହା ମଧ୍ୟ କୁହାଯାଇଛି ଯେ, ସମ୍ବିଧାନର ଧାରା ୨୪୫ ଅନୁଯାୟୀ ଦେଶରେ ସେନା ମୁତୟନ କରାଯାଇଛି । ଦେଶର ସମସ୍ତ ସହରରେ ସେନା ଯବାନଙ୍କୁ ପୋଲିସ ସହିତ ସେହି ରାସ୍ତାରେ ନିୟୋଜିତ କରାଯାଇଛି ଯେଉଁଠାରୁ ସହରକୁ ଆସିଥାନ୍ତି ଏବଂ ସେହିଠାରୁ ବାହାରକୁ ମଧ୍ୟ ଯାଇଥାନ୍ତି । କେବଳ ଜରୁରୀ ପରିସ୍ଥିତିରେ ଲୋକଙ୍କୁ ଘରୁ ବାହାରକୁ ଯିବାକୁ ଅନୁମତି ଦିଆଯାଉଛି ।

ଦେଶର କୋଣ ଅନୁକୋଣରେ ସେନା ନିୟୋଜନ ହୋଇଥିବା ସଂକେତ ଦେଇ ଏହି ବିବୃତ୍ତିରେ କୁହାଯାଇଛି ଯେ, ସିନ୍ଧର ୨୯ଟି ଜିଲ୍ଲା, ପଞ୍ଜାବର ସମସ୍ତ ୩୪ଟି ଜିଲ୍ଲା, ବେଲୁଚିସ୍ତାନର ୯ଟି ଜିଲ୍ଲା ଏବଂ ପାଖତୁନଖୱାର ୨୬ଟି ଜିଲ୍ଲାରେ ସେନା ମୁତୟନ କରାଯାଇଛି । ବିବୃତ୍ତିରେ କୁହାଯାଇଛି ଯେ, ପାକିସ୍ତାନ ଅଧିକୃତ କାଶ୍ମୀର (ପିଓକେ)ର ସମ୍ବେଦନଶୀଳ କୋଟଲି, ଭୀମ୍ବର, ମୀରପୁର, ବରନାଲା, କେଲ, ରାୱଲକୋଟ ଏବଂ ରାଜଧାନୀ ମୁଜାଫରାବାଦରେ ସେନା ମୁତୟନ କରାଯାଇଛି ।

ସମଗ୍ର ଦେଶରେ କରୋନା ସନ୍ଦିଗ୍ଧ ଏବଂ ରୋଗୀମାନଙ୍କ ପାଇଁ ସମୁଦାୟ ୧୮୨ କ୍ବାରେଣ୍ଟାଇନ୍ ସେଣ୍ଟର ପ୍ରତିଷ୍ଠା କରାଯାଇଛି । ସେହି ସେଣ୍ଟରଗୁଡିକୁ ସେନା ଦ୍ବାରା ତଦାରଖ କରାଯାଉଛି । ସେନାର ଚିକିତ୍ସା ବିଭାଗ ରୋଗୀଙ୍କ ଚିକିତ୍ସାରେ ମହତ୍ବପୂର୍ଣ୍ଣ ଭୂମିକା ଗ୍ରହଣ କରୁଛି ।

   Related Posts