Monday, September 23, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଭାରତୀୟ ବାୟୁସେନା ଜାରି କଲା ହାଇ ଅଲର୍ଟ, ପାକିସ୍ତାନ ଉପରେ କୌଣସି ମୂହୁର୍ତ୍ତରେ ଭାରତ କରିପାରେ ଆକ୍ରମଣ

ଉତ୍ତରାଖଣ୍ଡ ୧୫|୩ : ଜମ୍ମୁକାଶ୍ମୀରରେ ଭାରତୀୟ ବାୟୁସେନାର ରାଡାର ପାକିସ୍ତାନ ବାୟୁସେନାର ଦୁଇ ଫାଇଟର ଜେଟ୍ କୁ ଏଲଓସି ନିକଟସ୍ଥ ଅଞ୍ଚଳରେ ଠାବ କରିଛି । ରାଡାରରେ ଶତ୍ରୁ ଦେଶର ଫାଇଟର ଜେଟ୍ ଠାବ ହେବା ପରେ ଭାରତୀୟ ବାୟୁସେନା ସଂପୂର୍ଣ୍ଣ ଭାବେ ସଜାଗ ରହିଛି । କୋଣସି ମୂହୁର୍ତ୍ତରେ ଲଢେଇ ପାଇଁ ଫାଇଟର ଜେଟ୍ କୁ ପ୍ରସ୍ତୁତ ରଖାଯାଇଛି ।

ଯେତେବେଳେ ଭାରତୀୟ ବାୟୁସେନାର ରାଡାରରେ ପାକ୍ ଫାଇଟର ଜେଟ୍ କୁ ଠାବ କରିଥିଲା ସେତେବେଳେ ପାକିସ୍ତାନ ଅଞ୍ଚଳରେ ହିଁ ଏଲଓସିଠାରୁ ମାତ୍ର ୧୦ କିମି ଦୂରରେ ହିଁ ଆକାଶରେ ଉଡୁଥିଲା । ପାକ୍ ଫାଇଟର ଜେଟ୍ କୁ ଦେଖି ଭାରତୀୟ ବାୟୁସେନା ସମସ୍ତ ଏୟାର ଡିଫେନ୍ସ ସିଷ୍ଟମ ଏବଂ ରାଡାରକୁ ହାଇ ଅଲର୍ଟ ଜାରି କରିଦେଇଛି ।

କୁହାଯାଉଛି ଯେ, ଭାରତ ପାକିସ୍ତାନ ଉପରେ କୌଣସି ମୂହୁର୍ତ୍ତରେ କାର୍ଯ୍ୟାନୁଷ୍ଠାନ ନେଇପାରେ । କାରଣ ପାକିସ୍ତାନ ବାରମ୍ବାର ତାର ଫାଇଟର ଜେଟ୍ ଭାରତୀୟ ସୀମାକୁ ପଠାଉଛି । ଆଶଙ୍କା କରାଯାଉଛି ଯେ, ପାକିସ୍ତାନ ତାର ଖଳ ଷଡଯନ୍ତ୍ର ନକରିଦେଉ ।

ପାକିସ୍ତାନ ଅଧିକୃତ କାଶ୍ମୀର ସ୍ଥିତ ବାଲାକୋଟ୍ ରେ ଭାରତୀୟ ବାୟୁସେନାର ଏୟାର ଷ୍ଟ୍ରାଇକ୍ କରିଥିଲା । ସୂତ୍ର ଅନୁସାରେ ଭାରତୀୟ ବାୟୁସେନା ଭାରତ ସରକାରଙ୍କୁ ଏୟାର ଷ୍ଟ୍ରାଇକ୍ ସହ ଜଡିତ ସମସ୍ତ ଦସ୍ତାବିଜ ପ୍ରଦାନ କରିଛନ୍ତି । ଏହି ଦସ୍ତାବିଜରେ ଏୟାର ଷ୍ଟ୍ରାଇକ୍ ର ଫଟୋ ମଧ୍ୟ ରହିଛି । ଦସ୍ତାବିଜ୍ ଅନୁସାରେ ଭାରତୀୟ ବାୟୁସେନାର ଏୟାର ଷ୍ଟ୍ରାଇକ୍ ଫଳରେ ଜୈସ୍-ଏ-ମହମ୍ମଦର ଆତଙ୍କୀ କ୍ୟାମ୍ପ୍ ଧ୍ବଂସ ହୋଇଛି ।

767 Views

   ସମ୍ବନ୍ଧିତ ଖବର