Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପାକିସ୍ତାନୀ ହିନ୍ଦୁଙ୍କୁ ସହଯୋଗର ହାତ ବଢାଇଲେ ସାହିଦ ଆଫ୍ରିଦି, ବାଣ୍ଟିଲେ ଟଙ୍କା ଓ ରାସନ

6/04/2020 at 12:42 PM

କରାଚୀ, ୦୬|୦୪:  ପାକିସ୍ତାନର ପୂର୍ବତନ ଅଧିନାୟକ ସାହିଦ ଆଫ୍ରିଦି ନିଜ ଦେଶରେ କରୋନା ସଂକ୍ରମଣ ମଧ୍ୟରେ ହିନ୍ଦୁଙ୍କୁ ସାହାଯ୍ୟ କରିବା ପାଇଁ ଆଗକୁ ଆସିଛନ୍ତି । ସେ ପାକ୍ ହିନ୍ଦୁଙ୍କୁ ଅଟା, ଚାଉଳ ଓ ଅନ୍ୟ ଜରୁରୀ ସାମଗ୍ରୀ ପ୍ରଦାନ କରିଛନ୍ତି । ଏପରିକି ସେ ଆର୍ଥିକ ସାହାଯ୍ୟ ମଧ୍ୟ ପ୍ରଦାନ କରୁଛନ୍ତି । ମହାମାରୀ ମଧ୍ୟରେ ସେ ସଂଖ୍ୟାଲଘୁଙ୍କୁ ରାସନ ଓ ଟଙ୍କା ବାଣ୍ଟିବା ମଧ୍ୟ ଆରମ୍ଭ କରିଦେଇଛନ୍ତି ।

ଜଣେ ହିନ୍ଦୁ ଟେନିସ୍ ଖେଳାଳି ସଂଖ୍ୟାଲଘୁଙ୍କ ସମସ୍ୟା ଉପରେ ମଜର ଦେବାକୁ ଆଫ୍ରିଦିଙ୍କୁ ଅନୁରୋଧ କରିଥିଲେ । ଏହାପରେ ଆଫ୍ରିଦି ସାହାଯ୍ୟ କରିବାକୁ ଆଗେଇ ଆସିଥିଲେ ।

ଅନ୍ତରାଷ୍ଟ୍ରୀୟ ଟେନିସ୍ ଖେଳାଳି ରବିନ ଦାସ କହିଥିଲେ ଯେ, ପାକରେ କରୋନା ସଙ୍କଟ ମଧ୍ୟରେ ହିନ୍ଦୁମାନେ ସବୁଠାରୁ ଅଧିକ ପ୍ରଭାବିତ ହେଉଛନ୍ତି । ତେଣୁ ସେ ଏହାକୁ ନେଇ ଆଫ୍ରିଦିଙ୍କ ସହଯୋଗ କାମନା କରିଥିଲେ ।

କରାଚୀ ସ୍ପୋର୍ଟସ୍ ଫୋରମର ସଚିବ ଆସିଫ୍ ଅଜିମ କହିଛନ୍ତି ଯେ, ରବିନ ଦାସଙ୍କ ଅପିଲକୁ ଗୁରୁତର ସହ ନିଆଯାଇଛି । ଏହି ସଙ୍କଟରେ ସଂଖ୍ୟାଲଘୁଙ୍କୁ ସାହାଯ୍ୟ କରିବା ଆବଶ୍ୟକ । ହିନ୍ଦୁ କିମ୍ବା ଇସାଇ ହେଲେ ମଧ୍ୟ ସେମାନଙ୍କୁ ସାହଯୋଗର ହାତ ବଢାଇବା ଉଚିତ । ଏହାପରେ ଦେଶର ବିଭିନ୍ନ ସ୍ଥାନରେ ବସବାସ କରୁଥିବା ସଂଖ୍ୟାଲଘୁଙ୍କୁ ସାହାଯ୍ୟ କରାଯାଉଛି । 

   Related Posts