Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ଓଟିଟିରେ ସକ୍ରିୟ ହେଲା ସେନ୍ସର୍‌ ବୋର୍ଡ: ମାମଲା ଦାଏର୍‌ ହେବାର ୨୪ ଘଣ୍ଟା ମଧ୍ୟରେ ହଟାଯିବ ଆପତ୍ତିଜନକ କଣ୍ଟେଣ୍ଟ୍‌

25/02/2021 at 3:16 PM

ନୂଆଦିଲ୍ଲୀ, ୨୫/୦୨: ଭାରତ ସରକାର ଗୁରୁବାର ସୋସାଲ୍‌ ମିଡିଆ ଏବଂ ଓଟିଟି ପ୍ଲାଟ୍‌ଫର୍ମ ପାଇଁ ଗାଇଡ୍‌ଲାଇନ୍‌ ଜାରି କରିଛନ୍ତି । କେନ୍ଦ୍ରମନ୍ତ୍ରୀ ପ୍ରକାଶ ଜାଭଡ଼େକର ଓ ରବିଶଙ୍କର ପ୍ରସାଦ ଏକ ସାମ୍ୱାଦିକ ସମ୍ମୀଳନୀ କରି ଏହାର ସୂଚନା ଦେଇଛନ୍ତି ।

ରବିଶଙ୍କର ପ୍ରସାଦ ଏନେଇ କହିଛନ୍ତି ଯେ, ସୋସାଲ୍‌ ମିଡିଆ ପ୍ଲାଟ୍‌ଫର୍ମକୁ ନେଇ ଭାରତରେ ବ୍ୟବସାୟ କରିବାକୁ ସ୍ୱାଗତ କରାଯାଉଛି । ସରକାର ଏଥିପାଇଁ ଆଲୋଚନା କରିବାକୁ ପ୍ରସ୍ତୁତ ରହିଛନ୍ତି । କିନ୍ତୁ ସୋସାଲ୍‌ ମିଡିଆକୁ ଖରାପ ଉଦ୍ଦେଶ୍ୟରେ ବ୍ୟବହାର କରିବାକୁ ନେଇ ହୋଇଥିବା ମାମଲାର ସାମ୍ନା କରିବାକୁ ମଧ୍ୟ ପଡ଼ିବ । ସୋସାଲ୍‌ ମିଡିଆ ପାଇଁ ଯେଉଁ ସବୁ ନିୟମ ଜାରି କରାଯାଇଛି ତାହାକୁ ୩ ମାସ ମଧ୍ୟରେ ଲାଗୁ କରାଯିବ ।

ସେ ପୁଣି କହିଛନ୍ତି, ଭାରତରେ ହ୍ୱାଟ୍ସ ଆପ୍‌ର ୫୩ କୋଟି, ଫେସ୍‌ବୁକ୍‌ର ୪୦ କୋଟିରୁ ଅଧିକ ଏବଂ ଟ୍ୱିଟର୍‌ରେ ପାଖାପାଖି ୧ କୋଟିରୁ ଅଧିକ ବ୍ୟବହାରକାରୀ ରହିଛନ୍ତି । ଭାରତରେ ଏହି କମ୍ପାନୀ ଗୁଡ଼ିକର ସେବା ଅଧିକ ବ୍ୟବହାର କରାଯାଉଛି । କିନ୍ତୁ ଏହି ପ୍ଲାଟଫର୍ମକୁ ନେଇ ଦିନକୁ ଦିନ ସମସ୍ୟା ବଢ଼ିବାରେ ଲାଗିଛି । ତେଣୁ ଏହାର ସମାଧାନ ଜରୁରୀ ।

ପ୍ରକାଶ ଜାଭଡ଼େକର ଏନେଇ କହିଛନ୍ତି ଯେ, ଓଟିଟି ପ୍ଲାଟଫର୍ମ ବା ଡିଜିଟାଲ୍‌ ମିଡିଆକୁ ନିଜ କାମର ସୂଚନା ଦେବାକୁ ପଡ଼ିବ । ଏହା କିପରି କଣ୍ଟେଣ୍ଟ୍‌ ପ୍ରସ୍ତୁତ କରୁଛନ୍ତି ସେ ନେଇ ଜଣାଇବେ । ଏହାପରେ ସମସ୍ତଙ୍କୁ ସେଲ୍ଫ ରେଗୁଲେସନ୍‌କୁ ଲାଗୁ କରିବାକୁ ପଡ଼ିବ । ଏଥିପାଇଁ ଏକ ବୋର୍ଡ ପ୍ରସ୍ତୁତ କରାଯିବ । ଯେଉଁଥିରେ ସୁପ୍ରିମ୍‌ କୋର୍ଟର ଅବସରପ୍ରାପ୍ତ ଜର୍ଜ କିମ୍ୱା ଅନ୍ୟ ଜଣେ ବ୍ୟକ୍ତି ଏହାର ମୁଖ୍ୟ ରହିବେ । ଇଲେକ୍ଟ୍ରୋନିକ୍ସ ମିଡିଆ ଭଳି ଡିଜିଟାଲ୍‌ ପ୍ଲାଟଫର୍ମକୁ ମଧ୍ୟ ନିଜର ଭୁଲ୍‌ ପାଇଁ କ୍ଷମା ପାର୍ଥନା କରିବାକୁ ହେବ ।    
 

   Related Posts