ନୂଆଦିଲ୍ଲୀ, ୦୯।୧୨: ଦେଶର ପ୍ରଥମ ଚିଫ୍ ଅଫ୍ ଡିଫେନ୍ସ ଷ୍ଟାଫ୍ ବା ସିଡିଏସ୍ ଜେନେରାଲ୍ ବିପିନ୍ ରାୱତଙ୍କ ମୃତ୍ୟୁରେ ଦେଶ ବିଦେଶରୁ ଲୋକେ ତାଙ୍କ ସ୍ମୃତିଚାରଣ କରି ଶ୍ରଦ୍ଧାଞ୍ଜଳି ଅର୍ପଣ କରୁଛନ୍ତି । ସେନାରେ ସେ ତାଙ୍କର ଯୋଗଦାନକୁ ଲୋକେ ମନେପକାଉଛନ୍ତି । ସୋସିଆଲ୍ ମିଡିଆରେ ଆର୍ମିର ଅବସରପ୍ରାପ୍ତ ଅଧିକାରୀଙ୍କ ସେମେତ ଅନେକ ବରିଷ୍ଠ ଲୋକ ଶୋକବ୍ୟକ୍ତ କରୁଛନ୍ତି । କେବଳ ଭାରତୀୟ ନୁହେଁ ପାକିସ୍ତାନରୁ ମଧ୍ୟ ତାଙ୍କ ମୃତ୍ୟୁକୁ ନେଇ କିଛି ବ୍ୟକ୍ତି ଶ୍ରଦ୍ଧାଞ୍ଜଳି ଜଣାଇଛନ୍ତି ।
ଭାରତୀୟ ସେନାର ଅବସରପ୍ରାପ୍ତ ବ୍ରିଗେଡିୟର ଆର୍ଏସ୍ ପଠାନିଆ ଏକ ଟ୍ୱିଟ୍ ଯୋଗେ ବିପିନ୍ ରାୱତଙ୍କୁ ଶ୍ରଦ୍ଧାଞ୍ଜଳି ଜଣାଇଛନ୍ତି । ସେ ଟ୍ୱିଟ୍ କରି ଲେଖିଛନ୍ତି ଯେ ସାର୍ ତୁମକୁ ସଲାମ୍, ଜୟ ହିନ୍ଦ୍ । ବ୍ରିଗେଡିୟର୍ଙ୍କ ଏହି ଟ୍ୱିଟ୍କୁ ନେଇ ପାକିସ୍ତାନ ସେନାର ଅବସରପ୍ରାପ୍ତ ମେଜର ଆଦିଲ୍ ରଜା କମେଣ୍ଟ କରି କହିଛନ୍ତି ଯେ ସାର୍ କୃପାକରି ମୋର ହାର୍ଦ୍ଦିକ ସମ୍ୱେଦନା ସ୍ୱୀକାର କରନ୍ତୁ ।
wp:html/wp:htmlSalute you sir. Jai Hind. ???? pic.twitter.com/LawnhgcO6Y
— Brig R S Pathania, Veteran. ?? (@rspathania) December 8, 2021
ଆଦିଲ୍ ରଜାଙ୍କ କମେଣ୍ଟର ଜବାଜ ଦେଇ ପଠାନିଆ ଆଦିଲ୍ଙ୍କ ପ୍ରଂଶସା କରଛନ୍ତି । ପଠାନିଆ ଆଦିଲ୍ଙ୍କୁ ଲେଖିଛନ୍ତି ଯେ ଜଣେ ଯବାନଙ୍କ ଠାରୁ ଏହା ହିଁ ଆଶା କରାଯାଉଛି । ତୁମକୁ ସଲାମ୍ । ପଠାନିଆଙ୍କ ଜବାବରେ ଆଦିଲ୍ ରଜା ଲେଖିଛନ୍ତି ଯେ ଅଫ୍ କୋର୍ସ ସାର୍ । ଜଣେ ସୈନିକ ରୂପେ ମୁଁ ଏହା କରିବାକୁ ଉଚିତ୍ ମନେକରେ । ପୁଣିଥରେ ଆପଣଙ୍କ କ୍ଷତି ପାଇଁ ସମବେଦନା ଜଣାଉଛି ।
ନିଜ ଟ୍ୱିଟ୍ରେ ଆଦିଲ୍ ରଜା ଆଗକୁ ମଧ୍ୟ କହିଛନ୍ତି ଆମର ପଞ୍ଜାବୀ ଲୋକ କଥା ଅନୁସାରେ, ଶତ୍ରୁ ଯଦି ମରିଯାଏ ତେବେ ଖୁସି ମନାଇବା ଉଚିତ୍ ନୁହେଁ, କାରଣ ଆମେ ବି ଦିନେ ମରିବା । ଆଦିଲ ଏହାର ଅର୍ଥକୁ ଆହୁରି ବର୍ଣ୍ଣନା କରିଛନ୍ତି । ଯାହାର ଅର୍ଥ ହେଉଛି 'ତୁମର ଶତ୍ରୁମାନଙ୍କ ମୃତ୍ୟୁକୁ ପାଳନ କର ନାହିଁ କାରଣ ଦିନେ ଆମେମାନେ ମଧ୍ୟ ମରିବା । ଏହାପରେ ଅବସରପ୍ରାପ୍ତ ବ୍ରିଗେଡିୟର୍ ପୁଣି ଥରେ ଆଦିଲଙ୍କୁ ଧନ୍ୟବାଦ ଜଣାଇଛନ୍ତି ଏବଂ କହିଛନ୍ତି ଯେ ପଞ୍ଜାବୀ ବୁଝାଇଥାନ୍ତି ଏଥି ସହ କହିଥାନ୍ତି ।
ଅବସରପ୍ରାପ୍ତ ବ୍ରିଗେଡିୟର୍ ଏହାକୁ ନେଇ ଆହୁରି କହିଛନ୍ତି ଯେ ଆମେ ଯୁଦ୍ଧକ୍ଷେତ୍ରରେ ଶତ୍ରୁ। ଆହୁରି ମଧ୍ୟ, ଯଦି ଆମେ ବନ୍ଧୁ ହୋଇପାରିବା ନାହିଁ ତେବେ ପରସ୍ପର ପ୍ରତି ଭଦ୍ର ହୁଅନ୍ତୁ । ଏହା ପରେ ଆଦିଲ ପୁନର୍ବାର ଉତ୍ତର ଦେଇ କହିଛନ୍ତି ଯେ ସାର୍ ମୁଁ ଏହା ସହିତ ଅଧିକ ସହମତ ହୋଇପାରିବି ନାହିଁ, ଶାନ୍ତି ହେଉଛି ଏକମାତ୍ର ଉପାୟ । ତେବେ ଆପଣଙ୍କୁ କହିରଖୁଛୁ ଯେ ଜେନେରାଲ ବିପିନ ରାୱତଙ୍କ ମୃତ୍ୟୁ ପରେ ପାକିସ୍ତାନୀ ସେନା ମଧ୍ୟ ଦୁଃଖ ପ୍ରକାଶ କରିଛି।