ନୂଆଦିଲ୍ଲୀ ୩୧।୩: ସାରା ବିଶ୍ବରେ କରୋନା ଭାଇରସ୍ ସଂକ୍ରମଣ ବୃଦ୍ଧି ପାଇବାରେ ଲାଗିଛି । ଏହି ସମୟରେ ସେଣ୍ଟର୍ସ ଫର୍ ଡିଜିଜ୍ କଣ୍ଟ୍ରୋଲ ଆଣ୍ଡ୍ ପ୍ରିଭେନସନ୍ (ସିଡିସି) କହିଛି ଯେ ଦାଢି ରଖିଥିବା ଲୋକମାନଙ୍କୁ ଏହି ଭାଇରସ୍ ସଂକ୍ରମଣ ଅଧିକ ହେବାର ଆଶଙ୍କା ରହିଛି । ସିଡିସି ଅନୁଯାୟୀ, କରୋନା ଭାଇରସ୍ ସଂକ୍ରମଣରୁ ବର୍ତ୍ତିବା ପାଇଁ ସ୍ବାସ୍ଥ୍ୟର ଯତ୍ନ ନେବା ଅତ୍ୟନ୍ତ ଜରୁରୀ । ବାହାରକୁ ବାହାରିବାବେଳେ ମୁହଁରେ ମାସ୍କ ପିନ୍ଧିବା ଉଚିତ୍ ଏବଂ କୌଣସି ଜିନିଷକୁ ସ୍ପର୍ଶ କରିବା ମାତ୍ରେ ହାତ ଧୋଇବା ଉଚିତ୍ ।
ଆଜିକାଲି ଲୋକମାନଙ୍କ ମଧ୍ୟରେ ଦାଢି ରଖିବାର କ୍ରେଜ୍ ଅଧିକ ରହିଛି । କିନ୍ତୁ ଆପଣ ଜାଣିଛନ୍ତି କି ଆପଣଙ୍କର ଷ୍ଟାଇଲିସ୍ ଦାଢି ଲୁକ୍ ଆପଣଙ୍କ ଜୀବନକୁ ବିପଦରେ ପକାଇପାରେ ? ସିଡିସି ଅନୁଯାୟୀ, ମୁହଁକୁ ସୁରକ୍ଷା ପ୍ରଦାନ କରୁଥିବା ଫେସ୍ ମାସ୍କ ଦାଢି ଯୋଗୁଁ ମୁହଁରେ ସଠିକ୍ ଭାବେ ଫିଟ୍ ହୋଇପାରି ନଥାଏ । ଏହି ଅବହେଳା ଯୋଗୁଁ ଲୋକମାନେ ସହଜରେ କରୋନା ଭାଇରସ୍ ସଂସ୍ପର୍ଶରେ ଆସିପାରନ୍ତି ।
ନ୍ୟୁୟର୍କ ୟୁନିଭରସିଟିର ଲଙ୍ଗୋନ୍ ମେଡିକାଲ୍ ସେଣ୍ଟରରେ ଆଲର୍ଜି ଏବଂ ସଂକ୍ରାମକ ବିଶେଷଜ୍ଞ ଇଷ୍ଟର୍ଣ୍ଣ ପାରିକ୍ ପୂର୍ବରୁ କହିଛନ୍ତି ଯେ ମଣିଷର ନଖ କେତେ ବିପଜ୍ଜନକ ହୋଇପାରେ । ଇଷ୍ଟର୍ଣ୍ଣ ପାରିକ୍ କହିଛନ୍ତି ଯେ, କିଛି ଲୋକ ସେମାନଙ୍କର ଖରାପ ଅଭ୍ୟାସ କରୋନାର ଶିକାର ହୋଇପାରନ୍ତି । ସେ କହିଥିଲେ ଆମ ନଖରେ ବ୍ୟାକ୍ଟେରିଆ ଭାଇରସ୍, ମଇଳା କିମ୍ବା ଅଳିଆ ସହଜରେ ଜମା ହୋଇପାରିଥାଏ । ଯେତେବେଳେ କେହି ନିଜ ନଥ ଚୋବାଇଥାନ୍ତି, ଏହି ସବୁ ଜିନିଷ ଶରୀରରେ ସହଜରେ ରହିଯାଏ ।
ଏଥିପାଇଁ ଚେଷ୍ଟା କରନ୍ତୁ କରୋନା ଭାଇରସ୍ ଯୋଗୁଁ ଲକ୍ ଡାଉନ୍ ସମୟରେ ନିଜର ଯତ୍ନ ନେବାକୁ । ସ୍ବାସ୍ଥ୍ୟକୁ ନେଇ କୌଣସି ପ୍ରକାରର ଅବହେଳା କରନ୍ତୁନାହିଁ । ଦାଢି କିମ୍ବା ନଖକୁ ସଫା କରନ୍ତୁ ଯାହା ଦ୍ବାରା ଆପଣଙ୍କ ଜୀବନ ପ୍ରତି କୌଣସି ବିପଦ ସୃଷ୍ଟି ହେବେ ନାହିଁ।
