Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ମସୁଦ ଅଜହର ପାକିସ୍ତାନରେ ଥିବା ସ୍ୱୀକାର କଲେ ପାକିସ୍ତାନ ବୈଦେଶିକ ମନ୍ତ୍ରୀ କୁରେସି

1/03/2019 at 12:49 PM

ଦିଲ୍ଲୀ ୦୧/୦୩ : ପାକିସ୍ତାନର ବୈଦେଶିକ ମନ୍ତ୍ରୀ ଶାହ ମେହମୁଦ କୁରେସି ସ୍ୱୀକାର କରିଛନ୍ତି ଯେ, ଜୈସ ସଂଗଠନର ମୁଖ୍ୟ ମସୁଦ ଅଜହର ପାକିସ୍ତାନରେ ହିଁ ଅଛି | କୁରେସି କହିଛନ୍ତି ଯେ, ମସୁଦ ବର୍ତ୍ତମାନ ବହୁତ ଅସୁସ୍ଥ ଅଛି |

ଜାମ୍ମୁ କାଶ୍ମୀର ପୁଲବାମାରେ ଫେବୃଆରୀ ୧୪ ତାରିଖରେ ଜୈସ-ଏ-ମହମ୍ମଦ ଆତଙ୍କୀ ସଂଗଠନ ଦ୍ୱାରା ସିଆରପିଏଫ ଯବାନଙ୍କ ଉପରକୁ ଆତଙ୍କୀ ହମଲା କରାଯାଇଥିଲା | ଘଟଣାର ଠିକ ୧୨ ଦିନ ପରେ ୨୬ ତାରିଖରେ ଭାରତୀୟ ବାୟୁସେନା ତରଫରୁ ପିଓକେରେ ଆତଙ୍କୀ ଶିବିର ଧ୍ବଂସ କରାଯାଇଥିଲା | ଏହାପରେ ୨ ଦେଶ ମଧ୍ୟରେ ସ୍ଥିତି ଗମ୍ଭୀର ହୋଇଯାଇଛି | ସମସ୍ତ ଘଟଣାର ମୁଖ୍ୟ ଅଭିଯୁକ୍ତ ମସୁଦ ଅଜହରକୁ ନେଇ ପାକିସ୍ତାନ ଏବେ ଯାଏଁ କୌଣସି ବୟାନ ଦେଇନାହିଁ |

ଆଜି ପାକିସ୍ତାନର ବୈଦେଶିକ ମନ୍ତ୍ରୀ କୁରେସି ଏକ ନିୟୁଜ ଚାନେଲକୁ କହିଛନ୍ତି ଯେ, ମସୁଦ ପାକିସ୍ତାନରେ ହିଁ ଅଛି | କୁରେସି କହିଛନ୍ତି ଯେ, ପାକିସ୍ତାନ କେବେ ହେଲେ ଭାରତ ଉପରେ ଆକ୍ରମଣ କରିବାକୁ ଚାହେଁନାହିଁ | ଭାରତ ଯେବେ ଯେବେ ପାକିସ୍ତାନ ଉପରେ ଆକ୍ରମଣ କରେ ସେତେବେଳେ ହିଁ ପାକିସ୍ତାନ ହମଲା କରିଥାଏ ବୋଲି କହିଥିଲେ କୁରେସି |

ମାସୁଦ ଅଜହରକୁ ନେଇ ପ୍ରଶ୍ନ ପଚରାଯିବା ପରେ କୁରେସି କହିଥିଲେ ଯୁଦ୍ଧର ଯେକୌଣସି ସ୍ଥିତିକୁ କମ କରିବା ସମ୍ବନ୍ଧୀୟ ପଦକ୍ଷେପ ଗ୍ରହଣ କରିବା ପାଇଁ ପାକିସ୍ତାନର ଦ୍ବାର ସବୁବେଳେ ଖୋଲା ଅଛି | ଯଦି ଭାରତ ପାଖରେ ଦୃଢ ପ୍ରମାଣ ଅଛି ତାହେଲେ ଆଲୋଚନା କରନ୍ତୁ | ଆଲୋଚନା ଆରମ୍ଭ କଲେ ଆମେ ମାସୁଦ ବାବଦରେ ତଥ୍ୟ ଉପସ୍ଥାପନା କରିବୁ ବୋଲି କହିଥିଲେ କୁରେସି | ସେ କହିଥିଲେ ଯେ, “ମୁଁ ଜାଣିବା ହିସାବରେ ମସୁଦ ଅଜହର ପାକିସ୍ତାନ ଅଛି ଏବଂ ସେ ଅସୁସ୍ଥ ଅଛି | ସେ ଏତେ ଅସୁସ୍ଥ ଅଛି ଯେ ଘରୁ ବାହାରି ପାରୁନାହିଁ |”

   Related Posts