ଖଲ୍ଲିକୋଟ ୨୦।୫: ଗଞ୍ଜାମ ଜିଲ୍ଲା ସଦର ମହକୁମା ଛତ୍ରପୁର ହସ୍ପିଟାଲରେ ଅକ୍ସିଜେନ୍ ପ୍ଲାଣ୍ଟ ସ୍ଥାପନ ହେବାର ଯୋଜନା ରହିଛି । ଏନେଇ ଏକ ପ୍ରସ୍ତାବ ରାଜ୍ୟ ସରକାରଙ୍କ ନିକଟରୁ ଆସିଥିବା ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ସୂଚନା ଦେଇଛନ୍ତି । ଏନେଇ ଗୁରୁବାର ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଳାଙ୍ଗେ ଛତ୍ରପୁର ମେଡିକାଲରେ ପହଞ୍ଚି ଏକ ସାଇଟ୍ ସିଲେକ୍ସନ ହୋଇଛି । ୨୦ କିଲୋ ଲିଟର ବିଶିଷ୍ଟ ଉକ୍ତ ପ୍ଲାଣ୍ଟରୁ ପାଇପ୍ ଯୋଗେ ହସ୍ପିଟାଲର ରୋଗୀଙ୍କୁ ଯୋଗାଣ ହେବ ଅକ୍ସିଜେନ୍ ।

{"id":454860,"sizeSlug":"large","linkDestination":"none"}

ବ୍ରହ୍ମପୁର ଏମକେସିଜିରେ ଅକ୍ସିଜେନ୍ ପ୍ଲାଣ୍ଟ ଗୁରୁବାର କାର୍ଯ୍ୟକ୍ଷମ ହେବ । ସାଇଟ୍ ସିଲେକ୍ସନ ପରେ ସମସ୍ତ ରିପୋର୍ଟ ରାଜ୍ୟ ସରକାରଙ୍କ ନିକଟକୁ ପଠାଯିବ ବୋଲି କୁହାଯାଇଛି । ଏହି ପ୍ଲାଣ୍ଟ ହେଲେ ରୋଗୀଙ୍କୁ ଅକ୍ସିଜେନର ଅଭାବ ରହିବ ନାହିଁ । ବର୍ତ୍ତମାନ ଅକ୍ସିଜେନ୍ ଅଭାବରୁ ବହୁ ରୋଗୀଙ୍କର ମୃତ୍ୟୁ ହେଉଛି ।

ଜିଲ୍ଲାପାଳଙ୍କ ପରିଦର୍ଶନ ବେଳେ ହସ୍ପିଟାଲ ସୁପରିଟଣ୍ଡେଣ୍ଟ ଡାକ୍ତର ପ୍ରଫୁଲ୍ଲ ଚନ୍ଦ୍ର ଗୌଡ଼, ହସ୍ପିଟାଲ ମ୍ୟାନେଜର ସନ୍ତୋଷ କୁମାର ପଣ୍ଡା, ରାସ୍ତା ଓ କୋଠାବାଡି ବିଭାଗ-୨ର ନିର୍ବାହୀଯନ୍ତ୍ରୀ ତପନ କୁମାର ପାଣିଗ୍ରାହୀ, ସହକାରୀ ଯନ୍ତ୍ରୀ ଅଶୋକ କୁମାର ବେହେରା ପ୍ରମୁଖ ଉପସ୍ଥିତ ଥିଲେ ।