Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ବିଷଧର ତମ୍ପ ସାପର ଏକ୍ସରେ- ଅପରେସନ୍‌ ବେଡ୍‌ରେ ସାପ, ପେଟରୁ ବାହାରିଲା ବନସି କଣ୍ଟା

20/10/2019 at 5:19 PM

ଭୁବନେଶ୍ୱର ୨୦।୧୦ – ଅପରେସନ ବେଡରେ ସାପ । ଦୀର୍ଘ ଘଣ୍ଟାଏ କାଳ ଅପରେସନ ପରେ ମରଣ ମୁହଁରୁ ବଞ୍ଚାଇ ପାରିଛନ୍ତି ଡାକ୍ତର । ପେସେଣ୍ଟ ର ନା ତମ୍ପ ହୋଇଥିବାବେଳେ ତାର ଠିକଣା ଜଳେଶ୍ବରରେ । ଭୁବନେଶ୍ବର ଓୟୁଏଟି ପ୍ରାଣୀ ଚିକିତ୍ସାଳୟରେ ସାପର ଅପରେସନ ପରେ ସେ ଏବେ ସୁସ୍ଥ ଅଛି । ତେବେ ଆସନ୍ତୁ ଦେଖଇବା ସେ ତମ୍ପ କିଏ ଓ କାହିଁକି ହୋଇଥିଲା ତାର ଅପରେସନ  ।

ପେସେଣ୍ଟର ନାଁ ତମ୍ପ ।  ଠିକଣା ଜଳେଶ୍ବର । ତମ୍ପର ଅପରେସନ ପାଇଁ ଚାଲିଛି ପ୍ରସ୍ତୁତି । ଆବଶ୍ୟକୀୟ ଔଷଧ ପତ୍ର, ସାଲାଇନ ଠୁ ଆରମ୍ଭ କରି ଏକ୍ୟୁମେଣ୍ଟ ଏକାଠି କରାଯାଉଛି । ମଣିଷ ନୁହେଁ ଆମେ କହୁଛୁ ତମ୍ପ ସାପ ଅପରେସନ କଥା । ଏ ହେଉଛି  ଭୁବନେଶ୍ବର ଓୟୁଏଟି ପ୍ରାଣୀ ଚିକିତ୍ସାଳୟରେ ଓଟିର ଦୃଶ୍ୟ ।  ସାପରେ ତଣ୍ଟିରେ କଣ୍ଟା ଲାଗିଥିବାରୁ ତାକୁ ଅପରେସନ କରିବାହାର କରିବାକୁ ଓୟୁଏଟିକୁ ଅଣାଯାଇଥିଲା ।  ପ୍ରଥମେ ତାର ଏକ୍ସ୍ରେ କରାଯାଇଥିଲା । ସାପକୁ ଆନାସ୍ଥେସିଆ ଦିଆଯାଇ ଆରମ୍ଭ ହୋଇଥିଲା ଅପରେସନ । ଆପଣ ଦେଖୁଛନ୍ତି ଅପରେସନ ତମ୍ପ ସାପର ଦୃଶ୍ୟ । ସାପ ପାଟିରେ ଦେଖାଯାଉଛି ବନସି ସୂତା । ଆଉ ଭିତରେ ଲାଗିଛି ବନସିର କଣ୍ଟା । କଣ୍ଟାକୁ କାଢିବାକୁ ଅପରେସନ ଚଳାଇଛନ୍ତି ଓୟୁଏଟିର ଡାକ୍ତରୀ ଟିମ । ସଲ୍ୟ ଚିକିତ୍ସା ବିଭାଗର ଡାକ୍ତର ବିଶ୍ବଦୀପ ଜେନା ଓ ତାଙ୍କ ଟିମ ପାଖା ପାଖି ଘଣ୍ଟାଏ କାଳ ଅପରେସନ କରିବା ପରେ ତମ୍ପ ସାପ ପେଟରୁ ବାହାରିଥିଲା ବନସି କଣ୍ଟା । ଆଉ ପୁଣି ତାର ପେଟକୁ ଷ୍ଟିଚ କରିଛନ୍ତି ଡାକ୍ତର ।

ବାଲେଶ୍ବର ଜିଲ୍ଲାର ଜଳେଶ୍ବର ଅଞ୍ଚଳରେ ଏକ ପୋଖୀରେ  ସାପଟି ବନିଶୀ ଗିଳି ଛଟପଟ ହେଉଥିଲା। ଖବର ପାଇ ସ୍ନେକ ହେଲ୍ପ ଲାଇନ ସଦସ୍ୟ ସାପଟିକୁ ଉଦ୍ଧାର କରି ଓୟୁଏଟି ପ୍ରାଣୀ ଚିକିତ୍ସାଳୟ ଆଣିଥିଲେ । ସାପର ପେଟରେ କଣ୍ଟା ଲାଗିଥିବାରୁ ତାର ବଞ୍ଚିବା କଷ୍ଟକର ଥିଲା । କଣ୍ଟା ଗିଳିଥିବା ସାପକୁ ଅପରେସନ ଏବେ  ଅପରେସନ ପରେ ସାପଟି ସୁସ୍ଥ ଥିବା ଡାକ୍ତର କହିଛନ୍ତି । ସାପକୁ ତରଳ ଖାଦ୍ୟ ଦିଆଯିବ ସଂପୂଣ୍ଣ ସୁସ୍ଥ ହେବା ଯାଏ ୭ରୁ ୧୦ ଦିନ ଅବଜରଭେସନରେ ରଖାଯିବ ।

ସୁସ୍ଥ ହେବାପରେ ତମ୍ପକୁ ପୁଣି ଥରେ ଧରାଯାଇଥିବା  ଅଞ୍ଚଳରେ ଛଡାଯିବ ବୋଲି ସେକ୍ନ ହେଲପ ଲାଇନ ପକ୍ଷରୁ କୁହାଯାଇଛି ।

   Related Posts