Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବତନ କ୍ରିକେଟର ଅଶୋକ ଡିଣ୍ଡା ବିଜେପିରେ ସାମିଲ
  • ||
  • ମହାରାଷ୍ଟ୍ରରେ ବେକାବୁ କରୋନା ! ଗତ ୨୪ ଘଣ୍ଟାରେ ପାଖାପାଖି ୯ ହଜାର ସଂକ୍ରମତି ଚିହ୍ନଟ
  • ||
  • କଟକ : ବିଧାୟକ ପ୍ରଦୀପ ପାଣିଗ୍ରାହୀଙ୍କୁ ହାଇକୋର୍ଟରୁ ମିଳିଲା ଜାମିନ୍
  • ||
  • ଝାରସୁଗୁଡା : ଗଛରେ ଝୁଲୁଛି ଜବାନଙ୍କ ମୃତଦେହ, ଆତ୍ମହତ୍ୟା ନା ହତ୍ୟା ?
  • ||
  • ସାଲେପୁର : ବୃଦ୍ଧାଙ୍କଠାରୁ ୧୪ହଜାର ଟଙ୍କା ଲୁଟିନେଲେ ଦୁର୍ବୃତ୍ତ, ପେନସନ୍ ଉଠାଇ ଖାଇବା ବେଳେ ଲୁଟ୍‌ର ଶିକାର
  • ||
  • ଭୁବନେଶ୍ବର : ମେ ୧୮ ତାରିଖରୁ ଆରମ୍ଭ ହେବ ଯୁକ୍ତ ୨ ପରୀକ୍ଷା
  • ||
  • ସିରିଜ୍ ଦୁର୍ଘଟଣା : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ପିଟିଲା ଇନୋଭା, ୪ ଆହତ
  • ||
  • ଭୁବନେଶ୍ବର : ବାଣୀବିହାରରେ ବାଇକ୍‌କୁ ଧକ୍କା ଦେଇ ଫାୟାରଷ୍ଟେସନରେ ୩ଟି କାର୍‌କୁ ଧକ୍କାଦେଲା ଇନୋଭା
  • ||
  • କୁଚିଣ୍ଡା : ମା’-ପୁଅକୁ ଦଳିଦେଲା ଦନ୍ତା, ଗୁରୁତର ବାପା ମେଡିକାଲରେ ଭର୍ତ୍ତି
  • ||
  • ଲକ୍ଷ୍ନୌ : କାରକୁ ଧକ୍କା ଦେଇ ଓଲଟିଲା ଟ୍ୟାଙ୍କର, ୭ମୃତ
  • ||

‘ପଦ୍ମଶ୍ରୀ’ ସମ୍ମାନ ବଦଳରେ ମୋତେ ଆୟକର ଛାଡ଼ କରାଯାଉ: ଲଙ୍ଗର ବାବା

26/01/2020 at 6:10 PM

ନୂଆଦିଲ୍ଲୀ୨୬/୧: ଜମି ବିକ୍ରି କରି ୩୯ ବର୍ଷ ହେଲା ଲୋକମାନଙ୍କୁ ମାଗଣାରେ ଖାଇବାକୁ ଦେଉଥିବା ଲଙ୍ଗର ବାବାଙ୍କୁ ନେଇ ଚର୍ଚ୍ଚା ଚାଲିଛି। କେନ୍ଦ୍ର ସରକାରଙ୍କ ଦ୍ବାରା ପଦ୍ମଶ୍ରୀ ସମ୍ମାନରେ ତାଙ୍କୁ ସମ୍ମାନୀତ କରାଯିବ ବୋଲି ଘୋଷଣା ସରିଛି। ପରିଣତ ବୟସରେ ବାଟ ଗଲା ଲୋକଙ୍କୁ ଡାକି ଅନ୍ନ ପ୍ରଦାନ କରିବା ଲଙ୍ଗର ବାବାଙ୍କ ନିତିଦିନିଆ କାମ। ଲଙ୍ଗର ବାବାଙ୍କ ବୟସ ୮୫ ବର୍ଷ। ଏହି ସହୃଦୟ ବ୍ୟକ୍ତିଙ୍କ ପ୍ରକୃତ ନାମ ଜଗଦୀଶ ଆହୁଜା। ଶ୍ରଦ୍ଧାରେ  ଲୋକମାନେ ତାଙ୍କୁ ଲଙ୍ଗର ବାବା ବୋଲି ଡାକନ୍ତି। ଜଗଦୀଶ କହିଛନ୍ତି ଯେ ତାଙ୍କୁ ପଦ୍ମଶ୍ରୀ ସମ୍ମାନ ବଦଳରେ ଆୟକର (ଇନ୍‌କମ୍ ଟ୍ୟାକ୍ସ) ଛାଡ଼ କଲେ ହୁଏତେ ସେ ଅଧିକ ଲୋକଙ୍କୁ ମାଗଣାରେ ଖାଦ୍ୟ ଦେଇ ପାରିବେ।

ଜାତୀୟ ଗଣମାଧ୍ୟମର ଖବର ଅନୁସାରେ ଚଣ୍ଡିଗଡ଼ରେ ଜଗଦୀଶ ବା ଲଙ୍ଗର ବାବା ୩୯ ବର୍ଷ ହେଲା ମାଗଣାରେ ଲୋକମାନଙ୍କୁ ଆହାର ପରଷୁଛନ୍ତି। ଏପରି କି ଲୋକମାନଙ୍କ ସେବା ପାଇଁ ଜଗଦୀଶ ନିଜ ସମସ୍ତ ସମ୍ପତ୍ତି ମଧ୍ୟ ବିକ୍ରି କରି ସାରିଲେଣି। ଲୋକମାନଙ୍କ ସେବାରେ ତାଙ୍କୁ ଆତ୍ମସନ୍ତୋ​‌ଷ ମିଳୁଥିବା ସେ କହିଛନ୍ତି। ତାଙ୍କ ଜୀବନ ଅତି ଦୁଃଖରେ କଟିଛି। ପଟିଆଲାରେ ଗୁଡ଼ ଓ ଫଳ ବିକ୍ରି କରି ଜଗଦୀଶ ନିଜର ଗୁଜୁରାଣ ମେଣ୍ଟାଉଥିଲେ। ୧୯୫୬ ମସିହା ପ୍ରାୟ ୨୧ ବର୍ଷ ବୟସରେ ସେ ଚଣ୍ଡିଗଡ଼ରେ ପହଞ୍ଚିଥିଲେ। ଚଣ୍ଡିଗଡ଼ ସହରରେ ଜଗଦୀଶ ଏକ ଭଡ଼ା ଘର ନେଇ ଫଳ ବିକ୍ରି କରିବା ଆରମ୍ଭ କରି ଦେଇଥିଲେ।

ଜଗଦୀଶ କହିଛନ୍ତି ଯେ ଚଣ୍ଡିଗଡ଼ ଆସିବା ସମୟରେ ତାଙ୍କ ପାଖରେ କେବଳ ୪ଟଙ୍କା ୧୫ ପଇସା ଥିଲା। ଚଣ୍ଡିଗଡ଼ ସହରରେ ଜଗଦୀଶ ବହୁ ସଂଘର୍ଷ କରିବା ପରେ ଜୀବନର ଲକ୍ଷ୍ୟସ୍ଥଳରେ ପହଞ୍ଚିଛନ୍ତି। ବର୍ତ୍ତମାନ ସେ ଭଲ ରୋଜଗାର ମଧ୍ୟ କରୁଛନ୍ତି। ୧୯୪୭ ମସିହାରେ ତାଙ୍କ ଜନ୍ମସ୍ଥାନ ପେଶାବରରୁ ବିସ୍ଥାପିତ ହୋଇ ପଞ୍ଜାବର ମାନସା ସହରରେ ୧୨ ବର୍ଷରୁ ସଂଘର୍ଷ ଆରମ୍ଭ କରିଥିଲେ। ଜଗଦୀଶ ଆଜି ଲଙ୍ଗର ବାବା ନାମରେ ବେଶ ପରିଚିତ। ତାଙ୍କର ଏଭଳି କାର୍ଯ୍ୟ ପାଇଁ ଜଗଦୀଶ କେନ୍ଦ୍ର ସରକାରଙ୍କ ପଦ୍ମଶ୍ରୀ ସମ୍ମାନରେ ସମ୍ମାନୀତ ହେବାକୁ ଯାଉଛନ୍ତି।

   Related Posts