Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରଲୋକରେ ଦିବଙ୍ଗତ ଅଭିନେତା ବିଜୟ ମହାନ୍ତିଙ୍କ ମାଆ
  • ||
  • ଭୁବନେଶ୍ୱରରେ ପହଞ୍ଚିଲା ପ୍ରଥମ ପର୍ଯ୍ୟାୟ କୋଭିସିଲ୍ଡ ଟିକା, ୧୮ ବର୍ଷରୁ ୪୪ ବର୍ଷ ବୟସ୍କଙ୍କୁ ଦିଆଯିବ
  • ||
  • କୁକୁର ଆକ୍ରମଣରେ ହରିଣ ଗୁରୁତର, ଉଦ୍ଧାର କଲେ ଗାଁ ଲୋକେ…
  • ||
  • କଳାହାଣ୍ଡି : ଘର ବାହାରେ ଶୋଇଥିବା ବେଳେ ମାଡିଗଲା ଟ୍ରକ୍, ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ସାନଖେମୁଣ୍ଡି : କୋଭିଡ୍ କଟକଣା ଉଲଂଘନ କରି ଗାଁରେ ଚାଲିଥିଲା ବାହାଘର ଭୋଜିଭାତ, ବନ୍ଦ କଲା ପ୍ରଶାସନ
  • ||
  • ଚୋରି କରୁଥିଲା ବିଦ୍ୟୁତ ଖୁଣ୍ଟ, ଗାଁ ଲୋକଙ୍କ ହାତରେ ଧରାପଡିଲା ଚୋର
  • ||
  • ରାଜ୍ୟରେ କରୋନା ନେଲା ଆଉ ୨୧ଜଣଙ୍କ ଜୀବନ, ୨୧୬୧ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ୧୧ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୧,୮୦୭ ପଜିଟିଭ୍
  • ||
  • କମିଲା ତାତି : ଆଜି ଏହି ସବୁ ଜିଲ୍ଲାରେ ବଜ୍ରପାତ ସହ କୁଆପଥର ବର୍ଷା ସମ୍ଭାବନା
  • ||
  • ସଂକ୍ରମଣ ରୋକିବାକୁ ରାଜ୍ୟରେ ସାପ୍ତାହିକ ସଟ୍‌ଡାଉନ୍, ଜରୁରୀ ସେବାକୁ ଛାଡ଼ିଦେଲେ ସବୁ ବନ୍ଦ
  • ||

ବିପଦ ସଙ୍କୁଳ ଅବସ୍ଥାରେ ଥିବା କୋଠା ଭୁଶୁଡିବା ପରେ ପ୍ରଶାସନର ଚେତା ପଶିଲା- ଭଙ୍ଗା ହେବ ଅନ୍ୟ ଦୁର୍ବଳ କୋଠା

23/11/2019 at 9:05 PM

ଜୟପୁର ୨୩।୧୧ –  ଜୟପୁର ବାରିଣୀପୁଟରେ ପରିତ୍ୟକ୍ତ ଘର ଭୁଶୁଡ଼ିବା ଘଟଣାରେ ଉଦ୍ଧାର ହୋଇଥିବା ୪ଜଣଙ୍କ ଭିତରୁ ଜଣେ ନାବାଳକର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଛି । ଅନ୍ୟ ୩ଜଣ ଗୁରୁତରଙ୍କ ଚିକିତ୍ସା ଚାଲିଛି । ଦୁର୍ଘଟଣାସ୍ଥଳ ପରିଦର୍ଶନ କରିଛନ୍ତି ଜୟପୁର ଉପ ଜିଲ୍ଲାପାଳ । ସେପଟେ କୋଲାବ ଡିଭିଜନ ଅଧୀନରେ ଥିବା ଦୁର୍ବଳ କୋଠାକୁ ଖୁବ୍ ଶୀଘ୍ର ଭାଙ୍ଗିବାକୁ ନିଷ୍ପତ୍ତି ନିଆଯାଇଥିବା କହିଛନ୍ତି ଅପର କୋଲାବ ପ୍ରକଳ୍ପର ମୁଖ୍ୟ ନିର୍ମାଣ ଯନ୍ତ୍ରୀ । ….

୭ ଘଣ୍ଟାର କଷ୍ଟସାଧ୍ୟ ଅପରେସନ । ରେସକ୍ୟୁ ସମୟରେ ଅତି ସତର୍କତାର ସହ ନେବାକୁ ପଡ଼ୁଥିଲା ଗୋଟିକ ପରେ ଗୋଟିଏ ଷ୍ଟେପ୍ । କାରଣ ଭଙ୍ଗା କଙ୍କ୍ରିଟ୍ ଛାତ ତଳେ ଫସି ରହିଥିଲା ୪ ଚାରିଟି ଜୀବନ । ସାମାନ୍ୟ ଏପଟ ସେପଟ ହେଲେ କାହାରି ବି ଜୀବନ ପ୍ରତି ରହିଥିଲା ବିପଦ । ତଥାପି ହିମତ୍ ହାରିନଥିଲେ ଅଗ୍ନିଶମ ବାହିନୀ କର୍ମଚାରୀ ଆଉ ଓଡ୍ରାଫ୍ ଟିମ୍ । ଜଣକ ପରେ ଜଣକୁ ଉଦ୍ଧାର କରିଥିଲେ । ହେଲେ ଶେଷରେ ଉଦ୍ଧାର ହୋଇଥିବା ନାବାଳକ ଆମୋଶ ଖରାକୁ କିନ୍ତୁ ବଂଚାଇ ହେଲାନି । ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ୮ବର୍ଷର ଆମୋଶର ମୃତ୍ୟୁ ହୋଇଥିଲା ।

କିଭଳି ଆଉ କେଉଁ ପରିସ୍ଥିତିରେ ବିପଦ ସଂକୁଳ ଅବସ୍ଥାରେ ଏହି ଘରଟିକୁ ଛାଡ଼ିଦିଆଯାଇଥିଲା ? କାହିଁକି ଏଭଳି ଦୁର୍ଘଟଣା ଘଟିଲା ତା’ର ସ୍ଥିତି ଅନୁଧ୍ୟାନ କରିଛନ୍ତି ଜୟପୁର ଉପଜିଲ୍ଲାପାଳ ।

ଆଉ ପ୍ରଶ୍ନ ଉଠିବା ଦେଖି ସାମ୍ନାକୁ ଆସିଛନ୍ତି ଅପର କୋଲାବ ପ୍ରକଳ୍ପର ମୁଖ୍ୟ ନିର୍ମାଣ ଯନ୍ତ୍ରୀ । ଆଉ କୋଲାବ ଡିଭିଜନ ଅଧୀନରେ ଥିବା ଦୁର୍ବଳ କୋଠାଗୁଡ଼ିକୁ ଖୁବ୍ ଶୀଘ୍ର ଭାଙ୍ଗାଯିବ ବୋଲି କହିଛନ୍ତି ।

ଦୁର୍ଘଟଣାର ଶିକାର ହୋଇଥିବା ଲୋକମାନେ କାହିଁକି ଏହି ପରିତ୍ୟକ୍ତ ଘର ଭିତରେ ଥିଲେ ? କେଉଁ ପରିସ୍ଥିତିରେ ଏତେ ବଡ଼ ଦୁର୍ଘଟଣା ଘଟିଲା ? ତାହା ତ ପ୍ରଶାସନର ତଦନ୍ତ ପରେ ସାମ୍ନାକୁ ଆସିବ । ହେଲେ ଯେଉଁମାନଙ୍କ ପାଇଁ ଜଣେ ନାବାଳକର ଜୀବନ ଚାଲିଗଲା ସେମାନଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ହେବା ଦରକାର ।  

   Related Posts