ଇସ୍ଲାମାବାଦ ୩୧।୫:  ପାକିସ୍ତାନ ସେନା ସରକାରଙ୍କ ହାତରୁ ସୂଚନା ଓ ପ୍ରସାରଣ ମନ୍ତ୍ରାଳୟର ଦାୟିତ୍ୱ ନିଜ ହାତକୁ ନେଇଛି। ଏଣୁ ସରକାରୀ ରେଡିଓ, ଟେଲିଭିଜନ ସମେତ ଘରୋଇ ପ୍ରସାରଣକାରୀ ଓ ଦେଶର ସମ୍ବାଦପତ୍ର ସେହି ସବୁ ଖବର ଓ କାର୍ଯ୍ୟକ୍ରମ ପ୍ରସାରିତ କରିବେ ଯାହା ସେନା ଦ୍ୱାରା ସ୍ୱୀକୃତ। ପୂର୍ବରୁ ସରକାରଙ୍କ ହାତରୁ ସେନା ବିଦେଶ ଓ ଆର୍ଥିକ ବ୍ୟାପାର କାଢି ନେଇଥିଲା। ଏବେ ସୂଚନା ଓ ପ୍ରସାରଣ ଯିବା ପରେ ଇମ୍ରାନ ସରକାରଙ୍କ ଅସ୍ତିତ୍ୱ ପ୍ରତି ପ୍ରଶ୍ନବାଚୀ ସୃଷ୍ଟି ହୋଇଛି।

{"id":279232,"sizeSlug":"large"}

ଗତ ସାଧାରଣ ନିର୍ବାଚନରେ ଇମ୍ରାନଖାନଙ୍କ ପିଟିଆଇ ସେନା ସମର୍ଥନରେ ଶାସନ ହାତେଇ ଥିଲା। ଏବେ ସେନା ସରକାରର କ୍ଷମତା ଛଡାଇବା ପରେ ପ୍ରଧାନମନ୍ତ୍ରୀ ଜନତାଙ୍କ ରାଗ ଆଳାପ କରୁଛନ୍ତି। ତେବେ ଦେଶରେ ନେତା ଓ ପାର୍ଟି ଅପେକ୍ଷା ଜନତା ସେନା ଉପରେ ଅଧିକ ଭରସା କରୁଥିବାରୁ ପାକ୍ ପୁଣି ଏକ ସାମରିକ ଶାସନ ଆଡକୁ ମୁହାଁଉଥିବା ସ୍ପଷ୍ଟ ହୋଇଯାଇଛି।

{"id":279233,"sizeSlug":"large"}

ସୂଚନାପ୍ରସାରଣ ମନ୍ତ୍ରାଳୟସେନା ହାତକୁ ଯିବା ପରେ ପୂର୍ବତନ ସେନାମୁଖପାତ୍ର ଜେନେରାଲ ଆସିଫ ଗଫୁରଙ୍କୁ ପାକିସ୍ତାନ ଟେଲିଭିଜନର ଡିଜି ନିଯୁକ୍ତ ହୋଇଛନ୍ତି। ଏଣୁ ସେନା ହାତକୁ ସୂଚନା ଓ ପ୍ରସାରଣ ମନ୍ତ୍ରାଳୟ ଯିବାପରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରୁ କେବଳ ସେହି ସବୁ ସୂଚନା ବାହାରକୁ ଯିବ ଯେଉଁଥିରେ ସେନାର ମୋହର ଥିବ ବୋଲି ସ୍ପଷ୍ଟ ହୋଇଯାଇଛି।