Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ସ୍ୱାମୀକୁ ମୋଟା ଘୁଷୁରୀ କହିବାରୁ କାନ୍ଦିଲେ ସରଫରାଜ ଅହମଦଙ୍କ ପତ୍ନୀ

27/06/2019 at 3:15 PM

ପାକିସ୍ତାନ ଅଧିନାୟକ ସରଫରାଜ ଅହମଦ ନିଜ ଦେଶର ପ୍ରଶଂସକଙ୍କୁ କ୍ରିକେଟ ଖେଳାଳିଙ୍କ ବିରୋଧରେ ଅଭଦ୍ର ମନ୍ତବ୍ୟ ନଦେବା ପାଇଁ କହିଛନ୍ତି । କିଛି ଦିନ ପୂର୍ବରୁ ଜଣେ ପାକିସ୍ତାନୀ ଯୁବକ ସରାଫରାଜଙ୍କୁ ମୋଟା ଘୁଷୁରୀ କହିବା ପରେ ସେ ଏହିଭଳି ପ୍ରତିକ୍ରିୟା ରଖିଛନ୍ତି ।

ସୂଚନାଯୋଗ୍ୟ ଯେ, କିଛି ଦିନ ପୂର୍ବରୁ ନିଜ ପୁଅକୁ ସାଙ୍ଗରେ ନେଇ ମାଲ ବୁଲିବାକୁ ଯାଇଥିବା ସରାଫରାଜଙ୍କୁ ଜଣେ ଯୁବକ ଅପଶବ୍ଦ ବ୍ୟବହାର କରି ଅଭାଦ୍ରାମୀ କରିଥିଲେ । ଯୁବକ ଜଣକ ଏହାର ଲାଇଭ ଭିଡିଓ ମଧ୍ୟ କରିଥିଲେ । ଘଟଣାର ଭିଡିଓ ସୋସିଆଲ ମିଡ଼ିଆରେ ଭାଇରାଲ ହୋଇଥିଲା । ଯୁବକଙ୍କ ଅଭାଦ୍ରାମୀ ସତ୍ୱେ ସରାଫରାଜ ତାଙ୍କୁ କିଛି ନକହି ଘଟଣାକୁ ନଜର ଅନ୍ଦାଜ କରିଥିଲେ ।

ଏହି ପ୍ରସଙ୍ଗରେ ସରଫରାଜ ନିଜ ପ୍ରତିକ୍ରିୟା ରଖି କହିଥିଲେ, ଲୋକ କଣ କହୁଛନ୍ତି ତା ଉପରେ ଆମର କିଛି ନିୟନ୍ତ୍ରଣ ନାହିଁ । ଲୋକଙ୍କୁ ପାଟିକୁ ଆମେ ଚୁପ କରାଇ ପାରିବୁନାହିଁ । ହାର ଜିତ ଖେଳର ଏକ ଅଂଶ । ପାକିସ୍ତାନ ପ୍ରଥମ ଟିମ ନୁହେ ଯିଏ ମ୍ୟାଚ ହାରିଯାଇଛି । ପୂର୍ବରୁ ମଧ୍ୟ ଅନେକ ଟିମ ହାରିଛନ୍ତି । ତେବେ ଆଗରୁ ମ୍ୟାଚ ହାରିଯାଇଥିବା ଟିମକୁ ନେଇ ଯଦି ପ୍ରଶଂସକ ଏହିଭଳି ମନ୍ତବ୍ୟ ଦେଇଥାନ୍ତେ ତାହେଲେ ସେମାନେ ବୁଝିପାରିଥାନ୍ତି ଏସବୁ ମନ୍ତବ୍ୟ କେତେ ଆଘାତ ଦେଇଥାଏ । ଏବେ ସୋସିଆଲ ମିଡ଼ିଆରେ ମଧ୍ୟ ଲୋକେ ଯାହା ଇଛା ତାହା କହୁଛନ୍ତି, ଲେଖୁଛନ୍ତି । ତେବେ ଏହିଭଳି ଘଟଣା ଖେଳାଳିଙ୍କ ମନକୁ ପ୍ରଭାବିତ କରିଥାଏ ବୋଲି କହିଛନ୍ତି ସରଫରାଜ ।

ସରଫରାଜ କହିଛନ୍ତି, ଯେତେବେଳେ ତାଙ୍କ ପତ୍ନୀ ଏହି ଭିଡିଓ ଦେଖିଥିଲେ ସେ ହୋଟେଲ ରୁମରେ କାନ୍ଦିଥିଲେ । ସେ ଆହୁରି କହିଛନ୍ତି ଯେ, କ୍ରିକେଟକୁ ନେଇ ଆଲୋଚନା କରିବା କିମ୍ବା କ୍ରିକେଟ ଖେଳିବା ଉପାୟକୁ ନେଇ ଆଲୋଚନା କରିବା ଭୁଲ ନୁହେଁ କିନ୍ତୁ ଗାଳିଗୁଲଜ କରିବା ଅନୁଚିତ ।

   Related Posts