Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀ ଗିରଫ
  • ||
  • ମିର୍ଜାପୁରରେ କଂଗ୍ରେସ ନେତା ଦିଗ୍‌ବିଜୟ ସିଂହଙ୍କ ବଡ଼ ବୟାନ, କହିଲେ- ପାକିସ୍ତାନ ଯିବାକୁ ଚାହୁଁଛି
  • ||
  • ରାଜନୀତିରେ ପ୍ରବେଶ କଲେ ସୁପରଷ୍ଟାର୍ ରଜନୀକାନ୍ତ
  • ||
  • ବଢିଲା LPG ସିଲିଣ୍ଡର ଦର ଏବେ ବିନା ସବସିଡି ଉପଭୋକ୍ତାଙ୍କୁ ଦେବାକୁ ପଡିବ ଅଧିକ ୫୦ଟଙ୍କା
  • ||
  • ସାଲେପୁର : ଆମ୍ବୁଲାନ୍ସକୁ ପିଟିଲା କାର୍, ଡ୍ରାଇଭର ଆହତ
  • ||
  • କଟକ : ସି-ସୋର ଘାଟରୁ ଅଜଣା ମୃତଦେହ ଉଦ୍ଧାର, ଭାସି ଆସିଥିବା ସନ୍ଦେହ
  • ||
  • ଚଣ୍ଡିଗଡ : ପଦ୍ମ ବିଭୂଷଣ ଫେରାଇଲେ ପଞ୍ଜାବର ପୂର୍ବତନ ମୁଖ୍ୟମନ୍ତ୍ରୀ ପ୍ରକାଶ ସିଂହ ବାଦଲ
  • ||
  • ନୂଆଦିଲ୍ଲୀ : ଅନଲାଇନ୍‌ରେ ହେବନାହିଁ CBSE ବୋର୍ଡ ପରୀକ୍ଷା, ପୂର୍ବଭଳି ପରୀକ୍ଷା ଦେବେ ଛାତ୍ରଛାତ୍ରୀ
  • ||
  • ଝାରସୁଗୁଡା : ବାପା ନା’ ରାକ୍ଷସ, ନିଶାଶକ୍ତ ଅବସ୍ଥାରେ ୧୧ ବର୍ଷର ଝିଅ ସହ କଲା ଦୁଷ୍କର୍ମ !
  • ||
  • କନ୍ଧମାଳ : ହଜିଗଲା ମା’ର ମମତା, ୪ ବର୍ଷ ଝିଅର ଗାଲ କାଟିଦେଲା ସାବତ ମା’ !
  • ||

ବିରୋଧୀଙ୍କ ଟାର୍ଗେଟରେ ‘ଆମ ଗାଁ ଆମ ବିକାଶ’ ଯୋଜନା

14/01/2020 at 6:09 PM

ଭୁବନେଶ୍ୱର ୧୪।୦୧ – ଆମ ଗାଁ ଆମ ବିକାଶ ଯୋଜନାରେ କାହିଁକି ସରିନି ପ୍ରକଳ୍ପ କାମ । ଜିଲ୍ଲା ଅଫିସରଙ୍କ ସିସିଆର ନିର୍ଭର କରିବ ପ୍ରକଳ୍ପ କାମ ସରିବା ଉପରେ । ପଞ୍ଚାୟତ ରାଜ ବିଭାଗର ଏମିତି ତାଗିଦ ପରେ ‘ଆମ ଗାଁ ଆମ ବିକାଶ’ ଯୋଜନାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ । ଯାହାର ଜବାର ରଖିଛନ୍ତି ବିଭାଗୀୟ ମନ୍ତ୍ରୀ। କେମିତି ରହିଛି ସରକାରଙ୍କ ଯୋଜନା ଆମ ଗାଁ ଆମ ବିକାଶର ବାସ୍ତବ ଚିତ୍ର।

ବିରୋଧୀଙ୍କ ଟାର୍ଗେଟରେ ରାଜ୍ୟ ସରକାରଙ୍କ ‘ଆମ ଗାଁ ଆମ ବିକାଶ’ । ପ୍ରଶ୍ନ କରିଛନ୍ତି କାହିଁକି ଆଗେଇ ପାରୁନି ପ୍ରକଳ୍ପ କାମ । ନିର୍ବାଚନ ପୂର୍ବରୁ ଗାଁର ବିକାଶ ଲାଗି ରାଜ୍ୟ ସରକାର ଆରମ୍ଭ କରିଥିଲେ ମେଗା ଯୋଜନା ଆମ ଗାଁ ଆମ ବିକାଶ । ଗାଁର ବିଭିନ୍ନ ପ୍ରକଳ୍ପ ଲାଗି ଅର୍ଥ ଘୋଷଣା ବି ହୋଇଥିଲା ।

ହେଲେ ଗ୍ରାଉଣ୍ଡରେ ଏବେ ତାହା ପ୍ରତିଫଳିତ ନ ହେବା ନେଇ ଉଠିଛି ପ୍ରଶ୍ନ । ଆମ ଗାଁ ଆମ ବିକାଶ ଯୋଜନାରେ ପ୍ରକଳ୍ପ କାମ ସପୂର୍ଣ୍ଣ ନହେବା ନେଇ ଏ ହେଉଛି ପଞ୍ଚାୟତ ରାଜ ସଚିବଙ୍କ ଚିଠି । ଯୋଜନାରେ ସରକାର ଘୋଷଣା କରିଥିବା  ଅଧାରୁ ଅଧିକ ପ୍ରକଳ୍ପ କାମ ଶେଷ ହୋଇ ନଥିବାରୁ ଜିଲ୍ଲାପାଳ ଓ ପ୍ରକଳ୍ପ ନିର୍ଦ୍ଦେଶକ ଏବଂ ବିଡିଓଙ୍କୁ ତାଗିତ କରି ଚିଠି ଲେଖିଛନ୍ତି ।  ସେପଟେ ସଚିବଙ୍କ ଚିଠିକୁ ଆଧାର କରି ସରକାରଙ୍କୁ ଘେରିଛନ୍ତି ବିରୋଧୀ । ନିର୍ବାଚନକୁ ଆଖିରେ ରଖି ରାଜ୍ୟ ସରକାର ଏମିତି ଯୋଜନା କରିଥିଲେ ବୋଲି ବିରୋଧୀ ଆକ୍ଷେପ କରିଛନ୍ତି।

ଆମ ଗାଁ ଆମ ବିକାଶ ଯୋଜନାରେ ରାଜ୍ୟ ସରକାର ୬୨ ହଜାର ୭ ଶହ ୪୩ ପ୍ରକଳ୍ପ ଘୋଷଣା କରିଥିଲେ । ସେଥିରୁ ୬୨ ହଜାର ୨ ଶହ ୭୩ ପ୍ରକଳ୍ପ କାମ ଆରମ୍ଭ ହୋଇଛି ।

୩୦ ହଜାର ୨ଶହ ୬୨ପ୍ରକଳ୍ପ କାମ ସରିଥିବାବେଳେ ବାକି ପ୍ରକଳ୍ପ କାମ ଚାଲୁଛି । ତେବେ ୪ଶହ ୬୯ ପ୍ରକଳ୍ପ କାମ ଆରମ୍ଭ ହୋଇପାରିନି । ସେପଟେ ପଞ୍ଚାୟତିରାଜ ମନ୍ତ୍ରୀ କହିଛନ୍ତି ଜମି ଜମା ସମସ୍ୟା ଥିବାରୁ ପ୍ରକଳ୍ପ କାମ ଆଗକୁ ହୋଇ ପାରିନି । ଏନେଇ ବିଭାଗ ପକ୍ଷରୁ ଜିଲ୍ଲାପାଳ ଓ ପ୍ରକଳ୍ପ ନିର୍ଦ୍ଦେଶକମାନଙ୍କୁ ବିକଳ୍ପ ପ୍ରସ୍ତାବ ଦେବାକୁ ନିର୍ଦେଶ ଦିଆଯାଇଛି । ଯେଉଁମାନେ ଠିକଣା ସମୟରେ କାମ ନ ସାରିବେ ସେମାନଙ୍କ ସିସିଆରରେ ଏହା ପ୍ରତିଫଳିତ ହେବ ବୋଲି କୁହାଯାଇଛି ।

– ଆମ ଗାଁ ଆମ ବିକାଶ ପ୍ରକଳ୍ପ କାମ ସିଧା ସଳଖ ମୁଖ୍ୟମନ୍ତ୍ରୀ ଅନୁଧ୍ୟାନ କରୁଥିବାରୁ ଖୁବଶୀଘ୍ର ସେ ଏହାର ସମୀକ୍ଷା କରିବେ ବୋଲି ବିଭାଗ ସୂଚନା ଦେଇଛି ।

   Related Posts