Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଲକ୍‌ଡାଉନ୍‌ରେ କୋହଳ: ଆଉଟ୍‌ଡୋରରେ ଟ୍ରେନିଂ ଆରମ୍ଭ କରିବାରେ ପ୍ରଥମ ଭାରତୀୟ କ୍ରିକେଟ୍‌ର ହେଲେ ଏହି ଖେଳାଳି

23/05/2020 at 9:08 PM

ପାଲଘର ୨୩।୦୫: ଦ୍ରୁତ ବୋଲର ଶାର୍ଦ୍ଦୁଳ ଠାକୁର କରୋନ ଭାଇରସ୍‌ ଲକ୍‌ଡାଉନ୍‌ କାରଣରୁ ଦୁଇ ମାସ ପର୍ଯ୍ୟନ୍ତ କ୍ରିକେଟ୍‌ରୁ ଦୂରେଇ ରହିବା ପରେ ଶନିବାର ଆଉଟ୍‌ଡୋର ଟ୍ରେନିଂ ଆରମ୍ଭ କରିବାରେ ପ୍ରଥମ ଭାରତୀୟ କ୍ରିକେଟ୍‌ର ହୋଇଛନ୍ତି। ଭାରତ ପାଇଁ ଗୋଟିଏ ଟେଷ୍ଟ, ୧୧ ଦିନିକିଆ ଓ ୧୫ ଟି-୨୦ ଅନ୍ତରାଷ୍ଟ୍ରୀୟ ମ୍ୟାଚ୍‌ ଖେଳିଥିବା ଶାର୍ଦ୍ଦୁଳ ମହାରାଷ୍ଟ୍ରର ପାଲଘର ଜିଲ୍ଲାର ବୋଇସରରେ ସ୍ଥାନୀୟ ପଡିଆରେ କିଛି ଘରୋଇ ଖେଳାଳିଙ୍କ ସହିତ ଅଭ୍ୟାସ୍ ଆରମ୍ଭ କରିଛନ୍ତି।

ମହାରାଷ୍ଟ୍ର ସରକାର ଗ୍ରୀନ ଓ ଅରେଞ୍ଜ ଜୋନ୍‌ରେ ବିନା ଦର୍ଶକରେ ବ୍ୟକ୍ତିଗତ ଟ୍ରେନିଂ ପାଇଁ ଷ୍ଟାଡିୟମ ଖୋଲିବାକୁ ଅନୁମତି ଦେଇଛନ୍ତି। ଗୃହ ମନ୍ତ୍ରଣାଳୟ ମେ ୩୧ ପର୍ଯ୍ୟନ୍ତ  ଜାରି ଚତୁର୍ଥ ପର୍ଯ୍ୟାୟ ଲକ୍‌ଡାଉନ୍‌ରେ କିଛି କୋହଳ କରିଛନ୍ତି।

୨୮ ବର୍ଷୀୟ ଶାର୍ଦ୍ଦୁଳ ଠାକୁର ପିଟିଆଇକୁ କହିଛନ୍ତି, ମୁଁ ଆଜି ଅଭ୍ୟାସ୍ ଆରମ୍ଭ କରିଛି। ବହୁତ ଆରାମ ଅନୁଭବ କରୁଛି। ଦୁଇ ମାସ ପରେ ଟ୍ରେନିଂ କରିବା ନିଶ୍ଚିତ ରୂପେ ଭଲ କଥା। ଜଣେ ଅଧିକାରୀ କହିଛନ୍ତି, ପାଲଘର ଦାହାନୁ ତାଲୁକା କ୍ରୀଡା ସଙ୍ଘ ବୋଇସରରେ ନେଟ୍ ଅଭ୍ୟାସ୍‌ ଆରମ୍ଭ କରି ଦେଇଛନ୍ତି। ଏହା ମୁମ୍ବାଇରୁ ୧୧୦ କିମି ଦୂର।

ସୁରକ୍ଷା ସମ୍ବନ୍ଧିତ ସମସ୍ତ ଗାଇଡ୍‌ ଲାଇନ୍‌ ପାଳନ  କରାଯାଇଛି। ବୋଲରଙ୍କୁ ଯେଉଁ  ବୋଲ ମିଳିଛି ତାକୁ ପ୍ରଥମେ ସଂକ୍ରମଣବିହୀଣ କରାଗଲା ଓ ଯେଉଁ ଖେଳାଳି ଅଭ୍ୟାସ୍ ପାଇଁ ପହଞ୍ଚିଲେ ସମସ୍ତଙ୍କର ସ୍କ୍ରିନିଂ କରାଗଲା।

   Related Posts