Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଷ୍ଟେଟ୍ ବ୍ୟାଙ୍କ ଉପରେ କୋଟିଏ ଟଙ୍କାର ଫାଇନ ଲଗାଇଲେ ରିଜର୍ଭ ବ୍ୟାଙ୍କ, ସବୁଠୁ ବଡ ବ୍ୟାଙ୍କ ବିରୋଧରେ ଋଣ ନିୟମ ଉଲ୍ଲଙ୍ଘନ ଅଭିଯୋଗ
  • ||
  • ଶ୍ରେୟସ ଆୟରଙ୍କ ଉପରେ ମୁମ୍ବାଇ ଇଣ୍ଡିଆନ୍ସର ନଜର, ରାହୁଲ ଓ ଧାଓ୍ୱନ ବି ବଦଳାଇବେ ଟିମ୍ !
  • ||
  • ରାଜ୍ୟରେ ଆଉ ୩ ଜଣ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୬କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୬୪ କରୋନା ସଂକ୍ରମିତ, ୧୦୪୮୪୯୨ରେ ପହଞ୍ଚିଲା ସଂଖ୍ୟା
  • ||
  • ଜରୁରୀକାଳିନ ପରିସ୍ଥିତି ଘୋଷଣା କଲେ ଗଭର୍ଣ୍ଣର : କରୋନା ସଂକ୍ରମଣ ବଢିବା ପରେ କଟକଣା କଡାକଡି
  • ||
  • ୧୮ କେଜିର ବଜ୍ରକାପ୍ତା ଉଦ୍ଧାର, ଡିଲ୍ ବେଳେ ଧରିଲା ବନ ବିଭାଗ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୪୬୫ ମୃତ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଫସଲ ନଷ୍ଟ କରି ଫେରିଗଲେ ଝାଡଖଣ୍ଡୀ ହାତୀପଲ, କ୍ଷତିପୂରଣ ଦାବି କଲେ ଚାଷୀ
  • ||
  • ଓଡିଶା ଉପକୂଳରେ ମାଡ ହେବ ବାତ୍ୟା ! ଡିସେମ୍ବର ୩ରୁ ୬ ଯାଏଁ ପ୍ରବଳ ବର୍ଷା
  • ||

ଭାରତରେ କମିଲା, ପାକିସ୍ତାନରେ ବଢ଼ିଲା: ପଡ଼ୋଶୀ ଦେଶରେ ପେଟ୍ରୋଲ-ଡିଜେଲ୍‌ ଦାମରେ ଐତିହାସିକ ବୃଦ୍ଧି

5/11/2021 at 4:54 PM

ଇସ୍ଲାମାବାଦ ୦୫/୧୧: ଭାରତରେ ପେଟ୍ରୋଲ ଏବଂ ଡିଜେଲ୍‌ ଉପରେ ସରକାର ଉତ୍ପାଦ ଶୁଳ୍କ କମ୍‌ କରିଛନ୍ତି । ପେଟ୍ରୋଲ ଉପରେ ୫ ଏବଂ ଡିଜେଲ୍‌ ଉପରେ ୧୦ ଟଙ୍କା କମ୍‌ ହେବା ପରେ ଲୋକଙ୍କୁ ସାମାନ୍ୟ ଆଶ୍ବସ୍ତି ମିଳିଛି । ସେପଟେ ପଡ଼ୋଶୀ ପାକିସ୍ତାନରେ ପେଟ୍ରୋଲିୟମ ଉତ୍ପାଦର ଦାମରେ ଐତିହାସିକ ବୃଦ୍ଧି ହୋଇଥିବା ଜଣାପଡ଼ିଛି। ପେଟ୍ରୋଲିୟମ ପ୍ରଡକ୍ଟ ଉପରେ ୮.୧୦ ଟଙ୍କା ବଢ଼ାଇଛନ୍ତି ଇମ୍ରାନ ଖାନଙ୍କ ସରକାର।

ଇତିହାସରେ ପ୍ରଥମ ଥର ଦେଶରେ ସମସ୍ତ ପେଟ୍ରୋଲିୟଢ଼ ଉତ୍ପାଦର ଦାମ ୧୧୦ ଟଙ୍କା ପାର ହୋଇଛି। ଏବେ ପାକିସ୍ତାନରେ ପେଟ୍ରୋଲ ଦାମ ୧୩୭.୭୯ ଟଙ୍କା ପ୍ରତି ଲିଟରରୁ ବଢ଼ି ୧୪୫.୮୨ ଟଙ୍କାରେ ପହଞ୍ଚିଛି। ଏଥିରୁ ପେଟ୍ରୋଲ୍‌ ଉପରେ ୮.୦୩ ଟଙ୍କା ବୃଦ୍ଧି ହୋଇଥିବା ଜଣାପଡ଼ିଛି । ସେହିଭଳି ହାଇସ୍ପିଡ୍‌ ଡିଜେଲ୍‌ର ଦାମ୍‌ ପ୍ରତି ଲିଟର ପିଛା  ୮.୧୪ ଟଙ୍କା ବୃଦ୍ଧି ପାଇଛି।

କିରୋସିନ ଏବଂ ଲାଇଟ୍‌ ଡିଜେଲ୍ ଉପରେ ଯଥାକ୍ରମେ ୬.୨୭ ଟଙ୍କା ଏବଂ ୫.୭୨ ଟଙ୍କା ବଢ଼ିଛି। ପାକିସ୍ତାନରେ କିରୋସିନ୍‌ ଏବେ ୧୧୪.୦୭ ଟଙ୍କା ପ୍ରତି ଲିଟର ବିକ୍ରି ହେଉଛି। ବିରୋଧୀ ଦଳଙ୍କ ବାରମ୍ବାର ବିରୋଧ ପରେ ପାକିସ୍ତାନରେ ତୈଳ ଦରରେ ବୃଦ୍ଧି ହୋଇନଥିଲା। ଏବେ ପୁଣି ଥରେ ଇମ୍ରାନ ସରକାର ତୈଳ ଦର ବଢ଼ାଇଥିବା ଜଣାପଡ଼ିଛି। ଅନ୍ୟପଟେ ଭାରତରେ ପେଟ୍ରୋଲ ଏବଂ ଡିଜେଲ୍‌ ଦର ହ୍ରାସ ହେବା ପରେ ଏବେ ଦିଲ୍ଲୀରେ ପେଟ୍ରୋଲ୍‌ ୧୦୩.୯୭ ଟଙ୍କା ପ୍ରତି ଲିଟର ଥିବା ବେଳେ ଡିଜେଲ୍‌ ୮୬.୬୭ ଟଙ୍କାରେ ମିଳୁଛି ।  

   Related Posts