Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଶେଷରେ ରଦ୍ଦ ହେଲା ତିନି କୃଷି ଆଇନ, ବିଧେୟକ ଉପରେ ମୋହର ମାରିଲେ ରାଷ୍ଟ୍ରପତି ରାମନାଥ କୋବିନ୍ଦ
  • ||
  • ପଞ୍ଜାବ ନିର୍ବାଚନ ପୂର୍ବରୁ ବିଜେପିକୁ ବଡ଼ ସଫଳତା, ପଦ୍ମ ଧରିଲେ ଶିରୋମଣି ଅକାଳି ଦଳର ମନଜିନ୍ଦର ସିଂହ
  • ||
  • ନୂଆ କୋଭିଡ୍‌ ଭାରିଆଣ୍ଟକୁ ନେଇ ସଚେତନ ରହିବାକୁ ଅପିଲ୍‌ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ଜୁନିୟର ହକି ବିିଶ୍ୱକପ୍‌: ସେମିରେ ପ୍ରବେଶ କଲା ଫ୍ରାନ୍ସ
  • ||
  • ବଙ୍ଗୋମୁଣ୍ଡା ଆଇଆଇସିଙ୍କୁ କୋର୍ଟ ଚାଲାଣ କଲା ଭିଜିଲାନ୍ସ
  • ||
  • ଖଣ୍ଡପଡା : କଲେଜ ସମ୍ମୁଖରୁ ୨ ଛାତ୍ରୀଙ୍କୁ ଉଠାଇନେଲେ ଦୁର୍ବୃତ୍ତ, ପ୍ରତିବାଦରେ ଛାତ୍ରଛାତ୍ରୀଙ୍କ ରାସ୍ତାରୋକ
  • ||
  • ଭୁବନେଶ୍ବର : ୪ କୋଚ୍‌ଙ୍କୁ ବାଧ୍ୟତାମୂଳକ ଅବସର, ଅପାରଗତା ଓ ଦାୟିତ୍ବରେ ଅବହେଳା ପାଇଁ କାର୍ଯ୍ୟାନୁଷ୍ଠାନ
  • ||
  • ଗ୍ରାହକଙ୍କୁ ପୁଣି ମହଙ୍ଗା ମାଡ, ସିଲିଣ୍ଡର ପିଛା ୧୦୦ ଟଙ୍କା ବଢିଲା
  • ||
  • ସାନଖେମୁଣ୍ଡି : ବିଲରେ ପଡିଛି ନରକଙ୍କାଳ, ଧାନ କାଟିବା ବେଳେ ଦେଖିଲେ ଲୋକେ
  • ||
  • ସୁବର୍ଣ୍ଣପୁର : ମା’ ସୁରେଶ୍ଵରୀ ମନ୍ଦିରରୁ ଚୋରି ଘଟଣା : କାର୍ଯ୍ୟରେ ଅବହେଳା ପାଇଁ ୩ ପୋଲିସ କର୍ମଚାରୀ ସସ୍‌ପେଣ୍ଡ
  • ||

ବହାରିନ୍‌ରେ ରଥଯାତ୍ରା ପାଳନ କଲେ ଓଡ଼ିଆ ଭକ୍ତ, ମନ୍ଦିର ପ୍ରାଙ୍ଗଣରେ ଭିଡ଼ିଲେ ରଥ

12/07/2021 at 9:04 PM

ଭୁବନେଶ୍ୱର, ୧୨/୦୭: ଜଗନ୍ନାଥଙ୍କ ରଥଯାତ୍ରା ଆଜି ଆରବ ଦେଶର ଦି କିଙ୍ଗଡ଼ମ୍ ଅଫ୍ ବହାରିନ୍ ଠାରେ ବହୁ ଆଡମ୍ବରରେ ଅନୁଷ୍ଠିତ ହୋଇଯାଇଛି। ବହାରିନ୍ ଠାରେ ଥିବା ବହାରିନ୍ ଓଡ଼ିଆ ସମାଜ ଓ ବହାରିନ୍ ଇସ୍କନ ମନ୍ଦିର ପକ୍ଷରୁ ମିଳିତ ସହଯୋଗରେ ଏଠାରେ କୋଭିଡ ନିୟମ ପାଳନ କରି ରଥଯାତ୍ରା ଅନୁଷ୍ଠିତ ହୋଇଯାଇଛି। ବହାରିନ୍ ସରକାରଙ୍କ ଦ୍ୱାରା ଶେଷ ମୁହୂର୍ତ୍ତରେ ରଥଯାତ୍ରା ପାଇଁ ଅନୁମତି ମିଳିଥିବାରୁ ଏଠାରେ ଥିବା ଓଡ଼ିଆ ମାନଙ୍କ ମନରେ ହସର ଲହରୀ ଖେଳିଯାଇଥିଲା। କିନ୍ତୁ ସରକାରଙ୍କ କୋଭିଡ ନିୟମ ଅନୁସାରେ କେବଳ ଦଶ ଜଣ ଲୋକ ଏକାଥରେ ମନ୍ଦିର ବେଢାରେ ପ୍ରବେଶ କରିବାର ନିୟମ ରଖା ଯାଇଥିଲା।

ମନ୍ଦିର ପରିସର ମଧ୍ୟରେ ବାହାର ପାଣି ତଥା ଖାଦ୍ୟ ଖାଇବା ପାଇଁ ଅନୁମତି ମିଳିନଥିଲା। ସେଥିରେ ମଧ୍ୟ ଭକ୍ତ ମାନଙ୍କର କିଛି ଅସୁବିଧା ହୋଇନଥିଲା। ବହାରିନ୍ ଓଡ଼ିଆ ସମାଜର ପ୍ରତିଷ୍ଠାତା ଅଧକ୍ଷ ଡ ଅରୁଣ କୁମାର ପ୍ରହରାଜ ତାଙ୍କ ସହଯୋଗୀ ମାନଙ୍କ ସହିତ ରଥଯାତ୍ରା ପରିଚାଳନା କରିଥିବାବେଳେ ସେ ନିଜେ ମଧ୍ୟ ଛେରା ପହଁରା କରିଥିଲେ। ପୁରୀ ମନ୍ଦିରର ସମୟ ଓ ନୀତିକାନ୍ତିକୁ ଅନୁସରଣ କରି ବହାରିନରେ ବହୁ ଆଡମ୍ବରରେ ରଥଯାତ୍ରା ପାଳନ ହୋଇ ଯାଇଛି।

କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଗଜପତି ମହାରାଜଙ୍କର ବାର୍ତ୍ତା ପାଇବା ପରେ ଏଠାରେ ଥିବା ଓଡ଼ିଆମାନେ ବହୁ ଆନନ୍ଦିତ ହୋଇଥିଲେ। ଆଜିର ରଥଯାତ୍ରାକୁ ମଧ୍ୟ ବହାରିନରେ ଥିବା ଭାରତୀୟ ରାଷ୍ଟ୍ରଦୂତ ଶ୍ରୀ ପିୟୁସ ଶ୍ରୀବସ୍ତାଵ ଏବଂ ବହାରିନ୍ ଇସ୍କନ ମନ୍ଦିରର ଅଧକ୍ଷ ବର୍ଧରାଜନ ପ୍ରଭୁ ସମ୍ପୂର୍ଣ୍ଣ ସହଯୋଗ କରିଥିଲେ।

   Related Posts