Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନାକରେ ବୁଷ୍ଟର ଡୋଜ୍ ପରୀକ୍ଷଣକୁ ଡିସିଜିଆଇର ମଞ୍ଜୁରୀ, ଭାରତ ବାୟୋଟେକ୍ କରିବ କ୍ଲିନିକଲ ଟ୍ରାଏଲ
  • ||
  • ରାଜ୍ୟରେ ଆଉ ୧୦ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୬୦କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୦୫୭ କୋଭିଡ୍ ପଜିଟିଭ୍, ୧୨୩୬୨୨୬ରେ ପହଞ୍ଚିଲା ସଂଖ୍ୟା
  • ||
  • ପାକିସ୍ତାନ: ବଲୁଚିସ୍ତାନ ଚେକ୍ ପୋଷ୍ଟ ଉପରେ ଆତଙ୍କୀ ହମଲା, ୧୦ ସୈନିକଙ୍କ ମୃତ୍ୟୁ
  • ||
  • ରାଉରକେଲା : ଭିଜିଲାନ୍ସ ଜାଲରେ ଲ୍ୟାମ୍ପ୍ସ ଏମ୍‌ଡି, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଭି. ଅନନ୍ତ ନାଗେଶ୍ୱରନ ହେବେ ଭାରତର ଆଗାମୀ ମୁଖ୍ୟ ଆର୍ଥିକ ପରାମର୍ଶଦାତା, ଅତିଶୀଘ୍ର ଘୋଷଣା କରିପାରନ୍ତି ସରକାର
  • ||
  • ସୋର : ଦେଶୀ ମଦ ଦୋକାନରେ ପଶି କର୍ମଚାରୀଙ୍କୁ କଟୁରୀରେ ହାଣିଲେ ଦୁର୍ବୃତ୍ତ, ଛଡାଇନେଲେ ୭୦ହଜାର ଟଙ୍କା
  • ||
  • କଣ୍ଟାବାଞ୍ଜି : ଚାଲାଣ ବେଳେ ୧୪ ଶ୍ରମିକ ଉଦ୍ଧାର, ଷ୍ଟେସନ ଯିବା ବାଟରେ ଧରିଲା ପୋଲିସ
  • ||
  • ରାଜ୍ୟରେ ୩ ଦିନ ଯାଏଁ ହାଡଭଙ୍ଗା ଶୀତ, ୬ ଜିଲ୍ଲା ବେଶୀ ଥରିବ
  • ||

ନୂଆଖାଇ ପାଳିବା ପାଇଁ ନିଜ ଜନ୍ମ ମାଟି ବଲାଙ୍ଗିରରେ ମୁଖ୍ୟ ଶାସନ ସଚିବ ଅସିତ ତ୍ରିପାଠୀ, ଆରମ୍ଭ ହେଲା ପାହୁର ଯାତ୍ରା

2/09/2019 at 4:50 PM

ବଲାଙ୍ଗିର ୨|୯: ରାତିପାହିଲେ ନୂଆଁଖାଇ । ପଶ୍ଚିମ ଓଡିଶାର ମହାନ ଗଣପର୍ବ ନୂଆଁଖାଇ ପାଇଁ ଶେଷ ପର୍ଯ୍ୟାୟରେ ପହଞ୍ଚିଛି ପ୍ରସ୍ତୁତି ।ସେପଟେ ଆରମ୍ଭ ହୋଇଛି ପାହୁର ଯାତ୍ରା । ପାରମ୍ପରିକ ବାଜାରେ ଦୁଲୁକୁଛି ବଲାଙ୍ଗିର । ନୂଆଁଖାଇ ପାଇଁ ପାହୁର ପହଞ୍ଚିବା ପରେ କାଲି ସକାଳୁ ସମସ୍ତ ମନ୍ଦିରରେ ଲାଗିହେବ ନବାନ୍ନ ।  

ବାଜୁଛି ଢୋଲ, ନିସାନ ତାସା ଏବଂ ମୁହୁରୀ । ବାହାରିଛି ଶୋଭାଯାତ୍ରା । ପାରମ୍ପରିକ ବାଦ୍ୟରେ ଦୁଲୁକୁଛି ବଲାଙ୍ଗିର ସହର । ଏହେଉଛି ପାହୁର ଯାତ୍ରା ପରମ୍ପରାର ଦୃଶ୍ୟ। ବିଶେଷ ଭାବରେ ନୂଆଁଖାଇ ପାଇଁ ହୋଇଥାଏ ଏ ପାହୁର ଯାତ୍ରା । ସହରର  ମାଁ ପାଟଣେଶ୍ବରୀ , ମାଁ ସମଲେଶ୍ବରୀ , ମାଁ ଦୁର୍ଗାଙ୍କ ସହ ବିଭିନ୍ନ ମନ୍ଦିରକୁ ଯାଇଥାଏ ପାହୁର ଭାର ।

ମନ୍ଦୀରରେ ଦେବାଦେବିଙ୍କ ପାଇଁ ନୂଆଁ ବସ୍ତ୍ର , ନୂଆଁଧାନ, ଚାଉଳ, ଡାଳି, ପନିପରିବା ଯାଇଥାଏ । ଭାରରେ ଯାଇଥିବା ନୂଆଁ ଧାନରେ ତିଆରି ହୁଏ ନୂଆଁ କୁଣ୍ଡା । ଏହାକୁ ନିର୍ଦ୍ଧାରିତ ଲଗ୍ନରେ ମାହ୍କ ନିକଟରେ ଲାଗିକରାଯାଏ । ସେପଟେ ଦିର୍ଘ ବର୍ଷ ପରେ ନିଜ ଜନ୍ମମାଟିରେ ପରିବାର ଲୋକଙ୍କସହ  ନୂଆଁଖାଇ ସମୟରେ ରହିବାର ସୁଯୋଗ ପାଇଛନ୍ତି ମୁଖ୍ୟ ଶାସନ ସଚିବ ଅସିତ କୁମାର ତ୍ରିପାଠୀ  ।

ସେପଟେ ଘରେ ଘରେ ଲାଗିଛି ବନ୍ଧୁ ବାନ୍ଧବଙ୍କ ଗହଳି । ନୂଆଁ ଖାଇ ପାଇଁ ଯିଏ ଯେତେ ଦୂରରେ ଥିଲେ ଧାଇଁ  ଆସିଛନ୍ତି । ଘର ଲିପାପୋଛା ଶେଷ । ପିଠା ପଣା ସାଙ୍ଗକୁ ସୁଆଦିଆ ବ୍ୟଞ୍ଜନ ପାଇଁ ଚାଲିଛି ପ୍ରସ୍ତୁତି ।  ପ୍ରଥମେ ମନ୍ଦିରରେ ନୂଆଁକୁଣ୍ଡା ଭୋଗ ଲାଗି ହେବା ପରେ ଘରେ ଘରେ ନିଜ ଇଷ୍ଟଦେବୀଙ୍କୁ ମଧ୍ୟ ଲାଗିହୋଇଥାଏ ।  

ଏହା ସହ ନିଜ ଚାଷ ଜମିରେ ମଧ୍ୟ କରାଯାଇଥାଏ ପୂଜା । ପରିବାର ଲୋକ ଏକାଠି ବସି ଭୋଜନ କରନ୍ତି ।  ସେପଟେ ଗଣେଶ ପୂଜା ଓ ନୂଆଁଖାଇ ପାଇଁ ବଲାଙ୍ଗିରେ  ସୁରକ୍ଷା ବ୍ୟବସ୍ଥାକୁ କଡାକଡି । କୃଷି ଭିତ୍ତିକ ଗଣ ପର୍ବକୁ ନେଇ ପଶ୍ଚିମ ଓଡ଼ିଶାବାସୀ ବେଶ ଉତ୍ସାହିତ ।

   Related Posts