Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ନୱାଜ୍ ସରିଫଙ୍କ ବିରୋଧରେ NBW ଜାରି

3/09/2020 at 7:49 PM

ଲାହୋର ୩।୯:  ଏକ ପାକିସ୍ତାନୀ ନ୍ୟାୟାଳୟ ପୂର୍ବତନ ପ୍ରଧାନମନ୍ତ୍ରୀ ମିଆଁ ନୱାଜ ସରିଫଙ୍କ ଗିରଫଦାରୀ ଲାଗି ଗୁରୁବାର ବୈଦେଶିକ ମନ୍ତ୍ରାଳୟଙ୍କୁ ଜାମିନ ବିହୀନ ଗିରଫ ପରୱାନା (ଏନବିଡବ୍ଲୁ) ଜାରି କରିଛନ୍ତି। ଭୂମି ଆବଣ୍ଟନ ଦୁର୍ନୀତି ମାମଲାରେ ଏହି ୱାରେଣ୍ଟ ଜାରି ହୋଇଥିବା  ଜଣାପଡିଛି। ଲାହୋର ନ୍ୟାସନାଲ ଆକାଉଣ୍ଟେବିଲିଟି କୋର୍ଟ ଏହି ୱାରେଣ୍ଟ ଜାରି କରିଛନ୍ତି।

ଗତମାସରେ ନ୍ୟାୟାଳୟ ଏକ ୱାରେଣ୍ଟ ଜାରି କରିଥିଲେ। ଏଥିରେ ସରିଫଙ୍କୁ ଜାମିନ ମିଳିପାରିଥାନ୍ତା। ତେବେ ୱାରେଣ୍ଟ ତାଙ୍କ ଘରକୁ ଯିବା ବେଳେ ସେ ସେଠାରେ ନଥିଲେ। ସେ ବ୍ରିଟେନରେ ରହି ଚିକିତ୍ସିତ ହେଉଥିବାରୁ ଆବାସରେ ନଥିଲେ। ଏ ନେଇ କୋର୍ଟଙ୍କୁ ସୂଚିତ କରାଯାଇଥିଲା। ହେଲେବି ସେ କୋର୍ଟରେ ଉପସ୍ଥିତ ହେଉ ନଥିବାରୁ ଶେଷରେ ଏନବିଡବ୍ଲୁ ଜାରି ହୋଇଛି।

ପାକିସ୍ତାନ ମୁସ୍ଲିମ ଲିଗ-ଏନ୍ ନେତା ଅତା ତରାର ଗୁରୁବାର ମାମଲାରେ କୋର୍ଟରେ ହାଜର ହୋଇଥିଲେ। ୭୦ ବର୍ଷ ବୟସ୍କ ସରିଫ ଏବେ ବ୍ରିଟେନରେ ରହି ଚିକିତ୍ସିତ ହେଉଥିବା ତରାର କୋର୍ଟଙ୍କୁ ଜଣାଇଥିଲେ। ତେବେ ସରକାରୀ ପକ୍ଷ ଓକିଲ ହ୍ୟାରିସ୍ କ୍ୟୁରେସୀ କୋର୍ଟଙ୍କୁ ଏନବିଡବ୍ଲୁ ଜାରି ଲାଗି ନିବେଦନ କରିଥିଲେ। ସେହି ଅନୁସାରେ କୋର୍ଟ ଏନବିଡବ୍ଲୁ ଜାରି କରିଥିବା ବେଳେ ବୈଦେଶିକ ମନ୍ତ୍ରାଳୟଙ୍କୁ ଲଣ୍ଡନରେ ଉଚ୍ଚାୟୁକ୍ତଙ୍କ ଦ୍ୱାରା ଗିରଫ ନିର୍ଦ୍ଦେଶ ଦେଇଛନ୍ତି।  

   Related Posts