Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୬୫ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୦୯ କରୋନା ସଂକ୍ରମିତ, ୩୨୦୮୦୩ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଯାଜପୁର : ରାସ୍ତା ନିର୍ମାଣକୁ କେନ୍ଦ୍ର କରି ଗୋଷ୍ଠୀ ସଂଘର୍ଷ, ୭ ଆହତ
  • ||
  • ବୁର୍ଲା ଭୀମସାରରେ ଅଘଟଣ, ବିଦ୍ୟୁତ ତାର ଛିଣ୍ଡି ପୋଡିଗଲା ରକ୍ତ ଭଣ୍ଡାର ଓ ପ୍ଲାଜମା ବ୍ୟାଙ୍କର ୫ଟି ଫ୍ରିଜର
  • ||
  • ଯୁକ୍ତ ୨ କଲେଜ୍ ଖୋଲିବାକୁ ପ୍ରସ୍ତୁତି ! ବିଶୋଧନ ଓ ସଫା କରି କ୍ଲାସ୍ ରୁମ୍ ପ୍ରସ୍ତୁତ କରିବାକୁ ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ
  • ||
  • ଫ୍ରାନ୍ସରେ ବିଜୟ ମାଲ୍ୟାଙ୍କ ବିରୋଧରେ EDଙ୍କ ବଡ କାର୍ଯ୍ୟାନୁଷ୍ଠାନ, ଜବତ ହେଲା ୧.୬ ମିଲିୟନ ୟୁରୋ ସମ୍ପତ୍ତି
  • ||

ଏବେ ପୁଅ ନୁହେଁ ବରଂ ଝିଅ ପ୍ରଥମ ପସନ୍ଦ, ବର୍ଷକୁ ୨ହଜାରରୁ ଅଧିକ ଝିଅଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଛି

2/11/2020 at 11:47 AM

ନୂଆଦିଲ୍ଲୀ ୨।୧୧: ଦେଶରେ ଅଧିକାଂଶ ଲୋକ ଶିଶୁ ପୁତ୍ର ତୁଳନାରେ ଶିଶୁ କନ୍ୟାଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବାକୁ ଇଚ୍ଛା ପ୍ରକାଶ କରୁଛନ୍ତି । ଦେଶରେ ଚଳିତ ବର୍ଷ ମୋଟ୍ ୩୫୩୧ ଶୁଶୁଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଥିବା ବେଳେ ସେମାନଙ୍କ ମଧ୍ୟରୁ ୨୦୬୧ ଶିଶୁ କନ୍ୟା ରହିଛନ୍ତି । ସଂଖ୍ୟା ଅନୁସାରେ ମହାରାଷ୍ଟ୍ରରେ ସବୁଠୁ ଅଧିକ ଶିଶୁଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଛି । ଚାଇଲ୍ଡ ଆଡପସନ୍ ରିସୋର୍ସ ଅଥୋରିଟି (CARA) ର ଆକଳନ ଅନୁସାରେ ୧ ଅପ୍ରେଲ ୨୦୧୯ରୁ ୩୧ ମାର୍ଚ୍ଚ ୨୦୨୦ ମଧ୍ୟରେ ୧୪୭୦ ଶିଶୁ ପୁତ୍ର ଏବଂ ୨୦୬୧ ଶିଶୁ କନ୍ୟାଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଛି ।

ଦେଶବ୍ୟାପୀ ଶିଶୁ ପୁତ୍ରକୁ ପ୍ରାଥମିକତା ଦେବାର ଚଳନି ପରିପ୍ରେକ୍ଷୀରେ ଜଣେ ଅଧିକାରୀ କହିଛନ୍ତି ଯେ, ଏବେ ଲୋକଙ୍କ ମାନସିକତା ଧିରେ ଧିରେ ପରିବର୍ତ୍ତନ ହେବାରେ ଲାଗିଛି । ଏବେ ଅଧିକାଂଶ ଲୋକ ଶିଶୁ କନ୍ୟାଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବାକୁ ଇଚ୍ଛା ପ୍ରକାଶ କରୁଛନ୍ତି । ସେ କହିଛନ୍ତି ଯେ, ପୋଷ୍ୟ ସନ୍ତାନ ଗ୍ରହଣ କରୁଥିବା ଲୋକଙ୍କୁ ଦୁଇଟି ବିକଳ୍ପ ଦିଆଯାଇଥାଏ । ସେମାନେ ଶିଶୁ ପୁତ୍ର ଏବଂ ଶିଶୁ କନ୍ୟା ଭିତରୁ ଜଣଙ୍କୁ ବାଛିବେ ଅଥବା ସେମାନେ କାହାରିକୁ ପ୍ରାଥମିକତା ଦେବେ ନାହିଁ । ଅଧିକାଂଶ ଶିଶୁ କନ୍ୟାଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରିବାକୁ ରୁଚି ଦେଖାଉଛନ୍ତି । ମାତ୍ର କିଛି ସାମାଜିକ କର୍ମୀ କହିଛନ୍ତି ଯେ, ପୋଷ୍ୟ ସନ୍ତାନ ଭାବେ ଗ୍ରହଣ କରିବାକୁ ଶିଶୁ କନ୍ୟାଙ୍କ ସଂଖ୍ୟା ଅଧିକ ରହିଛି ।

ସେଣ୍ଟର ଫର୍ ଆଡଭୋକେସି ଆଣ୍ଡ୍ ରିସର୍ଚ୍ଚର କାର୍ଯ୍ୟକାରୀ ନିର୍ଦ୍ଦେଶକ କହିଛନ୍ତି ଯେ, କୌଣସି ପୋଷ୍ୟ ସନ୍ତାନ ଗ୍ରହଣ କରାଯାଉଥିବା ସଂସ୍ଥାରେ ଆପଣ ଅଧିକାଂଶ ଶିଶୁ କନ୍ୟାଙ୍କୁ ଦେଖିବାକୁ ପାଇବେ । ଏଥିପାଇଁ ଏହାକୁ ପ୍ରଗତିଶୀଳ ମାନସିକତା ଭାବିବା ଭୁଲ ଅଟେ । ସମସ୍ୟାର କିଛି ସରଳୀକରଣ କରିବା ଉଚିତ୍ । ସେ କହିଛନ୍ତି ଯେ, କିଛି ପରିବାରରେ ଶୁଶୁ ପୁତ୍ରଙ୍କୁ ହିଁ ପ୍ରାଥମିକତା ଦିଆଯାଇଥାଏ । ଏପରିକି ଗର୍ଭରେ ଶିଶୁର ଲିଙ୍ଗ ନିରୂପଣ କରାଯାଇଥାଏ । ଗର୍ଭରେ କନ୍ୟା ସନ୍ତାନ ଥିଲେ ଗର୍ଭପାତ ମଧ୍ୟ କରାଇଦିଆଯାଏ । ଏତିମି ଅନେକ ଲୋକ ଅଛନ୍ତି ଶିଶୁ କନ୍ୟା ଜନ୍ମ ହେବା ପରେ ତାକୁ ପରିତ୍ୟାଗ ମଧ୍ୟ କରିଥାନ୍ତି ।

ସଂଖ୍ୟା ଅନୁସାର ଗତ ବର୍ଷ ଅପ୍ରେଲରୁ ଚଳିତ ବର୍ଷ ମାର୍ଚ୍ଚ ପର୍ଯ୍ୟନ୍ତ ୦-୫ ବର୍ଷ ବୟସର ୩୧୨୦ ଶିଶୁଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଛି । ୫-୧୮ ବର୍ଷ ବୟସର ୪୧୧ ଶିଶୁଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଛି । ମହାରାଷ୍ଟ୍ରରେ ସର୍ବାଧିକ ୬୧୫ ଶିଶୁଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଛି । ଏହା ବ୍ୟତୀତ କର୍ଣ୍ଣାଟକରେ ୨୭୨, ତାମିଲନାଡୁରେ ୨୭୧, ଉତ୍ତରପ୍ରଦେଶରେ ୨୬୧ ଏବଂ ଓଡିଶାରେ ୨୫୧ ଶିଶୁଙ୍କୁ ପୋଷ୍ୟ ସନ୍ତାନ ଭାବେ ଗ୍ରହଣ କରାଯାଇଛି ।

   Related Posts